Бүх зүйл яг хүссэнээр чинь, ямар байгаасай гэж хүснэ яг түүгээр чинь болно гээд төсөөл дөө. Иймд уйтгартай амьдрал огт биш Энэ бол Диваажингийн, эрх чөлөөт, үнэмлэхүй эрх чөлөөт, үнэмлэхүй аз жаргалтай, үнэмлэхүй аюулгүй, үнэмлэхүй эрүүл энх, сэтгэл хангалуун, хүссэн бүхэн хүрэлцээтэй амьдрал. Амьдралдаа юугаар ч дутагдахгүй, хаа ч байсан, хэзээ ямагт сэтгэл хангалуун байхыг үзнэ. […] Мөн та нар бүгдээрээ Бурханы Адислалыг мэддэг болж, ухамсартайгаар мэдэрнэ.
Маяа буюу хуурмагийн хааныг сувдаг чөтгөрүүдийн хаан энэ гаргийн бүх үйлийн үрийг өөрчилж, хувиргаж, арилга гэж хүчлэн тулгажээ. Мөн энэ дэлхийг бүтээгч хэмээгчийг хорьж түгжсэн. Учир нь би тэднийг хоёуланг нь буруутгаж шүүсэн юм. Би бүтээгч болон хуурмагийн хаан маяаг шүүхэд өгсөн. Яагаад гэвэл би тэдний үг үйлдэл нь зөрж буйг дахиад л барилаа. Учир нь нэг өдөр хуурмагийн хаан маяа Оройн Дээд Их Багш, эсвэл Амар Амгалангийн Хаадын нэгний нэрийг ашигласан. Олон өөр Амар Амгалангийн Хаад байдаг; Ертөнцийн Амар Амгалангийн Хаан буюу Гаргийн Амар Амгалангийн Хаан, Дэлхийн Амар Амгалангийн Хаан гэх мэт. Маяа намайг Дэлхийн Амар Амгалангийн Хаан буюу Амар Амгалангийн Хаан, тэр ч бүү хэл сувдаг чөтгөрүүдийн хааныг дуурайж, би болон тэр хүмүүсийн хооронд, бүр Оройн Дээд Их Багш бидний хооронд хагарал үүсгэхийн тулд худал зүйл хэлэх зэргээр намайг хуурдаг. Би шалгаж үзээд тэднийг барьсан юм. Би тэднийг анх удаагаа барьж байгаа ч юм биш. Азаар надад шалгаж үзэх цаг байлаа.
Тэгээд тэдэнд би, “Энэ бол худал. Намайг хүртэл хуурах гэлээ. Би ямар ч буруу зүйл хийгээгүй. Надад муу юм хийсэн гээд байгаа тэр хүмүүс чинь огт тэгээгүй. Чи биднийг хагаралдуулж, хооронд нь дайсагнуулах гэж оролдлоо. Энэ зөв явдал биш; үнэн зөв зүйл биш. Учир нь чи үнэнч шударга байх ёстой, гэтэл чи тиймгүй байна. Бүтээгч харин чамайг ийм юм хийж, хүмүүсийг мэхлэн, тэдэнд худал хэлж, буруу зам руу түлхээд, буруудангуут нь шийтгэж байх боломж зөвшөөрөл өгч л байдаг. Иймээс энэ зөв зүйтэй хэрэг биш; шударга биш байна. Гэтэл чи энэ бүхнийг цаг үргэлж хийсээр иржээ. Олон удаа, бүр надад ч хүртэл ингэж хандахыг чинь барилаа.” гэж хэлсэн. Би бүтээгчийг там руу хүргэхийг тушаасан. Учир нь маяа тэр хоёр өөрсдийнхөө хуулийн эсрэг нүгэл үйлдсэн.
