Дэлгэрэнгүй
Татаж авах Docx
Дэлгэрэнгүй уншаарай
Цаг хугацаа өнгөрөхийн хэрээр Түүний зөгнөлүүд ар араасаа, нэг нэгээрээ биелсэн тул Тэрээр “12-р зууны Индонезийн Нострадамус” хэмээх хочийг хүртжээ.
Индонезийн иргэнээс түүхэн дэх хамгийн их хайрлан хүндэлдэг Хаан нь хэн болохыг асуувал та Эрхэм Дээдэс Жаяабаяа Хаан гэж хариулахыг нь сонсох магадлалтай. Зүүн Ява дахь Кедири Хаант улсыг захирч байсан 12-р зууны энэ Хаан мэргэн ухаан, энэрэнгүй сэтгэл, мөн зөгнөлүүдээрээ дурсагддаг. Тэрээр хаанчлах хугацаандаа Ява аралд урьд өмнө нь байгаагүй энх тайван, хөгжил цэцэглэлт, соёлын дэвшлийг авчирсан. Нас өндөр болсон үедээ энэ Мэргэн Хаан ширээнээсээ бууж, Менанг тосгонд бясалган тунгааж, нам гүм амьдрах болжээ. Зарим хүн Түүнийг эцэст нь бие махбодын үхлийг туулалгүйгээр Тэнгэрт заларсан гэдэгт итгэдэг бөгөөд энэ нь Түүнийг Хиндү шашны Вишну Бурхны хувилгаан байсан гэх тэдний итгэл үнэмшлийг нь бататгадаг. Өнөөдөр Менанг тосгон ариун мөргөлийн газар хэвээр байгаа бөгөөд өв уламжлалыг нь хүндэтгэх зорилгоор жил бүрийн шинэ жилийн баяраар ёслолын жагсаал зохион байгуулдаг.За, Мухаррам сарын 1-ний шинэ жилийн баярыг тэмдэглэн өнгөрүүлэх тухай дараагийн мэдээлэл рүүгээ орцгооё. Кедиригийн хэсэг оршин суугч Ява үндэстний уламжлалт ёслол үйлджээ. Энэхүү ёслолыг уламжлалаа хадгалан хамгаалах, мөн өвөг дээдэс Шри Ади Жаяабаяа-гийн туулсан бэрхшээл, тэмцлийг хүндэтгэн дурсахын тулд зохион байгуулдаг.Ява үндэстний энэхүү уламжлалт ёслол Кедири мужийн Пагу дүүргийн Менанг тосгонд болжээ. Уламжлалт хувцас өмссөн оролцогчид Менанг тосгоны захиргааны байрнаас 500 метрийн зайд орших Шри Ажи Жаяабаяа-гийн түүхэн дурсгалт газар хүртэлх ёслолын жагсаалд оролцжээ. Мухаррам сарын 1-ний шинэ жилийг тэмдэглэхээр энэ ёслолын жагсаалыг жил бүр зохион байгуулдаг. Уламжлалаа хадгалан хамгаалахаас гадна, Ява үндэстний энэхүү уламжлалт ёслолыг өвөг дээдэс Хаан Шри Ажи Жаяабаяа-гийн тэмцэл, туулсан хүнд хэцүү сорилтуудыг хүндэтгэн дурсах зорилгоор үйлддэг. Энэхүү түүхийн хүмүүжлийн ач холбогдлыг орчин үеийн нийгэмд ч үргэлжлүүлэн өвлүүлэн таниулж байгаа бөгөөд ингэснээр залуучууд болон олон нийт Прабу Жаяабаяа-гийн үлдээсэн ул мөр, өв уламжлалыг мартахгүй байх юм. Шри Ажи Жаяабаяа нь Панжалу болон Жанггала хаант улсуудыг дахин нэгтгэж, Кедири хэмээх нэг Хаант улс болгож чадсаныг түүхэн баримтууд харуулдаг. Энэхүү уламжлал нь мөн соёлын аялал жуулчлалын сонирхол татахуйц үйл явдал болж, жил бүр янз бүрийн олон бүс нутгаас зочид, жуулчдыг татдаг. Суро сарын нэгний ёслолыг Ява үндэстний шинэ жилийг тэмдэглэхийн зэрэгцээ, Жангка Жаяабаяа хэмээх зөгнөлүүдээрээ алдартай Прабу Шри Жаяабаяа-гийн оруулсан хувь нэмрийг дурсан санаж, хүндэтгэх зорилгоор зохион байгуулдаг.