Зөгнөл дугаар 385 - Аюул гамшгийг арилгахын тулд Аврагчтай хамт Жинхэнэ Хайрыг сэрээ

Эзэн “Би Аялгууг тэрхүү сэргэлтэд зориулан бэлтгэж байгаа. Энэ нь шүтлэгээр тэтгэгдэн тогтвортой, хэвээр хадгалагдах учраас би Аялгууг дараагийн юүлэлтэнд бэлдэж байгаа хэмээн хэлсэн билээ.

АНУ-ын пастор мөн зөнч Брэндон Биггс өөрийн “Last Days” нэртэй YouTube суваг дээрээ саяхан нийтэлсэн мессеждээ хөгжмийн салбарт удахгүй болох сэргэлтийн талаар Эзэн түүнд юу харуулсныг хуваалцжээ. Энэ дараагийн сэргэлтийн талаар Эзэн надад юу харуулсныг би мэднэ, мөн удахгүй болох гэж байгаа зүйлийн төлөө Христийн бие буюу итгэгчдийн хамт үүнд зориулж залбирах цаг болсон гэж Тэр надад хэлсэн. Диваажингийн аялгуу. Хөгжмийн тэмдэглэгээний нотууд сүнснээс төрж, амьдралтай, хөдөлгөөнтэй болон бүжиж мөн сүнслэг хүч, Бурханаас өгөгдсөн онцгой адислал, хүчээр хүмүүсийг өөртөө татан, чөтгөрийн талынхны бүлэглэлийн одоогийн тогтоосон хуучин хэвшмэл дэг журмыг нураан, устгаснаар Бурханы олон түмэн болж, бүхний гол мөн төв нь байх болно.

Эзэн “Би Аялгууг тэрхүү сэргэлтэд зориулан бэлтгэж байгаа. Энэ нь шүтлэгээр тэтгэгдэн тогтвортой, хэвээр хадгалагдах учраас би Аялгууг дараагийн юүлэлтэнд бэлдэж байгаа хэмээн хэлсэн билээ.

Сүүлийн хэдэн арван жилд хөгжмийн салбарт сэргэлт явагдаж байна. Жишээлбэл, АНУ-ын зөнч, хөгжимчин мөн пастор Ким Клементийн магтаал, мөргөлийн сүмийн дуунууд нь олон хүнийг Христийн шашин, сургаалыг дагах итгэлд буцааж авчирсан.

Та Эзэн Бурханы Уул руу очихыг хүсэж байна уу? Та Эзэн Бурханы Уул руу очихыг хүсэж байна уу? Учир нь Эзэн Бурханы Ууланд цангасан хүмүүст зориулсан газар бий

Та Эзэн Бурханы Уул руу очихыг хүсэж байна уу? Та Эзэн Бурханы Уул руу очихыг хүсэж байна уу? Учир нь Эзэн Бурханы Ууланд гэмтсэн хүмүүст зориулсан газар бий

Мөн түүнчлэн, шинэ төрлийн сүнслэг “Аялгуу” бий болон, гарч ирж байна. 1990-ээд онд, Петер Стерлинг (цагаан хоолтон) бясалгалын үеэрээ босоо ятгын хөгжимд амьдралынхаа утга зорилгыг олсон.

Би Бурханаас – эсвэл Сүнснээс – миний эрхэм зорилго юу болохыг надад илчлэхийг гуйж байсан, учир нь би дэлхий дээр энэ үед, тэнд ухамсрын, асар их гайхалтай шилжилт, өөрчлөлт өрнөж байгааг мэдэж байсан бөгөөд би энэхүү гарагийн сэргэлтэд эерэг нөлөө үзүүлэх нэгэн хэсэг нь болохыг хүссэн юм. Тэгээд би миний зорилго, эрхэм даалгавар юу болохыг асууж байсан. Тэгээд тэнгэр элч нар ирж, надад миний даалгавар бол миний сонсож байсан Тэнгэрлэг болон Диваажингийн хөгжмийн суваг нь байх, мөн миний тоглох гэж буй хөгжмийн зэмсэг бол босоо ятга гэдгийг дамжуулсан. […]

Тэд надад хэрхэн тоглохыг зааж өгч, мөн энэ хөгжмийг дэлхийд хүргэхэд тусална гэж хэлсэн. Тэд хөгжимд давтамж бий бөгөөд энэ нь одоогийн цаг үед хүмүүсийг сэрээхэд нь туслах болно гэж хэлсэн. Тэд энэхүү Тэнгэрлэг хөгжим бол дуудлага мэт, [удирдагч тэнгэр элч] Габриел бүрээгээ үлээж, бүх сүнсийг гэрт нь дуудаж буй мэт гэж хэлсэн. Энэ нь эрин үеүүдийн шилжилт шиг. Бас энэ хөгжим яг л тэрэн шиг байна. Энэ нь хүмүүсийг илүү өргөнөөр, томоор алсыг харахад хүргэж, сэрээж байна.

