Дэлгэрэнгүй
Татаж авах Docx
Дэлгэрэнгүй уншаарай
Сахиусан тэнгэрүүдэд хүртэл бидэнд байгаа зүйл байдаггүй. Тиймээс Бурхан биднийг маш их хайрлаж, харин сахиусан тэнгэрүүд атаархаж, олон буруу зүйл хийсэн. Улмаар Бурхан тэднийг доогуур оршихуйд цөлөх ёстой болсон юм. Сахиусан тэнгэрүүд ба бүтээгдсэнийхээ дараа Бурханаас хүч авдаг. Ингээд тэд маш их хүчээ сөргөөр ашиглаж, хүмүүсийг үнэхээр хэцүү нөхцөлд оруулж, тэмцэлдэхэд хүргэж, хүнд сорилтод оруулсан. Хүмүүс хэдийнээ Бурханаас гадуур төрсөн - хэдийгээр хүмүүс бидэнд энэ бүх Бурханы Хүч байдаг ч, арай бага хэмжээгээр байдаг ч сахиусан тэнгэрүүдээс хүчтэй – гэсэн ч хүмүүсийг материаллаг оршихуйд сургалгүйгээр, хүнд амьдралд бэлтгэлгүйгээр оруулсан. Магадгүй сургасан байж мэднэ, магадгүй биднийг энэ хувцас болсон махан биед үсэрч орохоос өмнө Диваажинд юу хийхийг зааж өгсөн байсан байх. Тэгээд бид мартчихсан. Үсрээд орсон бөгөөд энэ материаллаг хувцсыг өмсөөд бидэнд юу гэж заасныг, юу гэж хэлснийг, төрөлхийн өвлөн авсан энэ хүчээрээ төрөл бүрийн нөхцөлийг хэрхэн давж туулахыг мартсан байх. Гэвч бид мартчихсан.Тэгэхээр яагаад гэж боддог, Бурхан биднийг Өөрийнхөө дүрээр бүтээсэн гэсэн байхад яагаад Бурхантай адилгүй юм бэ? Бид үнэхээр даруу, маш их тэмцэж амьдарна, үнэхээр сул дорой, харанхуй мунхаг бөгөөд энэ материаллаг дэлхийд амьдрахын тулд шаргуу хөдөлмөрлөхөөс өөр зүйл мэддэггүй. Харагдаж байгаачлан бид бүтээгч хүчтэй, гэвч үүнийг үнэлдэггүй. Жишээ нь бид хүүхэд бүтээж чадна, оюун ухаантай байж чадна, зэрлэг газрыг үржил шимтэй талбай болгож өөрчилж, эргэн тойрныхоо бусдад хоол шим тэжээл хүртээх боломжтой. Тэгээд бас энэ тэр супер технологи бүтээж чадна: нисэх онгоц, автомашин, Сар руу пуужин хөөргөж, супер олон улсын Интернэт гаргаж, олон мянган бээрийн цаанаас яг л урд урдаасаа хараад байж байгаа мэт нүүр нүүрээ харан ярилцах боломжтой. Бидэнд ийм зүйл байдаг ч энэ бяцхан махан биед ахиад олон зүйл нуугдаастай байгааг ихэнх маань олж нээгээгүй.Өдийг хүртэл материаллаг бие доторх энэ гайхамшгийг сурсан хүн байхгүй гэж Диваажин надад хэлсэн. Саяхныг хүртэл би бас энэ талаар мэддэггүй байлаа. Энэ бол ахиад л шинэ нээлт. Энэ гараг дээр ирсэн хэн ч бай үүрд суралцах болно. Нөхцөл байдлаас хамаарч бид өөрсдийнхөө энэ эгэл даруу биед нуугдсан шидийн хүчийг олж нээх болно. Хэдийнээ олны танил зарим энгийн байрлалыг авч бие махбодоо хэрхэн ашиглаж болох тухай хэдэн жишээг би дурдлаа. Эртний зарим ухаалаг Их Багш нарын нээлтээс магадгүй энэ л үлдсэн байх. Ахиад үй олон байгаа ч энэ махан биед хүртэл, тэдгээрийг ашиглах хангалттай хугацаа байхгүй. Хэрэв би сонгох ёстой болбол жишээ нь алийг нь юунд ашиглахаа сонгоход хүрвэл ямар нөхцөлд юу ашиглахаа шалгана. Зарим биеийн хүч... Үнэндээ бие биш, биед нуугдсан хүчийг хэлж байгаа юм, зөвхөн цахилгаан хүч цахилгааны утсанд нуугдсан байдаг гэх мэт.