Дэлгэрэнгүй
Татаж авах Docx
Дэлгэрэнгүй уншаарай
Өмнө нь БУРХАН болон хэдэн Будда Хаантай хийсэн яриа, уулзалт, хурлын улмаас... Ойд байх үеийн миний аюулгүй байдлыг дурдсан учраас тэр цагаас хойш би арай илүү болгоомжтой болсон. Үнэндээ би ихэнхдээ арван метрээс хол газар явдаггүй, бүр зугаалах гэж ч холддоггүй. Тиймээс ихэнхдээ аюулгүй байдаг. Том буга-хүмүүс болон өөр том биетэй амьтан-хүмүүс байдаг ч тэд надад маш дөлгөөн ханддаг. Тэд над руу хараад, эсвэл толгойгоо хэдэнтээ бөхийлгөөд л явчихдаг. Ямар ч асуудалгүй. Гэхдээ тэр хурлаас хойш би орчин тойрноо арай илүү анзаардаг болсон. Тиймээс илүү анхааралтай байгаа. Өнгөрсөн шөнө БУРХАНТАЙ хийх хурал дөнгөж эхэлсний дараа гадаа чимээ гарахад зүрх бага зэрэг палхийсэн. Тэгээд би гарсан. Бясалгалын газраасаа гарах зөвшөөрөл хүсээд, болгоомжлох, эсвэл зайлсхийх зүйл гадаа байгаа эсэхийг харахаар майхны цахилгааныг нээсэн. Гар чийдэн тусгасан ч тэнд юу ч байсангүй. Үүний дараа ч хэд хэдэн удаа чимээ гарсан. Өмнө нь БУРХАНТАЙ ярьж байсан тул нэг их анзаараагүй. Гар чийдэнгээр шалгасны дараа дахиад чимээ гарсан. Майхны нийлэг гадаргууд ямар нэг зүйл хүрэх мэт сонсогдсон ч тийм чанга, сүртэй байгаагүй. Хэд хоногийн өмнө ширүүн бороо орж, жижиг мөчир зэрэг зүйл майхан дээр унан, мөн чимээ гаргаж байсан юм. Гэхдээ бороо, салхины чимээ гэдгийг мэдэж байсан тул шалгаагүй, юу ч тохиолдоогүй. Харин өнгөрсөн шөнийнх өөр байсан. Тиймээс би бага зэрэг цочиж, зүрх минь палхийсэн. Зүрх минь бага зэрэг хүчтэй цохилж байсан. Шалгахад юу ч байгаагүй тул дахин шалгаагүй. Тэгээд нэг цагийн дараа хайрт үнэг-хүн ирсэн. Үнэг. Тэр над дээр ирэхэд ийм удаан хугацаа зарцуулсан. Тэр ойн нөгөө талд амьдардаг байх. Ялангуяа шөнө ирэхэд нь их удсан. Ойн зам асфальтан хучилтгүй тул би “Ээ, хөөрхий үнэг-хүн.” гэж бодсон. Ингэж шөнө дөлөөр ойгоор явах амаргүй учраас би түүнийг маш их өрөвдсөн. Гэхдээ амьдрал нь байх л даа. Тэд хүмүүсээс айдаг тул ихэвчлэн шөнө, мөн айлуудаас холуур явдаг. Харанхуйд тэр хол замыг туулан ирж, “Танд энд аюулгүй, бүү санаа зов.” гэж хэлсэнд нь би түүнд сайн сайхныг үнэхээр хүсэн ерөөж байна. Үгүй ээ, тэр “Бүү ай.” гэсэн. “Бүү ай. Энд Танд аюулгүй.” гэсэн. Түүний хэлсэн зүйл ердөө л энэ. Та нарт ярьсан үүнээс бусад зүйлийг би түүнтэй ярьж байж олж мэдсэн юм. Надад бас сонирхолтой. Түүнтэй зүгээр л ярьж, бас нөхөрсөг