Дэлгэрэнгүй
Татаж авах Docx
Дэлгэрэнгүй уншаарай
Хаана явж байлаа? Санаж байгаагаа л та нарт хэлье. Дараалалгүй байж мэднэ шүү.Ихэнх Их Багш нар бясалгаж суухдаа, эсвэл Тэрээр өөрийн шавь нартаа бүтэн бадамлянхуа завилж суу гэж хэлдгийг та нар мэднэ, хоёр хөлөө солбиод хөлийнхөө улыг бүхэлд нь тэнгэр өөд харуулна гэсэн үг. Хоёр хөлийн ул хоёулаа дээш хардаг. Энэ нь сайн. Энэ нь та нарт өөрийгөө удирдах хүчийг өгдөг биеийн байршил. Маш олон талаар өөрийгөө удирдах байршил, гэхдээ бүх талаар биш. Та нарын удирдаж чадахгүй бусад олон талууд бий, жишээ нь сэтгэл хөдлөл, уур хилэн, эгэл ертөнцийн юмс хүсэх хүсэл; хүсэж тэмүүлэх шаардлагагүй - зүгээр л бие махбод, оюун тархиа ашиглаад ажиллаж амьжиргаагаа залгуул. Гэвч хэрэв бүрэн завилж суусан энэ байрлал дээрээ нэмээд гарын байрлал авбал өөр нэг хүчийг олдог.Та нарын энэ ертөнцөд хэдийнээ харсан зүйлсийг л би хэлэх боломжтой. Нууцыг нь л тайлбарлалаа. Бусад нь, бусад үй олныг би хэлж болохгүй, яагаад гэвэл ариун бус үедээ та нар хийх гэж оролдвол хөнөөлтэй байж мэднэ. Бурхан зөвшөөрдөггүй, бусад бүх Бурхад, Диваажингууд үүнийг хамгаалж, ариун бус хүн ашиглахыг хориглодог. Энэ бүхнийг мэдэх нь үнэхээр сайн ч гэлээ, би өдийг хүртэл бүгдийг нь ашиглаагүй л байна. Энэ нөхцөлд өөртөө нэмэр болохын тулд би нэгийг нь юм уу хэд хэдийг ашиглах ёстой болох байх, гэвч дэлхийн үйлийн үр тийм боломж олгох эсэхийг мэдэхгүй.Тэгэхээр санаа зоволтгүй. Бид төрсөн бол хэзээ нэгэн өдөр үхэх л болно. Хэрэв хэн нэгэн нь хүний төрөл авсан байгаад Бурхан, эсвэл Будда нар түүнийг хүн төрөлхтөн болон дэлхий дээрх бусад төрөлтний багшаар томилсон бол амьтан-хүмүүс, мод ургамал, чулуу хүртэл тэр хүнийг сонсож байдаг юм. Хэрэв тэр хүн, бие махбодтой амьд сэрүүн байгаа бол тэрхүү биет ертөнцийн төрөлтнүүдтэй илүү холбоотой байж, тэднийг илүү үр дүнтэй шууд зааж сургаж чадна гэсэн үг. Ийм л юм. Түүнээс биш амьдрал, үхэл гэдэг энэ биет ертөнцөд зайлж зугтах аргагүй зүйл шүү дээ.Харамсалтай. Энэ талаар хэнд ч зааж болохгүй нь үнэхээр харамсалтай. Нэг удаа би туршиж үзсэн. Энэ бие махбодын мэдээллийн байршлыг тухайн үед маш ойрхон болсон байсан нэг хүнд уламжлах гэж байв. Тэр хүн хүлээн авч чадна гэж бодсон. Ядаж нэг хүнд туршиж үзэх гээд. Гэтэл үгүй. Нэг зүйл болж, тамын юм болсон. Тиймээс тэр хүн сонгогдсон нэгэн байх боломжгүй, ганц нууц биеийн байрлалыг, ганц мэдээллийг хүртэл уламжлан авах боломжгүй.Би бас мэдэж байгаа маш олон зүйлээ өвлүүлж үлдээхийн тулд, эсвэл ямар нэг байдлаар хүмүүст туслахын тулд хэлж чадахгүй байгаадаа маш их гэмшиж цөхөрдөг. Би Бурхад болон бүх Гэгээнтэн Мэргэдийн Ивээлээс үүдсэн даруу Хүчээрээ чадах бүхнээ хийлээ.Би “Гэгээнтэн Мэргэд” гэсэн бол мөн Будда нарыг ч дурдсан гэсэн үг юм шүү. Өөр өөр нэршлүүд байдаг. Харин “Будда нар” гэдэг нь англи хэл дээр мөн Гэгээнтэн Мэргэд гэсэн утгыг агуулна.Олон хүн үг хэллэгээс болоод маргаад байдаг нь тун төвөгтэй. Тэгэхээр энэ нь бас зөвхөн “Бурхан,” зөвхөн “Будда” ч гэсэн утгатай. Будда 2000-аад жилийн өмнө, хэдэн зууны өмнө, мөн Есүс (Эзэн) ч хэдийнээ одсон хэдий ч бусад бүх хүн “сайн биш”, бусад нь бүгд “тэрс үзэлтэн” гэдэг. Би зүгээр л энэ бүх хүмүүсийн эмх замбараагүй байдал, маргаан, шүүмжлэлийг хараад толгой сэгсэрдэг. Би чадахаараа л хичээлээ. Өөр яалтай билээ?