Харин ёслолын үйл ажиллагааны хувьд, ямар дараалалтай арга хэмжээнүүд багтдаг вэ? За, энэ ёслол Менанг тосгоны төв талбайгаас эхэлж, Прабу Шри Ажи Жаяабаяа-гийн гэтэлсэн газраар дамжин, дараа нь Сенданг Тирта Камандану руу үргэлжилдэг.Энэ зан үйлийг үйлдсэнээр юуг хүсэн хүлээдэг вэ? Суро сарын 1-ний энэ зан үйлийн ёслолоор дамжуулан бид бүгд Бүтээгч БУРХАНЫ адислалыг хүртэнэ хэмээн найдаж байна.Ява үндэстний уламжлалт ёслолын үеэр тэд мөн түүхэн дурсгалт газарт хамтын залбирал үйлдэж, цэцэг өргөх ёслолын жагсаал зохион байгуулдаг. Энэ нь Төгс хүчит БУРХАНЫ хайрласан Адислал болон Аюулгүй байдлын төлөөх талархлын бэлгэдэл болгон хийгддэг.Эрхэм Дээдэс Жаяабаяа Хаан далдыг харах чадвар, үүний үр дүнд бий болсон Индонезийн бүлэг арлууд болон дэлхий дахинд гарах улс төр, нийгмийн томоохон өөрчлөлтүүдийг урьдчилан хэлсэн зөгнөлүүдийн цуглуулгаараа алдартай. Түүний зөнгийн үзэгдлүүд эхлээд аман уламжлалаар дамжин хадгалагдаж, хожим нь “Серат Мусарар”, “Серат Пранитивакяа”, “Преламбанг Жаяабаяа” зэрэг судруудад тэмдэглэгджээ. Цаг хугацаа өнгөрөхийн хэрээр Түүний зөгнөлүүд ар араасаа, нэг нэгээрээ биелсэн тул Тэрээр “12-р зууны Индонезийн Нострадамус” хэмээх хочийг хүртжээ.Түүний дундаас онцгой алдартай нэгэн зөгнөл байдаг: “Олон зуун жил өнгөрсний дараа цагаан царайт булаан эзлэгчид Ява аралд ирнэ. Тэд улс орныг эзлэн авна. Тэд уугуул ард түмнийг дарлан зовоож, дарангуйлна. Дараа нь ‘4 цагаан хааны’ ноёрхол эхэлнэ. Тэдний ноёрхол ч мөн эцэстээ дуусна. Тэднийг хойд зүгээс ирэх шар царайтай, намхан хүмүүс орлон гарч ирнэ. Гэхдээ эрдэнэ шиш ургаж байгаа цагт тэдний эрх мэдэл оршин тогтносоор байх болно. Үүний дараа Индонез улс тусгаар тогтнолоо олж авна.”“Дөрвөн хааны эрин үе” гэдэг нь Индонез улсыг нидерландчууд, францчууд, португалчууд, британичууд ээлжлэн захирсан 400 жилийн эзлэн түрэмгийллийг хэлдэг. 1941 онд Япон тэдний оронд эзлэн түрэмгийлэгч болжээ. Дараа нь 1945 онд АНУ Японы орыг залгасан. Үүний дараа Индонез улс хөгжин цэцэглэнэ гэж Жаяабаяа зөгнөжээ. Гэвч араас нь дэлхийн хамгийн харанхуй эрин ирэх тул тэр үе богинохон үргэлжилнэ гэж анхааруулсан.