Иймд бүтээгч одоо тамд шоронд хоригдоод хүлээж суугаа. Тэр одоохондоо шатаалгаж эсвэл зовох албагүй байгаа. Гэхдээ тэр өөрчлөгдөхгүй юм бол бусдыг буруу зүйл хийснийх нь төлөө шийтгэсэн шигээ өөрөө шийтгүүлэх болно. Үүнийг хийсэндээ би тун их баяртай байгаа; би тэднийг зовлонд унаж, тамд хоригдох болсонд харамсахгүй байна. Яагаад гэвэл тэд өөрсдөө ингэсээр ирсэн. Хүмүүсийг буруу зам мөр, буруу үйл хэрэгт буруутгаад тамд шийтгэсээр ирсэн. Тиймээс би, “Одоо шангаа хүрт” гэж хэлсэн. Би хүлээж л байна. Ийм л юм болсон. Би түүнийг албадах үед тэр энэ дэлхийг илүү сайн газар болгон өөрчлөхийн тулд ямар нэг зүйл хийх ёстой болохоос биш хүмүүсийг дарамталж, хуурч мэхлэн элдэв нүгэл үйлдэхэд уруу татаж, дараа нь үүрд мөнхөд шийтгэн, хүмүүс болоод хамаг амьтныг энэ тамын хорвоод үүрд эргэж буцан оршиход хүргэх ёсгүй. Би, “Энэ тийм сайхан бүтээсэн ертөнц биш. Энэ бол там. Иймд чи үүнийг өөрчил.” гэсэн. Ийм л зүйл болсон.
Гэхдээ энэ дэлхийн үйлийн үр арилаагүй л байна. Хүмүүсээс л болоод тэр. Тэд надад тэгж хэлсэн. Үнэхээр тийм л дээ. Тэр үнэн. Тийм л юм. Сувдаг чөтгөрүүдийн хаан өөрийн болоод харьяатуудынхаа эрх чөлөөг олж авахын төлөө энэ дэлхийг сайжруулах гэж сайн сайхан, амар амгалан, веганизмын талд үнэнээсээ зүтгэж буйгаа батлах гэж маш их хичээж байгаа. Энэ нь бас би саяхан түүнийг олигтой үр дүн гарахгүй бол, үнэнээсээ нухацтай хандахгүй бол тэд бүгд тамд унана, энэ удаад дахин зөөлөн хандахгүй шүү гэж сүрдүүлсэн учраас тэр. Тийм болохоор тэр хуурмагийн хаан буюу үйлийн үрийн хааныг хүчлэн түүнээр үйлийн үрийг өөрчлүүлж, үйлийн үрийг арилгуулахыг энэ дэлхийн хүмүүс болон төрөлтнүүдийг үйлийн үргүй болгуулахыг оролдсон. Гэхдээ тэд над дээр эргэж ирээд хэлэхдээ, “Бид оролдож үзлээ. Гэхдээ үүний төлөө заавал хүмүүстэй тохирч, хамтарч ажиллах хэрэгтэй юм байна” гэв. Энэ гаргийн хүмүүсийг хэлж байгаа юм. “Харин хүмүүс хариуд нь бүх үйлийн үрийг арилгачихлаа гэхэд тэд ‘уйтгартай’ хүмүүс болж, амьдралаа хэрхэн таашаалтай сайхан өнгөрүүлэхээ мэдэхгүй болчих вий хэмээн санаа зовж байна гэж хэлсэн.” гэлээ.