Энгийн компьютерт хүртэл маш олон апп, маш их мэдээлэл, компьютерын эзэн нь ч заримдаа ашиглаж мэдэхгүй олон зүйлс байдаг. Компьютер гэх мэт төхөөрөмжийг ярихад ийм байна, ингэснээр та нар бие махбодын талаар илүүтэй олгох байх. Бие махбодыг ихэнх хүмүүсийн мэдэж амжаагүй байгаа үй олон мэдээлэл агуулагдаж байдаг багаж гэж хэлж болно. Өөр юм бараг хийлгүй бүх насаа зориуллаа ч бүгдийг нь олж нээж чадахгүй байж мэднэ. Гэвч Бурхан бидэнд өгдөг, ядаж л надад хэрэгтэй бүхнийг минь өгдөг, тийм л юм. Би бүгдийг нь ашиглах шаардлагагүй. Цаг байвал болно л доо. Гэвч ихэнхдээ би маш завгүй байдаг. Зарим тохиолдолд өөр сонголт байхгүй үед би яг хэрэгтэйгээ л сонгодог.Хэрэв та нар жишээ нь биед нуугдсан энэ бүх хүчийг олж нээвэл – хуруу үзүүрт тань, хөлийн хуруунд тань, үсэнд тань, биеийн тань миллиметр бүрд нуугдсан хүчийг олж мэдээд үүнийг зөвхөн өөртөө юм уу гэрийнхэндээ, цөөн хэдэн хүнд зориулж ашиглавал та нар яг л Диваажинд амьдарч байгаа мэт байх болно. Ядаж л зарим нэг Диваажин шиг. Хамгийн өндөр Диваажин шиг биш ч амьдрал тань тухтай, жигд, жаргалтай, хялбар байх болно. Гэвч илүү том, олон бүлэг хүмүүст зориулбал магадгүй энэ бүхнийг та нар тэсэхгүй байж мэднэ.Жишээ нь та нарт хэлсэнчлэн, бүрэн завилан сууж, долоовор хуруу эрхий хуруу хоёроо наагаад, бусад бүх хуруугаа урагш нь тэнийлгэвэл та нар сэтгэл хөдлөлөө төгс удирдах боломжтой - хүсвэл, та нар хүссэн үедээ тэгж болно - тэгснээр магадгүй та нар бүхий л сорилтод, сэтгэл эмтрэм нөхцөлд тайван байх боломжтой. Гэвч энэ нь зөвхөн та нарт зориулагдсан. Энэ багажийг өөртөө зориулж ашиглаг гэж. Та нарт магадгүй хэлэхгүй бусад зарим бий. Магадгүй нэг өдөр, хэн мэдлээ; магадгүй ирээдүйд.Дэлхий дээрдэж, магадгүй хүмүүс зүрх сэтгэлдээ илүү ариун болж, илүү нигүүлсэнгүй, энэрэнгүй амьдралын хэв маягтай болж, бусдыг яг л өөр шигээ хайрладаг болчихвол магадгүй Бурхан надад бидний эгэл даруу биед нуугдсан нууцаас илүүтэй дэлгэхийг зөвшөөрөх байх. Гэхдээ хараахан болоогүй, учир нь хүмүүс нүсэр их хүчийг нь хүлээн авахуйц хангалттай ариун биш бол өөрт нь хор хөнөөлтэй байж мэднэ. Ахиад олон бий, та нарт өөр өөр хүчийг бий болгож өгч, илүү олон хүн ашиглаж болохуйц өшөө олон байрлалууд байдаг ч дэлхий нийтэд зориулагдаагүй байдаг. Нэг удаад жаахныг ашиглаж болох ч, энэ нь дэлхийд тодорхой хэмжээнд тустай. Улмаар дэлхийд туслахад жаахан хугацаа орно, жишээ нь зөвхөн өөртөө юм уу гэр бүлдээ туслах биш илүү олон хүнд туслахад хугацаа орно.Биед нуугдсан энэ хүчийг олж нээж чадвал Бурхан хүнийг Бурханы дүрээр бүтээсэн хэмээн Бурхан Библи-д айлдсан байдагт итгэх болно. Өөрийнхөө дүрээр Тэр хүнийг бүтээжээ. Бурхан минь, та нар Бурханы Хүчний хувилбар гээд боддоо. Төсөөл дөө. Ямар агуу байх вэ? Гэвч бидний ихэнх хий хуурмаг маяагаас болоод хэлгүй, сохор, дүлий төрсөн байдаг. Биднийг бүрхдэг энэ дэлхийн хий хуурмагийн хүч - Бурханаас тэдэнд хайрласан маш их хүч унасан сахиусан тэнгэрүүдэд бий. Хүмүүсийг бий болохоос өмнө Бурхан сахиусан тэнгэрүүдийг бүтээсэн байсан. Энэ сахиусан тэнгэрүүд Бурханд хувьсгал гаргаж, хүмүүсийг доромжилж, хүмүүсийг хохироохыг хичээж, тэднийг муулж, тэдэнд атаархаж, Бурханы өмнө тэдний талаар таагүй зүйл ярьж байлаа.