Энэ бол газар нутгаас хэсэглэн өгөх тухай биш гэдгийг би анхнаасаа л хэлээд байгаа. Хэсэг газар гэдэг, эсвэл олон хэсэг газар гэж юу юм бэ? Энэ бол үүнийг эзэмшиж буй хүн үүнд, тэнд амьдардаг төрөлтнүүдэд хэрхэн хандах тухай юм. Орос улс Украин (Урейн)-ыг зөвхөн энэ удаад ч биш, олон арван жилийн туршид дарамталж, дайтаж, сүрдүүлсээр ирсэн. Мөн сая сая хүнийг хөнөөж, өлсгөлөнгөөр хороож, тэднийг хахир өвлөөр амь зогооход хэрэглэх юу ч үгүйгээр эх нутгаа орхин гарахаас өөр аргагүй байдалд орууллаа.
Энэ Ертөнцийн, доод Ертөнцийн Хуулиас юу ч мултарч чадахгүй. Гагцхүү эрт, эдүгээгийн Их Багш нарын шавь нарын нэгэн адил доод Ертөнцөөс дээш өөрийгөө дэвшүүлж чадах юм бол чөлөөлөгдөх болно. Энэ дэлхийг орхих үедээ үүрд эрх чөлөөтэй болно. Эс бөгөөс үүнийгээ төлөх гэж дахин эргэн ирэх ёстой болно эсвэл бүр тамд хутгалуулах, хэрчүүлэх, хэл, хуруу зэрэг эрхтнээ хаа сайгүй хэсэглүүлэн тараалгах зэргээр минут тутамд, секунд тутамд, бүх өрөө төлж дуустал, бүр ч хүнд байдлаар төлөх ёстой болно, хэр удахыг таашгүй. Хоол хүнсэндээ зориулж хэчнээн амьтан-хүмүүсийн амь хөнөөхөд оролцсоноос хамаарна. Тийм удаан хугацаагаар шийтгүүлдэг. Гэхдээ хүү нь тун өндөр. 100 амьтан-хүн алсан бол тэр хэмжээгээр л төлнө гэсэн үг биш. Өө, тэр хангалтгүй. Энэ хуурмаг тогтолцоо маш их, тун их харгис шүү. Бүр энэ гараг дээрх амьтан-хүмүүсийн махыг идэхийн тулд харгисаар, өрөвдөх сэтгэлгүйгээр хөнөөдгөөс чинь ч илүү харгис. Амьдарч, амьсгалж, алхаж байсан хайр татам төрөлтөн, үнээ-, гахай-, тахиа-, цацагт хяруул-, туулай-хүн гэх мэтийн холбоос ч харагдахааргүй амьтан-хүний зүсэм махыг л худалдаж авах төдийд шүү дээ.
Амьдралд өршөөл гэж байдаг. Мэдээж хэрэг хэрэв та веган байгаад, сайн үйл хийвэл амь насаа уртасгаж, өвчин эмгэг, золгүй байдалд орохыг багасгаж чадна. Веган байх юм бол танд хэдийнээ сайн. Тамд ч өршөөл үзүүлэх нь бий. Дэлхий дээр байхдаа сайн үйл хийх юм бол шийтгэл зөөлөн байх болно. Эсвэл нөхцөл байдлаас хамаарч үгүй болно. Таныг тамд, эсвэл ямар нэг шүүлтийн өмнө байх үед тэд танаас эхлээд сайн үйлсийнхээ төлөө шагнал авахыг хүсэж байна уу, эсвэл муу үйлийнхээ төлөө шийтгүүлэх үү, муу үйлийнхээ төлөөсийг эхлээд төлөх үү гэж асуувал “Би хамгийн түрүүнд сайн үйлийнхээ шагналыг хүртэхийг хүсэж байна” гээрэй. Дараа нь хэрэв шүүхээс чөлөөлөгдсөн бол сайн үйлийнхээ шагналыг хүртэнэ. Жишээлбэл: Илүү таатай нөхцөл байдалд эргэн хүн болж төрөөд, сайн үйлээ үргэлжлүүлэх боломжтой. Эсвэл Диваажинд очиж болох юм. Нөхцөл байдлаас хамаараад доогуур Диваажинд юм уу дээд түвшний Диваажинд хүрдэг. Ихэвчлэн доод түвшний Диваажинд хүрдэг. Учир нь буянтай юм уу оюун санааны дадал бясалгал хийдэг хүмүүс шууд дээд түвшний Диваажинд хүрдэг. Мөн Их Багштай бол Их Багш нь биечлэн хүрч ирээд тэднийг Ертөнцийн өндөр хэмжээст Гэрт нь хүргэдэг. Эсвэл Их Багш нар Өөрсдийн бүтээсэн Өөрийн гэсэн ертөнцдөө аваачна.