Тиймээс би тэдэнд, “Та нар зүгээр л шалтаг хайлаа” гэж би хуурмагийн хаан маяа болон бүтээгчид хэлсэн. “Энэ бол зөвхөн шалтаг. Яагаад гэвэл та нар тэднийг аргалан, урхиндаа оруулж дэлхийн муу хүмүүс болгож дөнгөсөн юм чинь тэднийг энэ гараг дээрх сайн төрөлтөн болгож өөрчлөхийг оролдож итгүүлж чадна” гэж хэллээ. Харин тэд намайг та нарт бүгдэд хандан хэлж ярих хэрэгтэй гэсэн. Би ярьж хэлсэн. “Би олон ч жил, олон арван жил хэдийнээ хэлсээр ирсэн.” гэв. Тэгээд л би хүмүүсээс – та нарын сүнснээс, танайхнаас, энэ гаргийн чинь хүмүүсийн сүнснээс хариу хүсэж асуулаа: “Та нар яагаад өөрсдийгөө уйтгартай хүмүүс болно, энд баясах таашаах зүйл огт үгүй болно гэж бодоо вэ?” Та нар зүгээр л тэгж санаа зовсон гэсэн байна. За яах вэ. Одоо би та нарт аль чадахаараа бодож байгаа шиг чинь биш гэдгийг дахиад тайлбарлаад, ойлгуулах гээд хичээе.
Диваажингийн хүмүүсийг төсөөл. Тэдэнд хэрэгтэй бүхэн нь бий. Мөнгө, байрны зээл, хоол унд, элдэв осол, албан татвар, эсвэл төр засаг өөрчлөгдөн төвөг удах вий гэх зэргээр санаа зовох шаардлага хэзээ ч байдаггүй. Тэд хэзээ ч атомын бөмбөг цөмийн зэвсэг, байгалийн гамшиг, хүнсний хомсдолын тухай, эсвэл дайн, хаа нэгтээ, хэзээ мөдгүй гарчих вий дээ, огт санаандгүй байхад нь цар тахал дэгдэж, хүмүүсийн амьдрал түүний дотор өөрийнх нь болоод гэр бүл, дотнын хүмүүсийнх нь амьдралыг эрхшээлдээ оруулах вий гэж зовних шаардлагагүй. Тэгэхээр, бүх муу үйлийн үр үгүй болж, та нар Дэлхий дээрх сайн сайхан төрөлтөн, зөв эрхэм хүн болоход амьдрал ийм байх юм. Тэгээд хожим нь өөд болохдоо Та нар Диваажинд очиж миний дөнгөж сая ярьсанчлан сайхан амьдрах болно.
Диваажинд хүмүүс юу хүссэнээ хийдэг. Тэд юунд ч санаа зовдоггүй. Тэдэнд үйлийн үр гэж үгүй. Учир нь тэд муу үйлийн үр тарих зүйл хэзээ ч хийдэггүй. Тэд бүсэн дээрх нэг товчлуураа дараад л хүссэн газраа чөлөөтэй очно, эсвэл ердөө бодлын хурдаар хүрэх нь хэр өндөр эсвэл доогуур Диваажинд байгаагаас хамаарна. Тэдний хамаатан садан, найз нөхөд, амрагууд нь аль ч түвшнийх байлаа ч та нарын төсөөлж чадах хамгийн дээд эрх чөлөөг эдлэн санаа зовох юмгүй, асуудал төвөггүй тансаг дээгүүр амьдардаг. Диваажингуудад ийм байдаг.
Дэлхий дээр гэх юм бол, миний шавь гэгдэх хүмүүс бүгдээрээ веган гээд бод доо. Тэд бүгд таван сахил сахидаг. хулгай хийхгүй, худал хэлэхгүй, буруу хурьцал үйлдэхгүй, хорт бодисууд хэрэглэхгүй, мөн мэдээж амь хөнөөхгүй зэрэг багтдаг. Эдгээр үйл бол хүний хийх ёстой сайн зүйлс биш. Тэгээд тэд жаргалтай, өмнөхөөсөө илүү баяртай амьдарч байна. Тэд өөр хоорондоо, ядаж л миний бүлэг дотор эв найртай байж, хаа байгаа газраа та нартай бүгдтэй нь эвтэй найртай амьдарч байна. Тэд та нарт төвөг уддаггүй. Намайг хэлсэн хэлээгүй тэд та нарт аль чадахаараа тусалж байдаг. Мөнгөө, хүч хөдөлмөр, хайраа, цаг заваа зориулан хүмүүст тусламжийн гараа сунгадаг. Харин тэр хүмүүс нь тэдэнд огт хамаагүй, хамаатан садан, найз нөхөд нь биш, амраг нь биш, хэн ч биш хүмүүс байдаг. Огт танихгүй хүмүүс байдаг ч тэд очоод хамаг зүрх сэтгэлээсээ, бүхий л зүтгэлээ гаргаж хэнд ч байсан тусалдаг. Тэр нь та ч байж болно.