Богино хугацаанд Петер Стерлинг босоо ятга тоглох ур чадварыг эзэмшиж мөн хэд хэдэн цомог гаргажээ. Тэрээр нэгэн ярилцлагадаа, “Олон гайхалтай зүйлс тохиолдож эхэлсэн. Тэнгэр элч нар тэднийг хөгжмөөр эдгээсэн бөгөөд энэ нь тэдэнд хүнд хэцүү цаг үед нь хэрхэн тусалсан тухай бичсэн захидлуудыг би хүмүүсээс хүлээн авдаг байв. Тэр цомгийн бичлэг дээр сахиусан тэнгэрүүдийн энерги шингэсэн байдагт, мөн та үүнийг шууд мэдэрч, туршиж чадна гэдэгт би үнэхээр итгэдэг” гэж дурдсан.

Доктор. Стивен Халперн бол тайвшруулах, эрүүл сайхан байхад мөн “эрүүл мэндийн аялгуу”-д зориулсан хөгжмийн анхдагч хөгжмийн зохиолч, бичлэг хийдэг уран бүтээлч юм. Түүний аялал нь залуу насандаа Калифорнийн улаан хуш моддын дунд бясалгал хийж байхдаа Тэнгэрлэгийн дууг сонссоноор эхэлсэн юм. Олон жилийн турш Доктор. Халперн байгаль, бясалгал, залбирлын эх ундаргаас урам зориг авч ирсэн.

Заримдаа энэ нь шинэ хөгжмийн зэмсгүүд, шинэ аялгуунууд байдаг. Харин миний хувьд амьдрал өөрөө, нар жаргах агшнууд, гадаа гарч хашаандаа байдаг улаан хуш модны дор суух, мөн мэдээж байгаль, бас зөвхөн залбирал, тэгээд өөрийнхөө сүнслэг хөгжилд анхаарлаа төвлөрүүлэх юм. Мөн үргэлж сэтгэлийн гүнээсээ өргөсөн тэр залбиралтай хамт.

Мөн миний чин хүсэл, зорилго бол хөгжим бүтээж, хөгжмөөр дамжуулан сонсогчийн доторх сэтгэл, ухамсарт буй хамгийн дээд, хамгийн сайныг сэрээн гаргахад үйлчилснээр, энэ гараг дээр илүү их амар амгалан эв зохицлыг цогцлооход туслах юм. Тэгэхээр тэнд үргэлж хийх их ажил байсаар байдаг, тэр нь бүхнийг шинэлэг сэтгэл сэргээсэн байдлаар байлгаж байдаг.

Германы Шинэ эрин үеийн хөгжимчин Георг Дойтер Барууны болон Дорнын элементүүдийг эвлүүлэн нэгтгэж, бясалгалд зориулсан хөгжим бүтээжээ. Тэрээр амьдралын утга учрыг хайн, эрэлхийлж байхдаа Энэтхэгт өөрийн амьдралын зорилго, дуудлагыг олсон.

Би Энэтхэгт байхдаа, тэнд надад хэн нэгэнтэй уулзах юм шиг мэдрэмж төрж байв. Би Бомбэйд байснаа санаж байна, тэгээд утасны лавлах руу харж, “гуру” гэсэн нэрийн дор ямар нэгэн зүйл байгаа эсэхийг харж, ингэснээр та ямар нэгэн зүйл олох боломжтой байлаа. Энэ үнэхээр гайхалтай байсан, яг л гэртээ ирж буй мэт мэдрэмж төрж байсан. Энэ нь биелэгдээгүй, хөндий, хоосон эсвэл дотоод сэтгэлд нүх мэт зүйл байсан ч тэр мөчид гэнэт дүүргэгдэн, нөхөгдсөн.

Бид илүү их, илүү хурд нь гол зорилго нь мэт санагддаг ертөнцөд амьдарч байна. Миний хөгжим амьдралын хурдаа сааруулж, оршин тогтнож, амьд байгаадаа талархаж байгаагаа мэдэрч, дотоод нам гүм, тайвшрах туршлага хуримтлуулахад нь тус болсон байх гэж найдаж байна. Яг л хуучин Зэн шүлэг шиг, “Юу ч хийхгүй, чимээгүй суухад, хавар ирж, өвс өөрөө ургадаг.”

