Амьдрал эмзэг, нандин бөгөөд бид яарсан хэмнэл дунд эргэн тойронд маань чимээгүйхэн өрнөж байдаг жижигхэн гайхамшгуудыг ихэвчлэн анзааралгүй өнгөрөөж байдаг.

Өмнөд Солонгосоос Саебом-ын солонгос хэл дээр ирүүлсэн сэтгэлийн үгийг олон хэлний хадмал орчуулгатайгаар одоо хүргэе:

Хамгаас Хүндэт, Хайрт Их Багш болон гэгээрлийн мессежийг байнга хүргэдэг Суприм Мастер ТВ-ийн багийн бүх гишүүнд гүн гүнзгий хайр, талархлаа илэрхийлье. Хэдэн жилийн өмнө надад тохиолдсон ер бусын, гайхалтай туршлагыг өнөөдөр би эргэн дурсаж, миний амьдралыг үл үзэгдэх гараараа удирдаж буй БУРХАНЫ Хайранд талархлаа илэрхийлэхээр бичиж байна.

Тэр үед би найзынхаа хамт дүүргийн захиргааны байранд очихдоо дөрвөн шаттай хэсгийг тэгш газар гэж андуураад, урагшаа нэг том алхчихсан юм. Энэ бол ноцтой осолд хүргэж болзошгүй аюултай хором байсан, гэвч яг тэр агшинд би итгэмээргүй зүйлийг мэдэрсэн. Бие минь агаарт хөвж байгаа мэт, өд шиг хөнгөн санагдаж, тэгээд удалгүй газарт зөөлөн буусан. Хажууд зогсож байсан найз маань намайг хүнд гэмтчих вий гэж айж, санаа зовсондоо хашгирсан. Гэвч би бие болон сэтгэлээрээ маш тайван байсан тул “Дөнгөж сая би нислээ.” гэж хүртэл хэлж чадсан. Биеийн минь аль ч хэсэгт ямар ч гэмтэл байгаагүйгээс гадна, тэр мөчид намайг хамгаалсан Их Багшийн Ивээлийг би бас хүчтэйгээр мэдэрсэн.

Тэр өдөр би сэтгэлийнхээ гүнээс, гүн их сэтгэл хөдлөлөөр ― “Их Багш аа, баярлалаа!” хэмээн хашхирч байсан тэр өдрийн дурсамж ― өнөөдрийг хүртэл миний амьдралын хүч чадлын гүнзгий эх сурвалж хэвээр байна. Ариун Гурвалтай Нэг болсон Бүхнээс Агуу БУРХАН болон Их Багшийн хязгааргүй Хайранд талархал илэрхийлэн би дахин толгой мэхийн ёсолж байна. Тэр Хайрыг би хэзээ ч мартахгүйгээр, үүрд-сэрсэн сэтгэлээр амьдрана. Дэлхийд үргэлж Гэрэл авчирч байгаа, үргэлж цуцашгүй хүчин чармайлт гаргадаг Суприм Мастер ТВ-ийн багийн бүх гишүүнд мөн гүн хүндэтгэл, талархлаа илэрхийлье. Хайр, талархлын хамт, Саебом, Өмнөд Солонгос улсаас

Талархалтай Саебом, Таны түүх бол Их Багшийн үүрд-оршдог Ивээлийн сэтгэл хөдөлгөм нотолгоо юм. БУРХАНЫ шавь нарын хувьд, Бурхан биднийг тоо томшгүй олон хэлбэрээр чиглүүлдэг гэдгийг бидэнд байнга сануулдаг. Бид бодол санаа, үг хэл, үйлдлээ анзааран, ухамсарласнаар энэхүү ариун удирдамжийг танин ухаарч эхэлдэг. Та болон Өмнөд Солонгосын цэлмэг тэнгэр баяр баяслаар гэрэлтэх болтугай, Суприм Мастер ТВ-ийн хамт олон

Жич. Их Багш халуун дулаан захиас танд хүргэж байна: “Аз жаргалтай Саебом, таныг Аръяабалын бясалгалын Зам дээрээ тогтвортой бөгөөд ахиж байгааг мэдээд баяртай байна. Таны үгэнд тусгалаа олсон хайранд тань баярлалаа. Амьдрал эмзэг, нандин бөгөөд бид яарсан хэмнэл дунд эргэн тойронд маань чимээгүйхэн өрнөж байдаг жижигхэн гайхамшгуудыг ихэвчлэн анзааралгүй өнгөрөөж байдаг. Энэ гараг дээр байгаа үнэт цагаа ашиглан Арьяабалын бясалгалыг чин сэтгэлээсээ дадуулахад өөрийгөө зориулаарай. Танд болон Өмнөд Солонгосын зон олонд нигүүлсэл, энх тайвнаар бялхсан амьдралыг хүсэн ерөөе. Танд том тэврэлт, бүх хайраа илгээе.”