Одоо, та явж сайн үйлийнхээ шагналыг хүртэхээсээ өмнө үүнийг эдлэх аян замдаа, дараа төрөлдөө оюун санааны зам мөрдөө мэргэн Хөтөч, мэргэн, гэгээрсэн, буянтай Их Багштай учрахын төлөө чин сэтгэлээсээ залбирах хэрэгтэй. Тэгвэл үргэлжлүүлэн замчлуулж, үргэлжлүүлэн сайн сургаалыг хүртэх болно. Тэгээд Их Багш буюу мэргэн Замчлагч таныг оюун санааны замналд тань дэвшүүлж, та хэзээ ч эргэж тамд унахгүйгээр барахгүй ямар нэг шийтгэл амсалгүйгээр улам бүр илүү дээд хэмжээст дэвшсээр байх болно. Үүнийг санаж яваарай. Өөд болсныхоо дараа та шүүлтийн өмнө очвол үүнийг санаарай: Одооноос сайн үйл хийж, хойд насандаа энэ амьдралаас ч илүү сайхан байх болтугай хэмээн залбир.
Та тийм ч сайн биш байсан ч гэсэн, мунхаглалаасаа болж хэзээ нэг цагт муу зүйл хийсэн байлаа ч наманчлах, эрс өөрчлөгдөнө гэдгээ амлах, өөрийнхөө төлөө залбирах, эсвэл хүмүүсээс найз нөхдөөсөө, хамаатнуудаасаа, хайртай хүмүүсээсээ өөрийн тань төлөө залбираад өгөөч гэж гуйх боломжтой 49 хоног байдаг. Хэрэв та сайн үйл хийвэл таны сайн үйлийг хүртсэн хүмүүс таны төлөө залбирах болно. Тэдний сүнс хорвоог орхихыг тань мэдэж таны төлөө залбирах болно. Хэрэв та мах иддэггүй бол амьтан-хүмүүс бүгдээрээ таны төлөө залбирна. Тийм ч учраас та маш их давуу талтай байх болно. Ямар нэг байдлаар таны сүнс аврагдах болно. Энэ бол веган байж, сайн үйл хийхийн жинхэнэ ашиг тус юм. Хэрэв та ямар нэг байдлаар энх тайвныг цогцлоох гэж хичээсэн бол мэдээж хэрэг энх тайвны ач тусыг хүртэж буй хүмүүс, тэдний сүнс үүнийг мэдэж байдаг тул таны төлөө залбирна. Өөрийнхөө төлөө Веган Байж, Энх тайвныг Цогцлоон, Сайн Үйл Хий. Бурхан таныг замчлаг, Бурхан таныг ивээг, Бурхан сүнсийг тань өршөөг. Амен.
Надад та нарын төлөө болон энэ гараг дээрх бусад төрөлтний төлөө урсгах нулимс үлдсэн эсэхийг мэдэхгүй. Заримдаа би зүгээр л явчихмаар, энэ бүхнийг хараад байх хэрэггүй санагдах юм. Даанч надад тэгэх зүрх сэтгэл үгүй болохоор энд байсаар, та нарт туслахыг хичээсээр байна. Надад та нар нэг бүрчлэн эрхэм. Та нарын хэн нь ч бай тамын зовлонд унах юм бол миний сэтгэл ч бас тарчилна. Яагаад гэвэл би та нартай хамт, дотооддоо ч гэсэн хамт. Надад ийм л байдаг юм. Миний байр суурь энэ.