Олон хөгжимчин сонсогчдод эерэг нөлөө үзүүлэх бүтээлүүдийг туурвихын тулд зүрх сэтгэлээ дагаж ирсэн. Санваартан Брэндон Биггсийн хэлснээр энэхүү шинэ төрлийн дэвшүүлэгч хөгжим удахгүй гол, түгээмэл урсгал болох болно. Бидний Хамгаас Эрхэм Төгс Гэгээрсэн Их Багш Чин Хай (веган) бидэнд энэ дэлхийн хөгжмийн зэмсэг болон хөгжмийн гарал үүслийг илчилсэн.

Уг нь бол энэ дэлхийд тийм хөгжмийн зэмсгүүд байгаагүй. Сайн бясалган дадуулдаг хүмүүс Диваажинд очиж босоо ятга, лимбэ сонссоны дараа – үнэхээрийн эгшиглэнт Бурханы шууд Сургаалыг сонсчхоод – энд эргэж ирээд аан, тэгээд тэд тийм зэмсгүүдийг зохиох гэж хичээсэн нь одоогийн бидний хөгж мийн зэмсгүүд болсон юм. Тийм учраас заримдаа эртний зургуудыг харвал, сахиусан тэнгэрүүдийн хоёр талд босоо ятга байгаагаар дүрсэлсэн байдаг. Энэ нь Диваажингийн Сургаалыг төлөөлдөг юм.

Бидний Хамгаас Хайртай Төгс Гэгээрсэн Их Багш Чин Хай шиг хамгийн өндөр түвшний Гэгээрсэн Их Багшийн бүтээсэн дуу эсвэл хөгжмөөс гарал үүдэлтэй сүнслэг хүч нь хэмжээлшгүй, үнэлж баршгүй гэдгийг бид онцлон тэмдэглэхийг хүсч байна. Манай нийгэмлэгийн олон гишүүн Их Багшийн дуулахыг, дууллыг эсвэл хөгжмийн зэмсгүүдийг тоглохыг нь сонсож байхдаа ер бусын туршлага амсаж, мэдэрсэн.

Би 2024 оны 5-р сард Арьяабалын бясалгалын үеэр үзсэн дотоод ахуй ойлголтоо хуваалцахыг хүсэж байна. Тэр өдөр би Их Багшийн “ПУСУ дуу”-г тоглуулсан ба дууны энергийн талбарт жинхэнээсээ орсон. Энэ нь Тим Ко Тү- гийн Шинэ Ертөнц өөд чиглэн сүнсийг ариусган, дэвшүүлж, хувьсгах хүчирхэг энергийг агуулдаг.

Энэ дуу гурван хэсэгтэй. Хэсэг бүр өөрийн гэсэн энергитэй байдаг. Эхэнд нь авшигтны нэг бүлэг, голд нь манай бүлэг, хамгийн өндөрт Их Багш зогсож байхыг би харсан. Таныг дуулж эхлэхэд бид бүгд нэгдмэл байдлаар дуулж байлаа. Дууны эхний хэсэгт сүнснүүд эхлээд ариуссан, дараа нь дунд хэсэгт нь өргөгдсөн. Эцэст нь, сүүлийн хэсэгт Их Багш сүнснүүдийг цэвэр энергийн талбар буюу эрчим хүчний эх үүсвэр болгон хувиргасан – тэд зүгээр л сүнс байхаа больсон. Их Багш хувьсган өөрчилсний дараа тэд Тим Ко Тү-гийн Шинэ Ертөнц рүү явах болно.

Зөвхөн Тим Ко Тү л сүнсийг хувьсган өөрчлөх чадвартай. Хэдийгээр сүнс нь Их Багшийн хувьсгалгүйгээр Буддагийн Оронд дэвшсэн байсан ч Тим Ко Тү-гийн Шинэ Ертөнц рүү хэзээ ч очиж чадахгүй. Тим Ко Тү-гийн Шинэ Ертөнц рүү очихын тулд сүнсийг цэвэрлэх, өргөх, хөгжүүлэх үйл явц нь миний дүрсэлсэн шиг энгийн биш. Зарим хэсэгт Их Багшийн дуулалт нь чангарсан байсан бөгөөд ариусгах үйл явц нь туйлын хэцүү, зүдэргээтэй байсан. Оролцсон хамаг оршихуй энэ дууг мэдэж, Тантай хамт дуулах хэрэгтэй байв. Зам нь эгц босоо өгсүүр, хурц үзүүртэй зүйлсээр дүүрсэн, хүрэхэд туйлын хэцүү байв.

Та өндөрт, маш хол зогсож, бид доор байсан ба Таны дуу хоолойны энергиэр хөтлөгдөн, дээшээ татахад тусалсан. Таван цаг үргэлжилсэн энэ үйл явц асар их хүчтэй энергиэр дүүрсэн байв. Бясалгал хийж дууссаны дараа миний бие тэсэхээ больсон – би маш их ядарсан ч Таныг гүнээ алдаршуулсан. Дэлхий дээр оршин буй Бүхнээс Агуу Бурханы төлөөлөгч, Цаглашгүй Дээд Их Багшийн шавь нар байх – Таны шавь нар болсон бид асар их, үлэмж аз завшаантай билээ. Гайхамшигтай бүх барилдлагад Таны хязгааргүй Алдар бадраг.

