Those Who Diligently Practice the Quan Yin Method Will Always Find the Way Back to Their Eternal Home

Одоо Хятадаас Чион-Хуигийн илгээсэн сэтгэгдлийг хүргэе:

Сайн байна уу, Хүндэт, Хайрт Их Багш аа? Надаас болон манай гэр бүлээс хайрын хамт! Миний ээж авшиг хүртээд 30 жил болж буй эртний авшигтан юм. Тэрээр сүнслэг замдаа тууштай байсан бөгөөд Их Багшийг чин сэтгэлээсээ дагаж өдөр бүр хайрын хичээлийг дадуулдаг байв. Өнгөрсөн оны эхээр ээжийн бие муудаж эхэлсэн. Тэрээр надад Их Багшийг Гэрт хүргэж өгөхийг зүрх сэтгэлдээ гуйсан гэж хэлсэн. Түүнийг явах тал дээр би маш дургүй байсан ч ээжийнхээ Дэлхий дээрх үүрэг даалгавар, сургалт нь дуусах гэж байгааг би тайвнаар хүлээн зөвшөөрч, түүнтэй хамт өдөр бүр Ариун Нэрсийг уншиж, бас бясалгаж, явах өдрийг нь чимээгүйхэн хүлээж байлаа.

Ээжийг минь өөд болсон өдөр Нар жаргах нь үзэсгэлэнтэй, Сар тунгалаг, гэрэлтэй байв. Ээж минь чимээгүйхэн алгаа хавсарч, амар амгалан, сайхан харагдаж байлаа. Би ээжийг минь Адислаж, ивээл тааллаа үзүүлсэн Их Багшдаа зүрхнийхээ угаас маш их талархаж байна. Өдөр бүр хэдэн арван мянган удаа “баярлалаа, Багш аа” гэж хэлэх хүртэл миний талархлыг илэрхийлж, намайг болон гэр бүлийг минь халамжилж буй Таны тааллын арван мянганы нэгийг хариулахад хангалтгүй юм.

Миний хийж чадах зүйл бол сүнслэгээр илүү хичээнгүйлэн бясалгах явдал юм. Их Багш үүрд эрүүл энх, залуу байх болтугай. Веган Дэлхий, Энхтайван Дэлхий, болон Газар дээрх Диваажин удахгүй биеллээ олох болтугай. Үүний зэрэгцээ би хальсныхаа дараа ээжтэйгээ дээд ертөнцөд дахин нэгдэж, үүрд хамтдаа бясалгах боломжтой байхын тулд Бурханы үргэлжилсэн Адислал, сүнслэг ахиц дэвшил надад хайрласанд Түүнд талархаж байна. Бурхан бүх зүйлийг харж харгалзаж буйд баярлалаа. Эх дэлхийг Энэрэл, Хайраараа адисласанд Их Багшдаа баярлалаа! Хүндэтгэсэн, Чион-Хуи, Хятадаас

Чин сэтгэлт Чион-Хуи, Жинхэнэ шавьтай болоход хэцүү байдаг бөгөөд таны ээж бол ийм тод жишээ юм. Түүний сүнс амар амгалан байг.

Их Багш халуун Хайраа илгээсэн тул аз жаргалтай байгаарай: “Нийцтэй Чион-Хуи, хамгийн хайртай ээжийгээ алдсанд гүн эмгэнэл илэрхийлье. Та ч бас түүний замнасан буянтай амьдралын замыг дагаж байгаа гэдэгт итгэлтэй байна. Арьяабалын Бясалгалын Аргаар хичээнгүйлэн бясалгадаг хүмүүс мөнхийн Гэр лүүгээ буцах замыг үргэлж олох болно гэдэгт итгэлтэй байгаарай. Буддагийн гайхамшигт сургаал таны зүрх сэтгэлийг болон Хятадын эрч хүчтэй ард түмнийг хайр, билиг ухаан, мөнхийн аз жаргалаар гэрэлтүүлэх болтугай.”