харилцаа үүсгэе гэсэн юм. Гэвч тэр миний майхны яг хажууд биш, олон метрийн хол зайд майхныг минь тойрон хагас цаг уйлж байгаад дараа нь явсан. Тэгснийхээ дараа л явсан. Сэтгэл минь шимширч байлаа. Үнэхээр өрөвдмөөр. Энэ огт түүний буруу биш. Энэ гараг болон хүмүүсийн зан авир, оюун ухааныг хянадаг сөрөг оршнолууд байгаагүй сэн бол тэр ингэж унаж үнэг-хүний төрөл авахгүй байсан. Гэхдээ би түүнийг хурдан чөлөөлөгдөхөд чадах бүхнээрээ тусална. Хөөрхий үнэг-хүн. Би үнэхээр их өрөвдөж байна. Тэр маш их уйлсан тул сэтгэл минь үнэхээр, үнэхээр их өвдсөн. Би түүнийг буруутгаагүй. Би түүнийг буруутгахгүй. Тэр ямар ч болсон бай, номын зам мөрийг хичээхдээ амжилт олсон ч, эс олсон ч би хэзээ ч буруутгахгүй. Би түүнийг зөвхөн өрөвдөж хайрлахаас өөр юм алга. Майхны гаднах чимээнээс болж миний санаа зовсныг тэр мэдэрч, намайг тайвшруулахаар ирсэн байх. Энэ нь л надад хангалттай. Тэр яасан ч байсан хамаагүй. Хоёр зуу гаруй жилийн өмнө надад ямар буруу юм хийсэн нь ч хамаагүй. Би түүнийг асар их хайрлаж, түүнд асар их талархан, ийм золгүй байдлаар ивээлд багтахаа больсон төөрөг тавиланг нь дэндүү ихээр өрөвдөж, гуньхарч байна. Гэхдээ түүний ном бясалгал ахиж байгаа. Тэр зүгээр ээ. Зэрлэг байгаль, байгаа нөхцөлдөө амьд үлдэх боломж илүүтэй байхын тулд олон янзын ид шидийн хүчтэй. Иймд санаа зовох минь арай гайгүй. Зүгээр л үнэхээр, маш их өрөвдөж байна. Тэр хүн хэмээх өндөр түвшний төрлөөс хөөрхий үнэг-хүн болон ойд амьдрах хүртлээ ингэж их унасан нь хэнд ч өрөвдөлтэй. Яалтай ч билээ. Эхэндээ би юу ч бодсонгүй. Харин хэсэг амарсныхаа дараа энэ түүхийг та нарт ярьж өгсөн нь дээр гэж бодлоо. Иймэрхүү нөхцөл байдлаас өөрийгөө аврахын тулд бүхнийг зөв хийж байгаа эсэхээ зүрх сэтгэл, дотоод мөн чанараасаа асууж шалгахад тань та нарт ямар нэг байдлаар тустай байж болно. Авшиг хүртэхдээ сурсан зүйлээ санаж, өөрийгөө хувьсган дээшлүүлж чадах аз хувь үнэг-хүн болгонд байдаг юм биш. Мэдээж тэрээр өдөр бүр залбирдаг. Мөн ихэнхдээ веган хооллодог. Үхээд хатчихсан хэдэн өт л иддэг. Дөнгөж сая тэгж хэлж байна шүү. Ямар гэнэтийн сайхан мэдээ вэ. Их сайн, их сайн. Тэр ном бясалгалаа хэрхэн үргэлжлүүлж чадаж буйг харав уу. Өөр хэн нэгэн байсан бол жишээ нь амьтан-хүмүүсийн мах иддэг хуучин зуршилдаа хөтлөгдөх ч юм уу, эсвэл муу, хорон зүйл хийх зэргээр улам доош унах байсан. Тэгвэл үнэг-хүний төрөл