Бидний тусалж байсан хүмүүсийн заримтай нь, тэдний олонтой нь яг одоо би хандан ярьж байж мэднэ. Бид та нарт нэр, хаягийг чинь огт мэдэлгүйгээр, дахин холбоо барих ч үгүйгээр, ямар нэг тусламж, юу ч эргүүлж хүсэлгүй тусалдаг. Юу ч хүсдэггүй. Та нарыг манай бүлгийн гишүүн болоосой гэж ч боддоггүй. Юу ч хүсдэггүй. Тэд маш жаргалтай хүмүүс. Хэрэв надад итгэхгүй байвал миний шавь гэгдэх хэн нэг хүнийг олж очоод амьдрал нь авшиг хүртсэнээс хойш хэр өөрчлөгдсөн талаар асуу. Шинэ авшигтан байсан ч болно. Шинэ авшигтнууд байсан ч хэдийнээ амьдрал нь баяр жаргалтай, эрүүл болсон байдаг. Зарим нь идэж буй зүйлдээ болгоомжтой хандаагүйгээс болж КОВИД-19 туссан. Шошгыг нь сайн уншаагүй биз. Эсвэл веган биш зүйлийг веган гэж итгээд идчихээ биз.
Өнөө үед амьтан-хүмүүсийн гаралтай найрлагыг хоол, савласан хүнс юм уу эмэнд нэмсэн байдаг шүү дээ. Заримдаа тэд хангалттай болгоомжтой ханддаггүй. Тэд дэндүү завгүй. Сайн харалгүй, эсвэл асуулгүй идчихдэг. Асуухад хэцүү байсан ч юм уу, эсвэл веган гэж итгэж идээд КОВИД-19 тусчихсан хэрэг. Гэхдээ тэд бусад веган бус, гаднын хүмүүстэй харьцуулахад маш хурдан эдгэрдэг. Олон хүн эдгэрдэггүй гэдгийг та нар өөрсдөө мэдэж байгаа. Ихэнх нь эдгэрдэггүй. Энэ гаргийн хаа сайгүй яаран хөдөөлүүлсэн олон эгнээ оршуулгын хөшөө чулууг хар. КОВИД-19-т өртөөгүй өнгөрсөн нэг ч улс байхгүй. Одоо нэмж хувилбарууд гарч дахин хөл хорих юм уу маск зүүхээр, эсвэл хоёуланг нь хэрэгжүүлэхээр төлөвлөж байж магадгүй.
Үүнийг бодоод үзээрэй. Та хэчнээн их мөнгөтэй байх чинь хамаагүй, энд байгаа л цагт энэ Ертөнцийн, доогуур түвшний Ертөнцийн хууль танд үйлчилсээр байх тул үйлийн үрийн төлөөснөөс хэзээ ч хамгаалагдахгүй. Иймд илүү буянтай болж, веган хоолтон болж, амар амгалан иргэн болсон хүмүүсийг уйтгартай, уйтгартай зан чанартай, уйтгартай амьдралтай болно гэж битгий бодоорой.
Миний шавь гэгдэх хүмүүс хаа ч явсан хүмүүст ихэд таалагдаж, хүмүүс тэдэнд талархаж, тэдний эрхэм, тохь журамтай, сайхан зан, ариун журам, хамаг төрөлтнийг түүний дотор миний хандан ярьж буй та нарыг ч бас өрөвдөн хайрлах сэтгэл, энэрэл нигүүлслийг нь ихэд таашаадаг.