Олон хүн мунхаг байна. Мөн тэд өөрсдийгөө бүхнийг мэддэг гэж боддог. Гэтэл тэдэнд хумсын чинээ ч (зохистой) мэдээлэл мэдлэг байхгүй. Би бас тэднийг өрөвдөж байна. Учир нь тэд юу хэлж байгаагаа мэдэхгүй байгаа. Тэд юу хийж байгаагаа мэдэхгүй. Мөн тэд жинхэнэ, цэвэр ариун бясалгагчдыг муулж, Тэнгэр, Газрыг болон бүх Будда нарыг доромжилж байна. Энэ эмх замбараагүй ертөнцөд бууж ирэн, аливаа төрөлтнийг энэхүү зовлонгийн орноос аварч, жаргалангийн дээд Диваажинд урт удаан, мөнхөд амьдрах, эсвэл хураасан буянаараа хаана байгаагаасаа шалтгаалан Будда болох боломжийг олгодог Диваажингаас томилогдсон Гэгээнтнүүд, Будда нарыг яадгийг ярих ч юм биш.Эдгээр хүмүүс тэднийг юу хүлээж байгааг мэддэггүй нь маш харамсалтай. Тэгсэн хэдий ч би тэдэнд туслан, аврахыг хичээсээр л байна. Энэ мөн Бурханы Өршөөл Нигүүлсэл, Будда, Их Багш, Бодисадва нарын Өршөөлөөс хамаарна. Би ганцаараа биш шүү дээ. Би зүгээр л нэг багаж. Мэдээж би чадах бүхнээ хийж, чадах бүхнээ золиослон, ямар ч нөхцөлд амьдарч, дэлхийн үйлийн үрд саад учруулдаг хийж байгаа бүхнийхээ үйлийн үрээр би бүх эрсдэлийг үүрдэг.Хэрэв хэн ч танд хэзээ ч хэлэхгүй, зөв зүйл заахгүй, эсвэл тэр хүн танд зөв зүйл хэлж байна уу, зөв шүтээнүүдэд мөргөж байна уу гэдэгт эргэлзэж байвал Бодисадва, Будда, бүх Их Багш нарт, Оройн Дээд Бурханд чин сэтгэлээсээ залбираарай. Тэгвэл та хамгаалагдаж, сүнсийг тань энэ ертөнцийн хүлээснээс чөлөөлж чадах жинхэнэ Их Багшаар дамжуулан гарал үүслээ санахад хөтлөгдөх болно.Би эдгээр нууцын талаар өөрийн мэддэг бүхнийг биечлэн харуулж чадахгүй ч гэсэн Будда яагаад хүмүүний бие тийм нандин, олж төрөх нь ховор гэж хэлснийг та нар одоо ядаж мэдэж авлаа. Бид Диваажинд байхад, доогуур Диваажинд байхад бясалгал хийх амаргүй гэсэн байдаг. Миний бодлоор Диваажинд бидний бие махбод дотор байдаг энэ физик адислал байдаггүй учраас тэр байх. Бие махбод энэ төхөөрөмжөөс, үл үзэгдэх төхөөрөмжөөс илүү зуурах боломжтой, хүний биеийн энэ бие махбодод адислал нуугдсан байдаг гэсэн үг. Диваажинд Асурын Диваажингаас дээшээ Брахмагийн Гуравдугаар Диваажин хүртэл энэхүү бие махбодын дотоодод байдаг өвлөн авсан хүч байдаггүй.Магадгүй тийм учраас Библи-д Бурхан хүнийг, хүмүүсийг, - дандаа л “man” (эрэгтэй хүн) гэх юм, хүмүүсийг Өөрийнхөө төрхөөр бүтээсэн гэдэг. Бурханы төрх ямар байдгийг бид төсөөлөх аргагүй. Гэвч Бурханд энэ бүх Хүч, Бурханы Оршихуйд энэ бүх бүтээгч Хүч бий. Бурхан хүмүүсийг ийм төрхтэй бүтээсэн гэдэг бол бид бас Бурханы Хүчийг тодорхой хэмжээнд өвлөн авсан гэсэн үг – магадгүй бага ч гэлээ маш хүчтэй, асар хүчтэй. Магадгүй энэ шалтгааны улмаас сахиусан тэнгэрүүд хүртэл хүмүүс бидэнд атаархдаг байх. Тиймээс тэд Бурханд биднийг тийм ч сүртэй биш гэж ятгахыг чадлаараа хичээж, хүмүүсийг туршиж, төрөл бүрийн шалгуур сорилтыг туулуулж, хүмүүсийн чадвар, оюун ухаан, билиг ухаан гээд төрөл бүрийн чадварыг шүүж байдаг байх.