Хүндэт Хаан хүн төрөлхтөнд хамгийн харанхуй эрин нүүрлэснийг илтгэх хэд хэдэн шинжийг дурдан, үүнийг “Жаман Эдан” буюу “галзуурлын эрин” гэж нэрлэжээ.Тэрээр өөрийн амьдарч байсан цаг үеэсээ хол түрүүлсэн технологийн шинэ бүтээлүүдийг урьдчилан зөгнөж, “морьгүй тэрэг” хэмээн дүрсэлснийг нь олон хүн автомашиныг хэлсэн гэж үздэг. “Нэг өдөр тэнд морьгүй тэрэг бий болно.”Тэрээр мөн Ява арлыг тойрон хүрээлэх “төмөр гогцоо”-г дүрслэн өгүүлсэн нь Ява арлыг тойрсон галт тэрэг болон төмөр замыг хэлсэн бололтой. “Жавагийн арлууд төмөр гогцоогоор хүрээлэгдэх болно.”Түүний зөгнөсөн “тэнгэрт нисдэг завь” нь өнөөгийн нисэх онгоцтой тун төстэй сонсогдож байна. “Тэнгэрт нисдэг завь бий болно.”Тэрээр эдийн засгийн үйл ажиллагаа “хүн олноор цуглардаггүй зах зээл”-д өрнөхийг урьдчилан харсан бөгөөд интернэт ашиглах болсноор энэ нь боломжтой болсон юм. Үнэхээр ч цахим худалдаа улам түгээмэл болж байгаа тул урьд нь хүмүүсээр дүүрэн байдаг байсан олон дэлгүүр, худалдааны газрууд биечлэн үйлчлүүлдэг салбаруудаа хааж байна. “Хүн олноор цуглардаггүй худалдааны газрууд бий болно.”Зөнч бас Индонезид тохиолдох байгалийн гамшиг болон цаг агаарын эрс тэс үзэгдлүүдийг урьдчилан зөгнөсөн бөгөөд эдгээр үзэгдэл нь дэлхийн бусад. улс орнуудад ч мөн тохиолдож байна.Тэрээр гол мөрнүүдийн урсгал зогсоно гэж анхааруулжээ. “Гол мөрний урсгал зогсоно.”Дэлхий даяар гол мөрнүүд ширгэж байна. Урьд нь холын аюул мэт санагдаж байсан зүйл одоо томоохон хямрал болж хувирлаа. Дэлхийн бүх голын сав газрын талаас илүүд усны түвшин хэвийн хэмжээнээс эрс доогуур байгаа нь бүртгэгджээ. Америк тивээс Ази хүртэл, Европоос Африк болон Австрали хүртэлх алдартай гол мөрнүүд бидний нүдэн дээр багасаж байна.Колорадо, Рио-Гранде зэрэг голууд усны хомсдолын бэлгэ тэмдэг болжээ. Учир нь одоо энэ хоёр гол хоёулаа далайд хүрч цутгаж чадахгүй байна. Нэгэн цагт саадгүй хүчтэй урсдаг байсан Миссисипи гол хүртэл усны түвшний түүхэн доод хэмжээнд хүрч, усан онгоцнуудыг гацаж үлдэхэд хүргэн, экспорт саатжээ. Өмнөд Америкт Амазон мөрөн түүхэнд бүртгэгдсэн хамгийн хүнд ган гачигт нэрвэгджээ. Харин Парана мөрний ус татарснаар бүс нутгийн худалдаа бараг зогссон. Бразилаас Аргентин хүртэл хур тунадасны хомсдол, ой модны усталт нь газар нутгийн нийт төрхийг өөрчилж байна.