Төгс Гэгээрсэн Их Багш Чин Хайн (веган) ‘Гэрт тань хүргэж өгөхөөр Би ирлээ’ номоос, Их Багш гэж хэн бэ, 2-ын 1-р хэсэг

Бүлэг 5 Их Багш гэж хэн бэ

“Багш гэдэг бол хаанаас ирснээ мэддэг, үүнийг эрж хайж байгаа хүмүүстэй энэрэнгүй сэтгэлээр мэдлэгээ дуртайяа хуваалцаж, энэ ажлынхаа төлөө төлбөр төлөөс авдаггүй хүмүүс. Тэд хамаг цаг хугацаа, хөрөнгө мөнгө, хүч энергиэ энэ дэлхийн төлөө зориулдаг юм. Эрдэм чадварын энэ түвшинд хүрмэгцээ бид уг гарлаа мэдээд зогсохгүй бас өөрсдийн жинхэнэ үнэ цэнээ таньж мэдэхэд нь бусдад тусалж чаддаг. Багшийн заасан замыг дагаж байгаа хүмүүс жинхэнэ сайн сайхан, жинхэнэ гоо үзэсгэлэн, жинхэнэ мэдлэгээр бялхсан цоо шинэ ертөнцөд үтэр түргэн хүрнэ. Гадна ертөнцийн бүхий л гоо сайхан, эрдэм ухаан хийгээд буянт үйлс нь жинхэнэ дотоод ертөнцийн маань тухай сануулахын тулд л байдаг юм. Сүүдэр хэчнээн сайхан байлаа ч жинхэнэ зүйл шигээ тийм сайхан байж хэзээ ч чадахгүй. Гагцхүү жинхэнэ юм л гэрийн эзэн Эзэн болох сүнсийг маань амарлиулж чадна."

Багш гэдэг бол хэдийнээ Өөрийн Мөн Чанарыг таньсан, өөрийгөө ухаарч мэдсэн хүн юм. Тийм учраас Багш хүн агуу их ухаан болох Эзэн Бурхантай харилцаж чаддаг, учир нь энэ нь бидний дотоодод оршиж байдаг юм. Чухам тийм учраас Тэрбээр энэ баяр баясгаланг хуваалцахыг хүсэж буй хэн бүхэнд тэрхүү мэдлэг, тэрхүү сэхээрүүлэгч хүч чадлыг дамжуулж чадна.

Нэг талаар бидэнд Багш гэж үнэндээ байдаггүй юм. Гагцхүү шавь нар нь өөрсдийгөө эзэн, багш гэдгээ таньж мэдэх чадвартай болтол тэднийг удирдан чиглүүлэхийн тулд л Багш хэмээгсэд хэрэгтэй байдаг. Гэхдээ бид гэрээ хэлцэл буюу тиймэрхүү зүйл байгуулдаггүй. Мэдээж хэрэг, та эцсийг нь хүртэл явна гэж өөрөө өөртэйгээ гэрээ хийнэ, энэ нь өөрийн тань тусын тулд юм. Авшиг хүртэнэ гэдэг бол агуу их сүнсээ анх удаа танин ухаарах агшныг л илэрхийлж байгаа юм, ердөө Л ЭНЭ.

"Багш газар дэлхийд амьдарч байх цагтаа хүмүүсийн үйлийн үр, ялангуяа Багшид итгэдэг хүмүүс түүний дотор шавь нарынхаа үйлийн үрийг бүр ч илүү ихээр өөртөө авдаг. Энэ үйлийн үрийг арилгаж үгүй хийх ёстой. Тийм учраас Багш амьдрах хугацаандаа шавь нарынхаа төлөө болон нийт хүн төрөлхтний төлөө зовж зүдэрч байдаг. Энэ нь түүний бие махбод дээр илэрдэг. Тийм учраас бие нь өвдөж мэднэ, түүнийг эрүүдэн тамлаж, загалмайд цовдлон хадаж, гүжирдэн гүтгэж мэднэ. Ямар ч Багш иймэрхүү зүйлийг туулах ёстой болдог. Будда, Мухамед (Тэрээр Амар Амгалан байг), Христ болон Дорно, Өрнийн өөр олон Багшийн амьдралын жишээнээс та бүхэн үүнийг мэднэ. Тэдний хэн нь ч мөрдлөг хавчлагагүй, амар тайван амьдарч байгаагүй. Хүн төрөлхтний төлөө Багш өөрийгөө золиослох гэж үүнийг хэлдэг юм. Гэхдээ үйлийн үрийг үүрч зовохын тулд Багш бие махбодтой байх учиртай, учир нь энэ дэлхий дээрх үйлийн үр нь биет бодит шинжтэй. Хэрвээ та хүмүүсийг биет үйлийн үрээс нь аврахыг хүсвэл танд физик бие махбод хэрэгтэй болдог. Тийм учраас хамаг зовлон бэрхшээлийг өөртөө үүрэхийн тулд Багш бие махбодтой байх ёстой."