Яг одоо дэлхийн бүхий л удирдагч сэрж сэхээрэх хэрэгтэй. Энэ дайныг зогсооход ямар нэг байдлаар Украин (Урейн)-д туслах учиртай. Ямар нэг байдлаар, гэхдээ украин (урейн)-чуудын амь нас, эд хөрөнгийг золиослолгүй найрамдах хэрэгтэй. Учир нь ингэх нь шударга бус. Тэгвэл араатнуудыг улам бүр түрэмгий, улам бүр шунаг болгож, бусад гэм зэмгүй хүмүүс, тэр дундаа эмэгтэйчүүд, хүүхдүүдийг янз янзаар аймшигтай хүнлэг бусаар, аливаа дайнд төсөөлшгүйгээр хохироож мэдэх юм. Хэдий үнэнч, тустай нэгэн байлаа ч, эсвэл Кремлийнхэн шиг дарангуйлагч, алуурчин, зандалчныг бишрэн шүтлээ гээд аюулгүй байдалд тань баталгаа болохгүй гэдгийг хараа биз. Дэлхийн бүх удирдагч үүнийг ойлгосон хэмээн, дахин тэр тогтолцоог, Путин гэгчийг дэмжихгүй байх гэж найдаж байна.
Тэр армийн генералууд, хошууч нар, дарга нар, цэргүүд одоо хэр нь Украин (Урейн)-ы эсрэг дайтсаар байгаагийн учрыг би мэдэхгүй юм. Та нар бүгдээрээ Украин (Урейн)-ы албаныханд бууж өгөх хэрэгтэй. Өөрсдийн тань гэр бүл: эхнэр, хүүхэд, эцэг эх, найз нөхөд тань гэртээ хүлээж байгаа учраас амь насаа л аварцгаа. Шууд бууж өгөх хэрэгтэй. Эрх бүхий хүмүүс дээр нь очоод өөрсдөө бууж өгөх хэрэгтэй. Бусдыг бүү хөнөө. Утгагүй, харгис, шударга бус дайны төлөө өөрсдийгөө бүү хөнөө. Гуйя.
Энэ талаар бодоорой гэж гуйя. Хөлсний арми Вагнерийн дарга, ноён Пригожиноос илүү хүчирхэг хэн байх билээ дээ. Кремльд түүнээс илүү тустай байсан хэн байна вэ? Ноён Пригожиноос илүү Путин болон Кремльд үнэнч байсан хэн байна вэ? Тэгсэн ч тэд түүнээс нүдээ ч цавчилгүй урван, хороочихлоо. Тэгчхээд бас Путин хоёр нүүрлэн (Пригожины) хайртай хүмүүст нь эмгэнэлийн захидал сэлт илгээсэн.
Юу ч түүнийг буцааж авчрахгүй. Юу ч шүү. Одоо тэр Путинийг дэмжиж, муу үйл хийснээ гэмшиж, Бурханаас өршөөл гуйх ч боломжгүй боллоо. Онгоцонд тэгж гэнэт амиа алдахад нь Бурханаас өршөөл гуйх ямар ч боломж байгаагүй. Тэгэхээр түүний ойр дотно хэн бүхэн, түүнийг хайрладаг, хүндэлдэг хэн бүхэн хамтдаа ямар нэг аргаар буянтай лам нарыг юм уу, гэлэнмаа нарыг олж, үлдсэн 43 хоногт нь түүний төлөө залбираарай гэж гуйж байна. Тэгэх юм бол түүний байдлыг дээрдүүлж, тамд зовохыг нь хөнгөвчилнө. Түүний төлөө та нар уйлах биш, үүнийг л хийх ёстой.
