Seeing that Master Was the Venerated Prophet Huỳnh Phú Sổ, Founder of Hòa Hảo Buddhism

Одоо бид Индонезийн Бали дахь Видягаас сэтгэгдлийг хүргэж байна.

Эрхэм Их Багш аа, 2002 онд авшиг авсныхаа дараа би амьдралынхаа хамгийн том бэлгийг авсан гэдгээ мэдэрсэн. Би Арьяабалын аргыг дадуулах нь амьдралын цорын ганц арга зам гэдгийг ойлгосон бөгөөд үүнээс хойш Их Багшийг дагах нь шилдэг сонголт гэдгийг ойлгосон.

Багш аа, саяхан Таны Эрхэм Хуин Фу Сөгийн тухай хэлсэн лекцийг үзээд би олон жилийн өмнө хувийн дэвтэртээ бичиж үлдээсэн өөрийн дотоодын ахуй ойлголтоо эргэн санав. Тэр дотоод ахуй ойлголтод би болон бусад хэд хэдэн шавь Багшийн өмнө сууж байсан. Тэгээд Багш биднээс “Намайг хэн гэдэг вэ?” гэж асуув. Би шууд л “Хатагтай Фу Со” гэж хариулав. Дараа нь Багш ичингүйрэн инээмсэглээд, толгой дохин, "Баярлалаа" гэж хэллээ. Тэр үед би Багш яагаад ийм нэртэй болсныг ойлгоогүй, энэ талаар юу ч мэдэхгүй. Гэвч энэ нэр нь Төгс Нэгэн гэсэн утгатай гэдгийг зүрх сэтгэл минь надад хэлсэн. Багш нь урьд насандаа Хүндэт Хуин Фу Сө байсан бөгөөд нэрийн өмнөх "Хатагтай" нь одоогийн эмэгтэй Их Багшийг илтгэж байгааг одоо би ойлгож байна.

Багш аа, танд эрүүл энх, аз жаргал, аюулгүй байдал ерөөн эрхэм зорилгоо биелүүлэхэд Тань амжилт хүсье. Дээдийн Ном төгсөх үед энэ ертөнцөд ирж, тоо томшгүй олон төрөлтнийг аварсанд маш их баярлалаа. Та бол Төгс Дээд Нэгэн билээ. Тандаа хайртай Индонезийн Балигаас, Видя

Зөн совинтой Видя аа, Хайрт Багшийн маань одоо болон өнгөрсөн үеийн хувилгаан дүрүүдэд илчлэгдсэн хэмжээлшгүй их хүч чадал, Хайр, шийдэмгий байдал, тэсвэр хатуужилд бид баярлаж, биширч байна. Их Багшаас танд өгөх нандин хариултыг одоо хүргэе.

“Эрхэм ариун Видя, үнэнч, туйлбартай байж гэгээрэлдээ ахиц, дэвшил гаргаж байгаад нь баярлалаа. Таны дотоодын ахуй ойлголт сүнс хэрхэн Бурханы нэгдмэл, бүхнийг мэддэг, бүхнийг хардаг, бие махбод болон оюун ухаанд агуулагддагийг маш сайн дүрсэлжээ. Тийм ч учраас сүнсийг чөлөөлөхийн тулд сүнслэг дадлага үргэлж маш чухал байсаар ирсэн. Олон гэгээрсэн Их Багш нар Хоа Хао Буддизмыг үндэслэгч, Хүндэт Бошиглогч Хуин Фу Сө зэрэг олон гэгээрсэн Их Багш нар бүх л төрөлтнүүдийг гэтэлгэхийн тулд өөр өөр хэлбэрээр төрөл аван сургаалаа айлдсаар ирсэн. Буддагийн гэгээрэл ба Будда болох замналд зориулсан олон төрлийг Жатакад (Түүний өмнөх хувилгаан дүрүүдийн түүх) тэмдэглэсэн байдаг. Дээдийн Ном төгсөх энэ эрин үед хүмүүс яг одоо сэрж сэхээрэн Бурханыг болон бүх л Будда нарыг санах хэрэгтэй. Та болон найрсаг Индонезийн ард түмэн Диваажингийн Гэрэлд өндөрт дэвших болтугай. Үүрд мөнх хайртай шүү."