Европ даяар Рейн, По, Дунай мөрний усны түвшин 2022 онд түүхэн доод хэмжээнд хүрч, голын ёроол хатаж, ил гарсан төдийгүй хэдэн зуун жилийн настай өлсгөлөнгийн чулуунууд хүртэл ил гарчээ. Нэгэн цагт элбэг хангалуун байдлын бэлгэ тэмдэг байсан Европын гол мөрнүүд одоо эмзэг байдлын дохио болон хувирчээ. Азид ч мөн Ганга, Хөх мөрөн, Меконг зэрэг гол ижил дүр зургийг харуулж байна: муссоны бороо багасаж, мөсөн голууд хайлан, усны хэрэгцээ нэмэгдэж байна. Африк ч мөн адил бэрхшээлтэй тулгарч байгаа ч, үр дагавар нь бүр ноцтой. Нил, Нигер болон Замбези голууд ихээхэн бэрхшээлтэй тулгарч байна. Тэнд дусал ус бүр энх тайван тогтох уу, мөргөлдөөн гарах уу гэдгийг шийдэж мэднэ.Гэх мэт...Усны хомсдол манай дэлхий болон ирээдүй хойч үеийнхэнд урт хугацаанд хэрхэн нөлөөлөх нь бидний Хамгаас Хайрт Төгс Гэгээрсэн Их Багш Чин Хай (веган)-н хувьд гүнээ санаа зовох асуудал байсаар ирсэн.Хэрвээ хүлэмжийн хийн ялгарал үргэлжилсээр байвал дэлхий бараг бүхэлдээ ган гачигт нэрвэгдэнэ гэж тэд тооцоолж байна. Мөн тэгээд – 2090–2099 оны хооронд ч гэсэн – Арктикийн бүс нутаг хүртэл, миний энд харж байгаагаар, бараг бүхэл бүтэн бүс нутаг бүхэлдээ ган гачигт өртөж эхлэнэ. Мөн дэлхий бараг бүхэлдээ улаан өнгөтэй байна. Амьтан-хүмүүст ус өгөх байтугай хүүхдүүдийн маань хүүхдүүдийн хүүхдүүдэд хангалтай уух ус байх эсэхэд би эргэлзэж байна. Хэрэв бид амьтан-хүний гаралтай бүтээгдэхүүн үйлдвэрлэхтэй холбоотой хүлэмжийн хийн ялгарлыг зогсоохгүй л бол, мөн амьтан-хүний аж ахуйд зарцуулдаг хэт их цэвэр усны хэрэглээгээ зогсоохгүй бол – хүүхдүүдийн маань хүүхдүүдийн хүүхдүүд цангаж үхэх магадлалтай. Энэ үнэхээр аймшигтай юм.Эрхэм Дээдэс Жаяабаяа Хаан байгалийн гамшгаас гадна хүний нийгмийн ёс суртахууны доройтлыг ч мөн зөнгийн үзэгдэлдээ дүрслэн харуулжээ.“Хүмүүс БУРХАНЫ Хуулийг үл дагана....Олон хүмүүс мөнгийг чухалчилна. Тэд өөрсдийн хүнлэг чанараа мартсан. Тэд өөрсдийн хайр энэрлээ мартсан....Хүүхдүүд аавыгаа иддэг болж. Ах нь дүүгээ идэж байна...” ...Хүн хүнээ идэж байна.”Үнэхээр ч мөнгө, эд материалын ашиг хонжоо олох хүсэл шунал олон хүний ухааныг сохолж, гэр бүлүүдийг салган бутаргаж, зарим хүн бүр маргаанаа шүүхэд хүртэл хүргэж байна. Өвчин эмгэг, ажилгүйдэл болон бусад золгүй явдлын улмаас орон сууцны зээл эсвэл бусад өр төлбөрөө төлж чадахаа болих үедээ хүмүүс орон гэрээ алдаж байгаа тухай мэдээг бид олж харж, сонсдог. Энэ бол хүчтэйг нь шагнаж, сул доройг нь шийтгэдэг тогтолцоо. Дэлхийн хүн бүрд хүрэлцэхүйц хоол хүнс байдаг хэдий ч, хуваалцах болон бусдыг халамжлах сэтгэл дутмаг байгаагаас олон хүн өлсгөлөнгийн улмаас амиа алдсан.