Тусламж дэмжлэг хэрэгтэй байгаа хүмүүст туслах гэж Багш дэлхий дээр байдаг. Гэхдээ Тэр энэ дэлхий дээр байдаг биш, энэ дэлхийд татагддаг биш, Тэр энэ дэлхий болоод энэ дэлхий дээрх өөрийн амжилт, алдааны алинд ч хүлэгддэггүй. Есүс алдар хүндийнхээ оргил үед яасныг та бүхэн мэднэ. Үхэх ёстой л бол үхэхэд бэлэн байсан. Есүс Өөрийнхөө үхлээр бүхнийг огоорох гэж юу болохыг хүн зонд үзүүлсэн. Алдар нэр, амь настайгаа зууралдаагүйгээрээ тэр Эзэн Бурханы хүсэл зоригт захирагдахыг сургасан.”

Жинхэнэ Багшийг хэрхэн таних вэ?

"Энэ маш амархан! Юуны өмнө, жинхэнэ Багш Өөрийнхөө ашиг тусын төлөө ямар ч өргөл барьц авдаггүй, яагаад гэвэл Эзэн Бурхан зөвхөн өгдөг болохоос хэзээ ч авдаггүй юм. Хоёрдугаарт, Багш танд гэгээрлийн ямар нэг нотолгоо өгөх ёстой. Жишээлбэл, хэн нэгэн Багш өөртөө гэрэл бий гэж баталж байгаа бол Тэр танд ямар нэг гэрэл өгөх юм уу Эзэн Бурханы Дуу хоолойг сонсох нотолгоо өгөх ёстой. Танд гэрэл ба Эзэн Бурханы Үгээр нотолгоо өгч чадаж байвал та тэр хүнд итгэж болох юм. Гүрү /Багш/ гэдэг нь “гэрэл өгөгч”, "харанхуйг үлдэн хөөгч” гэсэн утгатай. Тиймгүй бол Тэр танд үнэхээр ямар нэг зүйл өгч чадах эсэхийг та хэрхэн мэдэхсэн билээ.

“Хуурамч Багш өөрийн бага сага ид шидээ үргэлж зарлан гайхуулдаг бол жинхэнэ Багш хэзээ ч ингэдэггүй. Хэрвээ Түүнд шидийг бүтээх хэрэг гарвал үүнийг нууцхан хийдэг. Энэ тухайд зөвхөн шавь нь л, тэгэхдээ өөрийг нь аюултай байдлаас аврах, өвчин эмгэгийг нь анагаах, сэтгэл санааны хувьд нь туслах юм уу, оюун санааны дэвшлийг нь түргэтгэхэд зайлшгүй хэрэгтэй болох тийм тохиолдолд л мэддэг. Тэр үед шавь нь Багшийнхаа үнэ цэнийг ухаарч мэднэ.”

“Жинхэнэ Багш зөвхөн өгч л чаддаг, хэзээ ч авдаггүй юм. Шавь нар нь сэтгэл хангалуун амьдарч байхад харин Багш нь зовж зүдрэхээс өөр аргагүй болдог. Тийм учраас Есүс хүн төрөлхтнийг дээшлүүлэх ёстой байсан, загалмайд цовдлуулахаас өөр аргагүй болсон гэцгээдэг. Тэр ямар ч онцгой эрх дарх эдлэх аргагүй байж. Тийм учраас хүмүүс Түүнийг загнаж зүхэж, цовдлон хаджээ. Яадаг байлаа ч гэсэн та нар энэ бясалгалын аргыг сурвал Эзэн Бурханы хүч чадлаар зуун хувь хамгаалуулна. Хүн бүхэн цэнгэл жаргалтай байхын төлөөнөө Багш хүн л ганцаараа элдэв бүх зовлон зүдгүүрийг үүрдэг. Гэхдээ эцэг эх байхын баяр жаргал үүнд л байдаг! Үр хүүхдүүд нь бүх талаар тав тухтай амьдарч харин эцэг эх нь тэднийг хэрэгтэй бүхнээр хангахын тулд ажиллахаас өөр аргагүй бөгөөд мөн хамаг хариуцлагыг үүрдэг билээ.”