Мөн дэлхийн удирдагчид үүнийг сургамж болгон харах хэрэгтэй. Та нарыг энэ явдал голоос тань сэрээж сэхээрүүлэн, Кремль юм уу Путин шиг харгис дэглэмийг дэмжих нь Дэлхийд тайван бус байдлыг, зүрх сэтгэлд тань тайван бус байдлыг авчирна гэдгийг ойлгох учиртай. Энэ бол газар нутгаас хэсэглэн өгөх тухай биш гэдгийг би анхнаасаа л хэлээд байгаа. Хэсэг газар гэдэг, эсвэл олон хэсэг газар гэж юу юм бэ? Энэ бол үүнийг эзэмшиж буй хүн үүнд, тэнд амьдардаг төрөлтнүүдэд хэрхэн хандах тухай юм. Орос улс Украин (Урейн)-ыг зөвхөн энэ удаад ч биш, олон арван жилийн туршид дарамталж, дайтаж, сүрдүүлсээр ирсэн. Мөн сая сая хүнийг хөнөөж, өлсгөлөнгөөр хороож, тэднийг хахир өвлөөр амь зогооход хэрэглэх юу ч үгүйгээр эх нутгаа орхин гарахаас өөр аргагүй байдалд орууллаа. Бас тэдэнд хөдөлмөрийнхөө үр шимийг хүртэх боломж олголгүй, ургацыг нь авч, өөрсдийгөө тэжээхийн төлөө шаргуу хөдөлмөрлөж олсон бүхнийг нь авчихсан.
Украин (Урейн)-ы ард түмэн маш хичээнгүй. Тэд дэлхийд үр тариа нийлүүлэлтээрээ тавдугаарт ордог. Манай гаргийн сая сая хүнийг тэжээж тэд ургац авахын тулд шаргуу хөдөлмөрлөдөг, үүндээ ч мэргэшсэн. Та бүхэн тэдний үр тариаг идээд, тосыг нь хэрэглэж, бусад тариалангийн бүтээгдэхүүнийг нь хэрэглэдэг. Үүнийг нь худалдаж авсан байлаа ч талархал учиртай. Аливаа зүйлийг дан ганц мөнгөөр худалдан авах боломжгүй. Орос орон Украин (Урейн)-ы үр тарианы экспортыг зогсоох гэж бусад орныг болон мэдээж бас Украин (Урейн)-ыг дарамталсныг та нар мэднэ. Бас тэд бүсгүйчүүдийг нь, хүүхдүүдийг нь, бүр нялхсыг нь хүртэл хүчиндэж, алж болох хэн бүхнийг алж байна. Тэгэхээр Кремлийг дэмжье ч гэсэн аюулгүй байж бас л чадахгүй. Тэдний тагнуулууд хэзээ ирээд алчихыг мэдэх аргагүй. Тэдний хамгийн хүчирхэг хүмүүс, хамгийн баян, Кремльд хамгийн найрсаг байсан нь хүртэл хамгийн аймшигт үхлийг үзлээ. Одоо та нар мэдэж авлаа. Та нар манай Суприм Мастер Телевизийн нэвтрүүлгийг үзэх юм бол хэр олныг мэдээлснийг харах болно.
Мэдээгээр гарсан болохоор мэдээж та нар мэдэж байгаа. Гэхдээ л заримдаа та нарт бүгдийг нь унших зав байдаггүй. Нэг хүн энд үхлээ, нэг хүн тэнд үхлээ гэдгийг л хардаг. Харин бүгдийг нь нэгтгэвэл асар их тоо гарах болно. Хэр олон генерал, хошууч, цэргүүд байв гэдгийг би мэдэхгүй. Тэд яагаад өнөө хэр нь Кремльд итгэсээр, тэдний төлөө байлдаад, ингэж үрэгдэнэ вэ? Ямар ч учир шалтгаангүйгээр тэднийг хорлож, өдөр бүр үй олноор нь хөнөөж байна. Уржигдар гэхэд л хэдхэн цагийн дотор хэдэн зуун орос цэрэг ингэж амиа алдлаа. Удахгүй дахин олноороо үхнэ. Хүмүүс ингэж утга учиргүй үхэж байгааг мэдэж байж сэтгэл минь хэзээ ч амар байхгүй.
