Төгс Гэгээрсэн Их Багш Чин Хай (Веган) Махны Хорт Үр Дагаврын Тухай, 16-р хэсэг – Гэгээнтнүүдийн Сургаалуудыг Гажуулсан

Өмнөх дугаарт дурдсанчлан, хайр, энэрэл нигүүлслийн илэрхийлэл болсон гэгээнтнүүд, Их Багш нар бүгд “үл хөнөөх” гэсэн ижил зарчмыг сургасаар ирсэн юм. Гэсэн хэдий ч эрхэм дээд Шакжамуни Буддаг “гахайн хөл” хэмээх нэгэн төрлийн хоол иддэг байсныг Буддын шашны сударт тэмдэглэсэн байдаг. Ариун Библид Эзэн Есүс Христ 5000 хүнийг таван талх, хоёр загасаар хооллож байсан гэж бичсэн байдаг. Мянга мянган жилийн турш нэг хэлнээс нөгөө хэл рүү орчуулсны дараа эртний эх бичвэрүүдийг буруу тайлбарлах тохиолдол гарсан байх магадлалтай. Төгс Гэгээрсэн Их Багш Чин Хай ухаарал хайрласан олон лекц дээр эдгээр агуу Гэгээнтнүүд, Эш үзүүлэгч нарын хоолны талаарх нийтлэг үл ойлголцлыг тодруулахад тусалсан юм.

Италид, баярын гахайн мөөг гэж байдаг санаж байна уу? Труфель, газар доор ургадаг түүнийг нь гахайнууд ухаж иддэг. Гахайнууд үнэртээд хөлөөрөө ухахаар нь хүмүүс араас нь очоод мөөгийг нь ухаж аваад зардаг. Тэр бол маш үнэтэй. Будда тэрийг иддэг байсан, мэдээж түүнийг амтат хоолоор дайлсан. Үүнийг “гахайн баяр” эсвэл “ гахайн хөл” гэдэг энэ түүх дээр гарсан шиг, гахайнууд үнэрлэж хүмүүст ухаж өгдөг учраас ийм нэртэй болсон. Тэгэхээр Будда, хөөрхий Будда ямар ч гахайн мах идээгүй, харин том “гахайн хөл” идсэн. Бурхан минь.

(Есүс цагаан хоолтон байсан уу?) Хөөрхий Есүс. Хүн бүр л Эзний ам руу мах загас хийх гэж ядах юм. Тэр цэвэр цагаан хоолтон. Тэрбээр Эссэний зан заншлаар өссөн, Эссэнэчүүд ямагт цагаан хоолтон байсан. Үүнийг Арамайк хэл дээрх номноос Эдмунд Бордэаукс Сэкэлэй орчуулсан, тэр бол Унгар хүн. Есүсийн сургаал гэж тооцогддог Ватиканы архиваас олдсон хуучны ном судраас орчуулсан байсан. Тэнд бичигдсэнээр бол Есүс шавь нартаа амьтны мах огт идэхгүй байхыг зааварчилсан. Огт болохгүй гэж. Тэгэхээр өдгөөгийн Библи судрыг эртний Грек хувилбараас орчуулсан. (За) Есүс цугласан олон хүнийг дугуй талх болон opsarum-аар дайлсан. Opsarum-ыг хоол амтлагч гэж орчуулж болно, (Зөв үү) амт оруулагч, загас шиг ашиглахаар. Тэгэхээр, тэр хүмүүсийг талхыг амт оруулахын тулд хоол амтлагч дагалдуулж өгчээ гэж хэлж болж байна. (Ойлголоо.)

Хэрвээ Эзэн өөрөө загас иддэг байсан юм бол яагаад анхны 12 шавьдаа загасчлахаа больж, оронд нь Өөрийг нь дага гэж хэлсэн байхав? Намайг дага гэсэн нь хоосон бай гэсэн утгатай. (Тийм)

Есүс шиг энэрэнгүй Их Багш, танихгүй нэгний шархадсан хургыг хоньчинд цохиулж зодуулахгүй байг, хоньчинд чирүүлэхгүй байг гэсэн дээ уул руу аваачиж тавьсан ийм хүн яаж аливаа амьд амьтныг идсэн байж таарах вэ? Энэ тун зөрчилтэй байх бус уу.