Тэгэхээр гуйж байна, тэгж санаа битгий зовоорой. Санаа зовнилоо үргээж оюун бодлоо тайван байлган Оройн Дээд Бурхан таны төлөө бүхнийг төгс зохицуулна гэдэгт итгээрэй. Диваажинд очихын тулд та нар амьдралаасаа хагацах ч хэрэггүй. Эндээ л хамаг төрөлтөнтэй, тэр дундаа бүх амьтан-хүмүүс, мод, чулуу хүртэл, ургамал, цэцэг, хорхой шавжтай ч энх тунх амьдарна. Тэд ч бас та нартай хамтдаа энх тунх амьдарна.
Ямар ч цар тахалгүй, дайнгүй, татварын хэмжээ, хүнсний үнэ байрны зээл өндөр, байнга өсөж байдаггүй тийм дэлхийг төсөөлөөд үз дээ. Хайртай хүмүүс, үр хүүхэдтэйгээ элэг бүтэн, салчихвий гэж санаа зовнилгүй, араар тань хуурах вий гэж зовохгүй, ичгүүртэй хэрэг болох вий гэж айхгүй, санаа зовмооргүй байгаа ямар ч зүйлийнхээ төлөө санаа зовохгүй энгийн, амархан сайхан, жаргалтай амьдралыг төсөөл дөө. Та нар өөрийн хүссэнээр амьдарч өрөөл бусдыг ч бас хүссэнээр нь амьдруулна. Бүгд сэтгэл хангалуун жаргалтай байх болно. Мөн Эх Дэлхий дээрх амьдралыг чинь Диваажин шиг болгох гэж Бурхан бүр улам их зүйлээр хангаж өгнө.
Үр саддаа үүрд ийм амьдрал үлдээнэ гээд төсөөл дөө. Энэ үзэсгэлэнт гаргаа яг тэр хэвээр нь үүрд үлдээж, хамаг амьтан нь гоо сайхан, адислал, амар амгалангаа та нартай хамт таашаан амьдарна гээд төсөөл дөө. Гадуур ажиллаж байгаад гэртээ ирэхэд, эсвэл гэрээсээ ажилладаг байлаа ч дандаа амар амгалан байж, дандаа хамтдаа, бие биеэ баярлуулж, өөрийгөө ч баярлуулж дуртай зүйлээ хийнэ гээд төсөөл дөө. Үр хүүхэд чинь халуураад ч юм уу ямар нэг халдварт болон ердийн өвчин гэнэт тусаж шөнө таныг сэрээхээ больж, та бүтэн нойртой хоноод, өглөө нь амгалан, аюулгүй, аз жаргалтай хүүхдээ амар тайван өсөж өндийж буйг харна гээд төсөөл дөө. Дайнаас зугтах гэж, шоронгоос зайлсхийх гэж, ямар ч зовлонгоос зугтах гэж зовохгүй. Тэд хар тамхи, архи дарс хэрэглэхгүй та тэдний аюулгүй байдал зан авир, эрх чөлөөнд нь санаа зовох хэрэггүй болно.
Бүх зүйл яг хүссэнээр чинь, ямар байгаасай гэж хүснэ яг түүгээр чинь болно гээд төсөөл дөө. Иймд уйтгартай амьдрал огт биш Энэ бол Диваажингийн, эрх чөлөөт, үнэмлэхүй эрх чөлөөт, үнэмлэхүй аз жаргалтай, үнэмлэхүй аюулгүй, үнэмлэхүй эрүүл энх, сэтгэл хангалуун, хүссэн бүхэн хүрэлцээтэй амьдрал. Амьдралдаа юугаар ч дутагдахгүй, хаа ч байсан, хэзээ ямагт сэтгэл хангалуун байхыг үзнэ. Төр засаг хамгийн зохист хамгаалагч, хамгийн зохист хууль болон амь насыг хамгаалагч байж, та нар ямар байхыг дандаа хүсдэг түүн шиг төр байна. Үр хүүхэд чинь хэзээ ч нийтлэг аймшигтай өвчин, эсвэл жигтэй сонин өвчин тусахгүй, яг л Диваажингийн үр сад шиг төгс харагдах болно. Гэрлэлт чинь бат бөх байх болно. Эхнэр, нөхөр чинь ямагт үнэнч байж өөрийг чинь хамгийн ихээр хайрлана.