Төгс Гэгээрсэн Их Багш Чин Хайн дуу хоолой бол дэлхийн хамгийн өндөр давтамж гэдгийг батлах хоёр бяцхан түүхийг хуваалцахыг хүслээ. Үзэгдэх болон үл үзэгдэх оршнолуудыг ариусгаж, дээшлүүлдэг.

Нэг удаа би ууланд хэд хоног даяан бясалгалаар явсан юм. Интернэт холболт байхгүй байсан тул би Их Багшийн Буддагийн уншлагыг тоглуулсан. Нэгэн орой олон төрөлтөн надад энэ гайхалтай дууг тоглож өгсөнд талархах гэж ирэв. Надад талархсан сүнснүүд нь тэр ууланд байдаг модны сүнснүүд болон үл үзэгдэх төрөлтнүүд байсан юм.

Хоёр дахь түүх: Нэг удаа манай гэр бүлийн гишүүн эмээ маань унаж бэртээд хөдөлж чадахгүй, магадгүй нас барах байх гэж хэлсэн. Тэд намайг харьж ирээд сүүлчийн удаа уулзахыг хүссэн. Би гэртээ буцаж ирснийхээ дараа эмээгийнхээ толгой дээр Их Багшийн Буддагийн уншлагыг тоглуулав. Хоёр цагийн дараа тэр хажуу дахь модон сандлаа хөдөлгөж чадсан нь бидний гайхширлыг төрүүлэв. Өмнө нь тэр бараг хөдөлж чаддаггүй байсан ч нэг өдрийн дараа тэр аль хэдийн сууж чаддаг болсон юм. Тиймээс тэр үед манай гэрийнхэн үнэхээр гайхалтай гэдгийг мэдэрсэн. Би: “Энэ бол миний Их Багшийн дуу хоолой бүх зүйлийг ариусгасных, учир нь тэр бол Будда бөгөөд маш хүчтэй” гэж хэлсэн. Энэ гайхамшиг манай гэрийнхнийг Их Багшийг улам хүндэлдэг болгов.

Өдөр тутмын зуршлаасаа хуваалцъя: Би байшин дотроо Суприм Мастер ТВ тоглуулж гадаа хэд хэдэн буланд Их Багшийн Буддагийн уншлагыг цацдаг. Миний ашигладаг зүйл бол ус нэвтэрдэггүй нарны тоглуулагч бөгөөд байгальд ээлтэй, бат бөх, хямд. Суприм Мастер ТВ-ийн нэвтрүүлгүүдийг аль болох хуваалцаарай. Энэ нь хүмүүсийн дотоодод тусалж, оюун ухаанд нь яагаад веган байх, амар амгаланг тогтоох, гэгээрэлд тэмүүлэх хэрэгтэйг ойлгуулж чадна. Их Багшийн Буддагийн уншлага эсвэл аялгууг хуваалцах нь наанадаж тэдний сүнсэнд маш их тустай байх болно. Үзэгдэх болон үл үзэгдэх олон оршнолууд Их Багшийн дуу хоолойг сонсохдоо маш их баяртай байдаг.

Гэх мэт...

Тиймээс Төгс Гэгээрсэн Их Багш Чин Хайн дуу хоолойг дуу, уншлага, залбирал, хөгжим эсвэл яриа хэлбэрээр хуваалцан, түгээх замаар дэлхийн давтамжийг дээшлүүлж, агаар мандлыг цэвэршүүлэн ариутгах нь маш их ач тустай юм.

Сонирхолтой нь, Санваартан Брэндон Биггс өөрийн зөгнөлт мессеждээ “Тэнгэрлэг хөгжим” биш, харин “Тэнгэрлэг аялгуу” гэсэн нэр томьёог ашигласан. Энэ нь хөгжмийн ертөнцөөс хальсан ямар нэг зүйлийг илэрхийлж байгаа юм шиг санагддаг, учир нь дуу авиа нь хөгжмийн нотоор бүртгэгдэж эсвэл хүний ​​чихээр сонсогдох боломжгүй илүү өргөн хүрээний давтамжтай байдаг. Бараг бүх эртний ариун судар дээд гарал үүслийн Аялгууны тухай хэсгүүдийг агуулж байдаг. Тэдний хооронд ямар холбоо байдаг вэ? Бид үүнийг дараагийн дугаараас олж мэдэх болно.