Энэ бүх баримтын ихэнх нь Сөнөсөн Тэнгисийн олдвороос олдсон байдаг, тэднийг урт хугацааны өмнөөс биш, хэдэн жилийн өмнөөс илрүүлээд байна. Тэд эдгээр бүх гайхамшигтай сургаалуудыг олж илрүүлсэн. Есүс энэ бүлэгт харьяалагддаг байжээ. “Тэд бүх амьд оршихуйг гүнээ хүндэтгэх сэтгэлээр махан хоолонд хэзээ ч гар хүрдэггүй.” Тэд мах иддэггүй, харж байна уу? Энэ цаг үеийн бүх Эссенчүүд үүнийг уншаасай, мах бүү идээсэй. Тэд бүр исгэсэн шингэн зүйл ч уудаггүй байсан. Архигүй гэсэн үг. Харж байна уу? Тиймээ.

Би бүх хөөрхий Зөнч, Их Багш нарын талаар бодсон юм. Тэднийг амьд байхад тэдэн рүү дайрч, залхаан цээрлүүлж, эсвэл нэр төрийг нь гутааж, эсвэл төрөл бүрийн хэрцгий байдлаар тэднийг алж байсан. Тэгээд үхсэнийх нь дараа том том сүм дугана, суврага, хийд гээд төрөл бүрийн том зүйлс барьж босгодог. Тэгээд алж дуусахгүй, нэрийг нь ч ална, Есүс загас иддэг байсан, Будда гахайн тавхай иддэг байсан, Зөнч Мухаммед тэднийг ал гэж хэлсэн гэж нэр сүрийг нь ална. Төрөл бүрийн зүйлс. Тун ч гунигтай, маш гунигтай. Бүгдийг нь агуу Их Багш нарын нэрийг барьж үйлдэнэ, гэтэл тэд энэрэнгүй, өрөвч, өршөөл, нигүүлсэлтэй, бүхнийг хайрладаг байсан. Бүр жижиг шувуу, бяцхан хурга, тугал гээд бүгдийг тэд хайрладаг байсан. Яаж тэд хэн нэгнийг явж ал гэж хэлж чадах билээ дээ? Бүхий л Номлогчдыг бүр асар их, үргэлж, их буруугаар ойлгож ирсэн.

Баатараа Явагч Их Хөлгөн Сударт Шакжамуны Будда хэлэхдээ, “Сүнслэг бясалган дадуулагч бид гэмгүй төрөлтний махыг зоогловоос бидний хүрч болох хамгийн өндөр хязгаар маяагийн түвшинд байх болно.” Мах идвэл маяа болохдоо биш. Харин бидний дотоодын түвшин, бусдыг үл ойлгох байдал нь маяа байхтай тэнцэж байгаагаас болсон хэрэг. Веган болсноор Будда болж, мах идсэнээр маяа болно гэсэн үг биш. Хэн нэгэн гэмгүй төрөлтний маханд дурлаж байна гэдэг түүний дотоод сэтгэлд хангалттай хайр үгүй байна гэсэн үг, тиймээс ч тэр мах идсэн ч жаргалтайгаар амьдралаа үргэлжлүүлж чадаж байгаа хэрэг, тийм ч учраас дотоодын Будда чанараа хангалттай хөгжүүлж чадахгүй байгаа хэрэг. Будда чанар нь бүрэн хөгжсөн бол махыг харсан төдий зовлон шаналлыг мэдрэх нь ойлгомжтой юм. Гэмгүй төрөлтний зовлон шаналлыг мэдэрсэн нэгэн мах идэхийг хүсэхгүй, тэгж зүрхлэхгүй.

Бид Аллахын хүүхэд байж чадах хэмжээнд амьдрах ёстой. Аллах манай гаригт бууж ирлээ гэж төсөөлье, Тэр юу хийх вэ? Аллах энд ирээд их бага ямар нэг хэмжээгээр зуун жил энэ биеэ амьд байлгахын төлөө амьд төрөлтөн бүрийг алж, идэж байна гээд төсөөлөөд үз дээ. Аллахыг тийм зүйл хийх үү? Тэр тэгэх болов уу? Хатагтай? (Үгүй ээ, Их Багш аа) Үгүй. Бурхан, Оройн Дээд Аллах энд ирээд бяцхан, гэмгүй, өрөвдмөөр, өөрийгөө хамгаалж ч чадахгүй хайр татам төрөлтнийг идэхийн төлөө ална гэж бид төсөөлөмгүй. Тэгэхээр, бид Бурханы хүүхдүүд. Бүх гэгээнтнүүд тэгж хэлдэг. Есүс Христ тэгж хэлсэн. Будда тэгж хэлсэн. Зөнч Мухаммед, Тэрээр Амгалан Байг, тэгж хэлсэн. Бид бол энэрэл нигүүлсэлт Эцгийн хүүхдүүд. Бид Эцэг шигээ байх ёстой. Утга зүйд энэ бүрэн нийцнэ. Тэгвээс Эцгээ баярлуулна. Бид Түүн шиг өршөөнгүй байж, энэрэл нигүүлсэлтэй, бие биетэйгээ эе зохиролтой байх юм. Бүх л аавууд, хүүхдээ тийм байвал баярлах юм. Тэгэхээр Аллахын хүүхэд, Бурханы хүүхэд байх үнэ цэнтэй байхын тулд бид Эцгийнхээ биднийг тийнхүү амьдраасай гэсэн дагуу амьдрах ёстой.

