Хамаг төрөлтөн бүгдээрээ Веган Адислалын Хүч-ийг хүлээн авч, яг одоо веган болно гэж найдаж байна.

Тайвань буюу Формоса-гаас Хао-Ян-ий мандарин хятад хэлээр ирүүлсэн сэтгэлийн үгийг олон хэлний хадмал орчуулгатайгаар одоо хүргэе.

Эрхэм Их Багш аа, сайн байна уу! 2026 оны дөрөвдүгээр сард Тайвань буюу Формоса- д веган парад болсон. Тэр арга хэмжээ болохоос 2 хоногийн өмнө бие махбодод минь нэг л өөр мэдрэмж төрсөн ч, юунаас болсныг нь ойлгохгүй байлаа. Яг л ямар нэгэн энергиэр цохигдсон мэт тэнцвэрээ хадгалж чадахгүй, бие тавгүйрхэж байв. Тэр орой биеийн тавгүй байдлаа намжаахын тулд Арьяабалын бясалгал хийхийг хүссэн. Гэтэл бясалгал эхлээд удаагүй байхад асар хүчтэй энерги бүхэл оршихуйг минь бүрхэж, би ухаан алдсан. Ухаан ороход аль хэдийн шөнө дунд болсон байв. Олон асуултад автсан би дотоод БУРХАНААС чин сэтгэлээсээ асуув. “Веган Адислалын Хүч” бууж ирсэн нь тодорхой болсон бөгөөд Веган Адислалын энерги нь дэлхий даяар хуваалцахад хүрэлцэхүйц асар хүчтэй байсан ажээ.

Би нэн даруй хичээнгүй хэдэн авшигтан нөхдөд зурвас илгээж, БУРХАН-ы “Веган Адислалын Хүч”-ийг хүртэж, хуваалцахыг бүгдэд нь хэлсэн. Би Адислалын Ивээлийг хүртэхээр даруй сууж, БУРХАН-ы Веган Адислалын энергийг бүх хүн төрөлхтөнд түгээгдээсэй хэмээн залбирлаа. Агшин зуур тэрхүү энерги дотоод сүлжээгээр дамжсан. Энэ хүчирхэг энергийн нөлөөгөөр бүх шугам гэрэлтэж эхлэв. Гэрлийн шугамууд улам тодорч, дамжуулах сүлжээ улам нягтарлаа. Гэрэлт шугамуудаар нягт бүрхэгдсэн Дэлхий бүхэлдээ гялалзсан гараг мэт байв. Асар их Веган Адислалын Хүчийг түгээсний дараа миний бие ч аажмаар тэнцвэрт байдалдаа эргэн орсон. Би сэтгэл гүнээ хөдөлж, энгүй их талархлаар дүүрсэн. Ийм гайхамшигтай байдлаар дэлхийд үйлчлэх боломж олдсонд, мөн БУРХАН-ы Ивээл, Адислалд талархаж байна. Арьяабалын бясалгалыг дадуулахад хөтөлсөн Их Багшийн Удирдамжид бүр ч их талархнам.

Би ийн сонсож байсан. Их Багш нэгэн лекцдээ “БУРХАН-ы эцэс төгсгөлгүй, тасралтгүй урсах Адислал”-ын тухай дурдсан. Өнөөдөр би үүнийг өөрийн биеэр гэрчлэх боломжтой болсон. Би гүнээ талархаж байна; энэ мөн миний амьдралын хамгийн нандин мөч байлаа. Миний зурвасыг хүлээн авч, тэр үед бясалгасан авшигтан нөхөд асар их “Веган Адислалын Хүч”-ийг хамтдаа нүдээр үзэж, хүртсэн юм. Энэ хорвоо Веган Дэлхий болох сайхан зорилгодоо аль болох хурдан хүрэх болтугай хэмээн чин сэтгэлээсээ хүсэж байна. Их Багшийн болон Хайрт БУРХАН (Цаглашгүй Хүчирхэг Нэгдсэн Гурвал)-ын хамгийн төгс зэмсэг болохыг зүрх сэтгэлээсээ чин үнэнээр залбирч байна. Алгаа хавсран, хүндэтгэлтэйгээр мэхийн ёсолсон, Хао-Ян, Тайвань (Формоса)-аас

Зөн совинт Хао-Ян, Веган Адислалын Хүчийг мэдэрсэн туршлагаа хуваалцсанд баярлалаа! Дэлхий нийт удахгүй веган болохын төлөө бид залбирч байна! Их Багшийн найдвар дүүрэн хариу:

“Сэрж ухаарсан Хао-Ян, гэрэлт веган ирээдүйн замыг нээхийн тулд бидний Хайрт МАПА энэ өдрүүдэд Дэлхий болон түүн дээрх хамаг төрөлтнийг асар ихээр адислаж байна. Та үүнийг мэдэрч, энэ Адислалын зэмсэг болох хүсэлтэй байгаа нь сайн хэрэг. Веган хооллолтыг баримтлах нь нэн чухал. Учир нь амьтан-хүмүүсийн махыг иддэг энерги БУРХАН-ы Хайр, Энэрэлтэй бүрэн зөрчилдөж, бидний бие болон оюун санаа БУРХАН-ы Энергийг хүлээн авахад саад болдог. Хамаг төрөлтөн бүгдээрээ Веган Адислалын Хүч-ийг хүлээн авч, яг одоо веган болно гэж найдаж байна. Та болон Тайвань (Формоса)-ийн үнэнч ард түмэн амьдралдаа үүнийг хэрэгжүүлж, БУРХАН-ы Ариун Тааллыг хүлээн авч, түүнтэй зохицон амьдрах жаргалыг эдлэх болтугай. Миний Хайр таныг дэмжиж, хүч өгөхийн тулд ямагт хамт байдаг!”