Мөн та нар бүгдээрээ Бурханы Адислалыг мэддэг болж, ухамсартайгаар мэдэрнэ. Та нар оюун санааны хувьд илүү өндөр түвшинд дэвшиж, буянаараа бусадтай амар амгалангаар зэрэгцэн амьдарч, өөртөө болон бусдад аливаа аллага, хор хөнөөл учруулах хандлагаас татгалзана. Архи дарс, хар тамхи хэрэглэх болтол сэтгэл гутралд орон, амьдрал чинь уулын уруу өнхрөх мэт доройтоход хүрэх гэх мэт тийм хачин жигтэй зүйл өөрт чинь хэзээ ч тохиолдохгүй.
Амьдрал чинь улам бүр дээрдсээр л байх болно. Мөн Диваажингийн Адислалыг мэдрэх болно. Бурханы Хайрыг мэдрэх болно. Та нар яг л Диваажинд байгаа мэт аз жаргалтай байна. Мөн бид тийн амьдрах тусам амьдрал маань биет байдлаар улам л сайжирна. Байгаль орчинд хор хөнөөлгүй зүйлсийг улам олноор зохион бүтээнэ. Юмсыг ямар байгаасай гэж мөрөөддөг вэ яг л тийм болно. Амьдрал үүрд яг л зүүд шиг, сайхан зүүд шиг болно. Үр хүүхдийн чинь хувьд, ач зээ нарын чинь хувьд, гуч нарын чинь хувьд, тэднээс цааш үеийнхэнд ч тэр, энэ бол бид бүгдийн хүсдэг амьдрал шүү дээ.
Солио өвчин тусаж, эсвэл зан чанарын хувьд өөрчлөгдөж, сайн сайхан зүйлээс холдож, жишээ нь садист болж хувирдаг хүмүүс урьд болон энэ насныхаа бүхий л муу үйлийн үрээс болж, мөн сөрөг хүчний нөлөөгөөр ийм байдалд орсон байдаг. Бид энэ бүхнээс хэрэв чөлөөлөгдөх юм бол солиотой хүн гэж, садист хүн гэж байхгүй болж, хүний наймаа, хүүхэд, эмэгтэйчүүдийг барьцаалах явдал, хулгайч, дээрэмчин гэж байхгүй болж, хүсээгүй зүйл чинь амьдралд чинь хэзээ ч тохиолдохгүй. Мөрөөдлийн амьдрал гэж боддог бүхэн чинь биеллээ олох болно. Энэ бол бидний Дэлхий дээр ч, дараа нь Диваажинд ч эдлэх ёстой амьдрал юм. Там бүрмөсөн устах болно. Яагаад гэвэл муу үйлийн үрээс болж нүглийнхээ төлөөсөнд зовох, шийтгүүлэх, цэвэрлэхэд дэндүү хүнд нүгэлтэйгээсээ болж тэнд үүрд үлдэх хэн ч үгүй болно.
Бурхан биднийг ингэж л амьдраасай гэж хүсдэг. Энэ бол Бурханы үр садын амьдрал. Надад итгээрэй. Та нарт энэ бүхнийг хэллээ гээд надад хожих зүйл үгүй. Та нар өөрөөс минь өөрцгүй учраас би чин зүрхнээсээ хэлж байна. Бид хамтдаа. Ертөнцийн бүхэл бүтэн системийн хувьд бид нэгдмэл нэг.