Жинхэнэ огоорогчид гэтлэгдэж чадна, хэрэв тэд сахилаа сайн сахиж, өдөрт ганц хооллож, торго өмсөхгүй, мөн сүү эсвэл амьтны гаралтай бүтээгдэхүүн хэрэглэхгүй, алхах үедээ шавж гэмтээхээс сэрэмжлэн алхмаа анзаарч явбал, Буддагийн сургаал болон сахилыг үнэхээр сонсдог хүмүүс гэтлэгдэж чадна Гурван Ертөнцийн чанадад, заавал Тавдугаар Түвшин рүү биш. Буддын шашинтнуудаас хамгийн олон тооны Дөрөвдүгээр Түвшинд хүрсэн хүмүүстэй, магадгүй тэдний цагаан/веган хоолны улмаас байх. Мөн Хиндү шашинтнуудад байгаа. Хиндүизм. Эдгээр нь хамгийн их байсан хоёр шашин юм. Мөн бусад шашнууд ч бий.

Дияаны үеэрээ Би санаандгүйг олон зүйлс харсан. Тиймээс би тэдгээр цагаан/веган хоол болон сахилаа үнэхээр сахидаг хүмүүсийг чөлөөлөгдөнө гэдгийг мэддэг юм. Би зөвхөн хувраг болон гэлэнмаа нарыг шалгасан. Би энгийн хүмүүсийг шалгаагүй. Энэ нь лам гэлэнмаа нарт тодорхой хэмжээгээр амархан, учир нь тэд санаа зовнил саад тотгороос ангид байдаг. Тэд хэн нэгэнтэй ямар ч холбоо харилцаатай байдаггүй, тэд хүмүүсийн дунд байдаггүй. Иймд тэдэнд өөрсдийн соронзон талбайг цэвэр байлгаж, цагаан/веган хоолтон байхад амархан байдаг.

Энэтхэгчүүд яагаад бусад хүмүүсээс илүү гэгээрсэн байдаг вэ? Би ч мөн гайхсан. Тийм ээ, би хариултаа авсан. Бурхан надад хэлэхдээ, “Тэд номлол сургаалын дагуу дадуулдаг. Тэд ахимса-г дадуулдаг. Тэд цагаан хоол иддэг. Тэд залбирдаг. Тэд бясалгал хийдэг. Тэд бүх төрөлтөн нэг гэсэн хамтын ухамсрыг дадуулдаг. Нэгэнд юу хийнэ, бүхий л бусдад түүнчлэн хүрнэ.” Тэгээд би хэлсэн, “Танд маш их баярлалаа!” Бид чин сэтгэлээрээ асуухад, Бурхан үргэлж хариулдаг. Энэ бол Хинду шашин, энэхүү төрөлх нутагт бууж ирсэн философи юм.

Олон агуу Их Багш нар Өөрийн билиг оюунаа хөгжүүлэн, мэдлэг олж авахын тулд уг эх нутгаас гуйн мөргөхөөр Энэтхэгт ирэх ёстой байдаг. Есүс энд ирж байсан. Будда энд байсан. Сих Гүрү, Хиндү Гүрү зэрэг бусад олон агуу Их Багш нар энд төрсөн байдаг. Зуун зууны дараа ч Тэд ахимсагийн эрхэм ариун үзэл санаа, хайрын сэтгэлийг бидэнд сануулахын тулд бүхнээ золиосолсон юм. Учир нь Бурхан бол Хайр. Хэрэв бид Бурхан байхыг хүсвэл бид Хайрын Төлөөлөл байх ёстой.