“Олон хүн хоол хүнсний дэргэд байсаар өлсгөлөнгөөр нас бардаг. Олон хүн баян боловч тэдний амьдрал аз жаргалгүй байдаг.” Эрхэм Дээдэс Жаяабаяа Хааны зөгнөсөнчлөн олон хүн хэдийгээр баян чинээлэг боловч, сэтгэцийн өвчин болон төрөл бүрийн бодисын донтолтоос болж зовж шаналж байна. Тэдний амьдрал зовлонтой хэвээр байна.Бидний Хамгаас Хайртай Төгс Гэгээрсэн Их Багш Чин Хай (веган) Жаяабаяа Хааны зөгнөсөн энэ “галзуурлын эрин”-д тохиолдож буй гамшиг, зовлон зүдгүүрийн үндсэн шалтгааныг тодорхой зааж өгсөн.Өдөр бүр хаа сайгүй гамшиг болж байна. Өдөр бүр та ямар нэгэн суваг, телевизийн суваг эсвэл бүр интернетийн сувгуудыг үзвэл хаа сайгүй ямар нэгэн гамшиг, тэр дундаа урьд өмнө тохиолдож байгаагүй гамшгууд болж байгааг үргэлж харах болно. Хүмүүс амь үрэгдэж, эд хөрөнгө сүйдэж, тариалангийн газар, эсвэл ургац сүйдсээр байна. Хүмүүс улам бүр цөхөрсөөр. Улам олон хүн “хоолондоо цадах” гэдэг нь юу гэсэн утгатайг ч мэдэхгүй болжээ. Өнөөдөр юм идлээ ч маргааш хоолтой байх эсэхээ мэдэхгүй. Өглөө юм идлээ ч орой идэх зүйл байх эсэхийг мэдэхгүй.Энэ бүхэн бидний оршин тогтнох үндэс, орчлон ертөнцийн амьдралын суурь болсон ХАЙРЫН мөн чанарыг устгаж буйгаас болж байна. Тэр нь, өөртөө яаж хандуулмаар байна бусдад тэгж хандахыг хэлнэ.Эрхэм Дээдэс Жаяабаяа Хааны зөгнөсөн сэтгэл түгшээсэн үйл явдлууд нь зөвхөн ‘галзуурлын эрин үе’-ийн шинж тэмдэг төдийгүй, шинэ эрин үе ойртож буйн шинж тэмдэг юм.“Эдгээр нь Жаяабаяа эрин үе ирж буйн дохио тэмдгүүд юм”“Жаяа” гэдэг үг нь алдар суу харин “Баяа” гэдэг үг нь аюул гэсэн утгатай. Иймээс Жаяабаяа-гийн эрин үе гэдэг нь харанхуй эриний дараах Алтан үе гэсэн үг. Эрхэм Дээдэс Жаяабаяа Хаан Дэлхийг дараагийн үе шатанд шилжихэд нь туслахаар нэгэн Тэнгэрлэг Оршихуй залран ирэхийг урьдчилан харжээ. Тэрээр энэ Оршихуйг Рату Адил буюу Шударга ёсны Хатан Хаан хэмээн нэрлэсэн. Бид энэ сэдвийг дараагийн дугаарт үргэлжлүүлэн судална.“Чандрасенгкала жилд ‘Гэгээнтэн Дэлхий дээр Буун Залрах болно,’ шинэ санааг хүлээн авахад нээлттэй Жава ард түмэн ерөөл, адислал хайрлагч БУРХАНЫ газар дээрх хувилгаан дүр болон мэндэлсэн Аврагч, Шударга Ёсны Хатан Хааны бэлэглэсэн ХАЙРЫН ШАШИН болон Мэдлэгийг эрэлхийлэн, дагаж байна.”