авч амьдрах завшаан ч тохиохгүй, тамд тарчилж байх байсан биз. Би та нарыг тамаас аварч чадах байсан ч тэр нь маш удаан, бүр маш удаан хугацаанд асар их зовлон туулсны чинь хойно байж мэднэ. Тиймээс өөрсдийгөө хамгаалж, Арьяабалын бясалгалын ариун номын авшиг хүртсэн хувь заяагаа нандигнаарай. Ийм боломж хэдэн их наяд, цаглашгүй олон жил, эсвэл олон галавын хугацаанд ч дахин олдохгүй байж мэднэ. Бүгд л үүнийг мэднэ. Диваажингийн төрөлтөн бүр үүнийг мэднэ. Харин хүмүүс тэр бүр мэддэггүй. Энэ бол хүн төрөлхтний маш өрөвдөлтэй нөхцөл байдал. Тэдний төлөө би үе үе уйлахаа хэзээ ч больж чадахгүй нь. Өөрсдийг нь чухам хэн болохыг, мөн Диваажингийн жинхэнэ, сүр жавхлант, үзэсгэлэнт, амгалан, эрх чөлөөт Гэртээ хэрхэн буцахыг нь сануулахын тулд би бүх хүч чадал, хамгийн дээдээр хичээхээ хэзээ ч зогсоож чадахгүй. Би зөвхөн чадах бүхнээ хийж, тэдэнд хамгийн сайн сайхныг хүсэж чадна. Амьтан-хүмүүс сүнслэг амьдралын үнэ цэнэ болон эрдэнэт хүний биед төрөл авсны үнэ цэнийг хүнээс ч илүү ойлгох ухаантай. Амьд сэрүүн буй, сүнслэг дэс нь өндөр дээд Их Багшийн хүчээр билиг нээгдэн, мэдээж хэрэв бясалгавал, баталгаатай Чөлөөлөгдөж гэгээнтний ёсоор амьдрахыг эс тооцвол хүний биетэй байх нь Орчлон ертөнц дээр заяах хамгийн сайн зүйлсийн нэг. Эсвэл ядаж л тийм Их Багшийг гүтгэж, хов жив тарааж, худал хэлэх гэх мэтээр Ау Лак (Вьетнам)-ын зарим ламын хийсэн шиг зүйл бүү хий. Ау Лак (Вьетнам)-т биш, Ау Лак (Вьетнам)-аас гаралтай. Эсвэл зарим нь одоо ч Ау Лак (Вьетнам)-т байгаа байх. Лам нар аа, хов жив тарааж болохгүйг сануулъя. Энэ бол та нарын сахилын нэг. Надад хандсан шигээ бусдыг доромжлохын тулд худал зүйл ярьж болохгүй. Хов жив ярих гэж байсан ч тэр нь үнэн эсэхийг заавал нягтлах ёстой. Санаатайгаар худал хэлэх нь бүр ч муу. Тамд хэлээ тастуулна гэдгээ та нар мэднэ. Сахилаа ариун журмаар сахиагүй хүмүүс тамд хэрхэн шийтгүүлдэг талаар Будда та нарт олон зүйл сургасан. Энэ нь гэгээнтэн болохын тухай ч биш, зүгээр л сайн хүн байх тухай юм. Эгэл хүмүүст зориулсан Таван сахилыг хүртэл та нар бараг бүгдийг нь зөрчсөн. Үйлдэл, үг яриагаараа зөрчсөн нь маш тодорхой. Бэлгийн буруу үйл хийсэн эсэхийг чинь мэдэхгүй. Учир нь тэр бол бусдад мэдэгдэхээргүй хувийн зүйл. Та нар түүнийгээ хүлээх ч үгүй. Бусдын тухай юу ярьсныг тань би мэдэхгүй. Харин миний тухай хэлсэн бүхэн тань худал буруу, тэр чигтээ, 