Тиймээс Бурхан тэднийг өөр доогуур түвшин рүү илгээх ёстой болсон. Гэсэн ч тэд өөрчлөгдөж чадаагүй. Тэд гэмээ наманчлаагүй бөгөөд Бурханд болон өөрсдөдөө хүмүүс бол юу ч биш гэж, хүмүүс үнэхээр тэднээс дээрдэхгүй, эрхлүүлэх хэрэггүй, сахиусан тэнгэрүүдээс илүү хандах шаардлагагүй, хүндлээд байх хэрэггүй гэж батлах гээд хүмүүсийг төрөл бүрийн аргаар сорьж туршсаар байсан.Гэвч бид бол бүтээлийн оргил нь. Өөрийнхөө материаллаг болон сүнслэг оршихуйгаараа би үүнийг та нарт баталъя. Хүний биеийг олох нь маш ховор тохиолдол гэж Будда хэлсэн. Тийм. Яагаад гэвэл хүний биед бид гэгээрэх боломжтой, өөрсдийн Бурханы Хүчээ, Будда Чанараа- дотоодын Будда Чанарынхаа Үлэмж их Хүчийг олж мэдэх боломжтой. Тийм учраас Будда гэгээрснийхээ дараа “Бүх хүн төрөлхтөн надтай адил! Тэд яагаад үүнийгээ ухаардаггүй билээ?” гэж уулга алдсан. Бидний нөхцөл ийм.Хэрэв бид Диваажинд байж, Бурханд эрхэлж, сахиусан тэнгэрүүдээр хайрлаж, бүхий л Өндөр Төрөлтнүүдээр үйлчлүүлдэг байсан бол бид их зүйл мэдэхгүй. Аз жаргалтай байх болно, тэгж болно л доо. Тийм учраас хүнтэй адилхан олон төрөлтнүүд материаллаг түвшинд буун ирдэггүй. Тэд хэн гэдэгтээ, байгаа зүйлдээ сэтгэл хангалуун байдаг. Гэвч зарим нь үүнээс цааш ямар нэг зүйл байгаа эсэхийг судалж мэднэ. Тэд туршаад үзэхийг хүснэ. Гэтэл унасан сахиусан тэнгэрүүд тэднийг шинэ зүйл туршиж үзэхийг өдөөн хатгаж, дандаа тэдэнд, “Одоо та хэн ч биш. Хэрэв чаддаг юм бол та материаллаг ертөнц рүү буугаад, амьдарч чадах эсэхээ хар – өөрийгөө Бурханы Төрхтэй гэдгээ батлах ямар нэг зүйл хийж чадах эсэхээ хар” гэсээр байдаг.Ингээд зарим нь бууж ирэхийг хүсэж, өөрсдийгөө мэдэхийг хүсдэг. Учир нь Диваажинд их зүйл шаардлагагүй. Бүх зүйл яг л хүссэнийх нь дагуу болдог. Доогуур Диваажинд хүртэл та нар жаргалтай амьдардаг, дээгүүр Диваажинг ярилтгүй. Тиймээс Бурханы Гэрээслэлийг туршихыг хүсвэл, жишээ нь, “Намайг Бурханы дүрээр бүтээсэн, Надад бүх Хүч бий” гэвэл хамаагүй. Гэвч энэ маяагийн оршихуйд, хий хуурмагийн оршихуйд тэд бүхнийг өөрөөр, Диваажингаас өөрөөр хийсэн. Тиймээс та нар тэмцэж, энд амьдрах гэж шаргуу хөдөлмөрлөдөг, өөрийгөө санах тухай ярилтгүй.Тиймээс энэ нөхцөлийг хараад Орой Дээд Бурхан, Оройн дээд, Туйлынх нь, болон бүх Их Багш нар Бурханы Зааварчилгааны дагуу ийш илгээгддэг. Хүмүүсийн нөхцөл байдлыг мэдээд, материаллаг оршихуйн зовлонгийн далайд маш их тэмцэл байгааг хараад Тэд бууж ирдэг; Тэднийг бидэнд зааж сургаг гэж, Гэртээ харих замыг зааг гэж, Гэртээ харихын тулд, Буддагийн Орон руу, эсвэл хүссэн газар руугаа явах ядаж л Диваажингийн Хүчтэй холбогдсон холбоосоо хэрхэн ашиглахыг заах гэж ирдэг. “Гэртээ буцаж харих” гэдэг нь Буддагийн Орон, Диваажинг хэлдэг. Би Диваажин гэвэл манай материаллаг түвшнээс дээш зүйл юм шүү. Буддагийн Орон бас эдгээр Диваажингуудын заримд байдаг.
