Дэлгэрэнгүй
Татаж авах Docx
Дэлгэрэнгүй уншаарай
Өнөөдрийн мэдээгээр, Нидерланд улс Афган эмэгтэйчүүд, охидод олгох орогнолын хамгаалалтыг сунгалаа. Бохирдол нь Бразилийн Сан Пауло хотын иргэдийн амин чухал усны нөөцөд заналхийлж байна; АНУ-д веган хооллолт нь цэвэршилтийн үед эрүүл мэнд, эрч хүчийг өгдөг; Испанид аюулгүй сүлжээ нь хүүхдүүдэд үнэгүй дуудлага хийх үйлчилгээ үзүүлснээр гэр бүлүүдийг дэмждэг; АНУ-ын Калифорни мужид сайн дурынхан нутгийнхаа усны замыг хамгаалсны 30 жилийн ойг тэмдэглэж байна; Их Британийн шинэлэг, өндөр уурагтай веган рамен зохистой, тэжээллэг хоол санал болгож байна; хурдан сэтгэдэг гөлөг Шинэ Зеландад өглөө эрт байшингийн галаас асран хамгаалагчаа аварчээ. Энд нэг гоё зөвлөгөө байна. Ургамал биетээр хүрэлцэхийг мэдэрч, хариу үйлдэл үзүүлдэг гэдгийг та мэдэх үү? Энэ үзэгдлийг тигмотропизм гэж нэрлэдэг. Ургамал мөн шүргэх, барьж хөдөлгөх зэрэг биет механик үйлчлэлд хариу үзүүлдэг бөгөөд үүнийг тигмоморфогенез гэж нэрлэдэг. Энэ нь ургамлын нэгдэл болох этиленийн үйлдвэрлэлийг өдөөж, этилений түвшин нэмэгдэх нь ишний суналтыг бууруулж, богино, илүү нягт өсөлтөд хүргэдэг. Салхи зэрэг байгалийн хүч нь биет өдөөлтийг тогтмол бий болгодог. Үүний үр дүнд ил задгай газар ургадаг ургамал нь ихэвчлэн илүү бат бөх, өтгөн иш үүсгэдэг бөгөөд энэ нь цаг агаарын хүнд нөхцөлд илүү тэсвэртэй байдаг. Тиймээс шинээр тарьсан модонд тулгуур хийхдээ модыг бага зэрэг хөдөлж байхаар намхан тулгуур ашиглах нь хамгийн зөв байдаг. Учир нь салхинд зөөлөн ганхах нь модыг хүрээлэн буй орчиндоо хариу үйлдэл үзүүлэхэд нь тусалж, их бие болон үндсийн системээ илүү бат бөх ургуулахад дэмжлэг болдог. Тасалгаанд ургаж буй суулгацын ишийг зөөлөн илэх, “ирвэгэнүүлэх” нь гэрэл дутсанаас үүдэн ургамал сул, нарийхан, хэт сунаж ургах үзэгдлээс сэргийлэхэд тусалдаг. Мөн энэ нь ишийг илүү бат бөх хөгжихөд дэмжлэг болдог. Үүнтэй адил суулгацын ойролцоо сэнс байрлуулах нь гадаах зөөлөн салхины нөлөөг дуурайлган, хүрэлцэх өдөөлт бий болгож, суулгац илүү бат бөх иштэй, эрүүл ургахад дэмжлэг үзүүлдэг.