360 хувь буруу. Та нар ийм зүйлийг бүр дурдах ч ёсгүй байсан юм. Үнэн байсан ч бусдын сул талыг дэлхий дахинд зарлах гэж ингэж хов ярих ёсгүй. Эхлээд тэр хүнтэй ярьж, бүх зүйл үнэн эсэхийг тогтоон, тухайн хүн өөрөө танд хэлж, хүлээн зөвшөөрсөн байх ёстой. Католик сүмийнхэн өөр олон алдаа гаргадаг байж болох ч үүн дээр алдаа гаргадаггүй. Сүсэгтнүүд нь хувийн нүглээ тэдэнд наманчлахаар ирдэг. Тэд үүнийг гадагш задруулах эрхгүй. Тэд хэзээ ч тэгдэггүй. Өнөөг хүртэл наманчлахаар ирсэн сүсэгтнийхээ хувийн асуудал, нүгэлт үйлдлийг задруулсан санваартныг би хараагүй. Тусгай бүхээгт зөвхөн санваартан, наманчлахыг хүсэж буй сүсэгтэн хоёр л байдаг. Санваартан тухайн сүсэгтний наманчлалаас юуг ч хэзээ ч задруулдаггүй. Гэтэл Буддын шашинтнууд нэр хүндээ унагах ийм зүйлсийг яаж хэлж чаддаг байна аа? Тэр нь хэр үнэн, эсвэл хэр худал болохыг шалгаа ч үгүй байж. Ойлгож байна уу? Өнөөдрөөс хойш, миний сануулгыг сонсож, дахин тэгэхгүй гэж найдаж байна. Учир нь энэ та нарт маш муу, үнэхээр маш муу. Та нар тэр хүмүүсийн үйлийн үрийг авна. Бүх дэлхийн үйлийн үрээс болж надад асар их, маш хүнд үйлийн үр байдгийг та нар мэднэ. Тиймээс миний үйлийн үрийг авахаар ийм мунхаг байж болохгүй. Тэр үргэлж дамжихад бэлэн байдаг. Надад хүрлээ л бол тэр даруй та нарт дамжина. Ийм л байдаг. Би бие махбодод минь хүрэх тухай ярьж байгаа юм биш. Надтай холбоотой аливаа зүйл, миний амьдралын сайн муу, үнэн худал ямар ч зүйлд хүрвэл бүгд та нарт ирнэ. Тиймээс болгоомжтой байгаарай. Миний тухай хов жив бүү тараа. Үнэнийг хэлэхэд би нэр хүндээ одоо тоохоо больсон. Учир нь хувраг ч, эгэл ч дэндүү олон хүнтэй бүгдтэй нь би тэмцэж чадахгүй. Гэхдээ энэ нь танай Ау Лак (Вьетнам) улсад бас муу хувь заяа авчирдаг. Ойлгов уу? Аливаа муу зүйл та нарт, төрөл төрөгсөд, найз нөхөд, гэр бүл, улс оронд тань муугаар нөлөөлнө. Тиймээс ч миний санаж байгаагаар тэд бараг хоёр удаа Хятадтай мөргөлдөх шахаж, заналхийлэлд өртөөд өнгөрсөн. Камбожтой бас нэг асуудал гарсан. Диваажин надад зөвшөөрсний хэрээр үүнийг зассан ч Тэд үргэлж зөвшөөрөөд байхгүй. Би Ау Лак (Вьетнам)-т маш их хайртай. Би хэлийг нь хайрладаг. Би ард түмнийг нь хайрладаг. Харин та нарын энэ бүлэг үүнд хор учруулж, Ау Лак (Вьетнам)-ын нэр хүндийг гутаасан. Та нар тэгэх хэрэггүй байсан юм. Photo Caption: “Агаарт Алхаж, БУРХАНЫ Бүтээлээр ТҮҮНИЙ ХАЙРЫГ Мэдэр!”
