2021 оны 6-р сарын 6-ны Ням гарагт бидний Хамгаас Хайрт Төгс Гэгээрсэн Их Багш Чин Хай даяан бясалгалынхаа цагаас өгөөмрөөр зориулан Суприм Мастер Телевизийн багийнхантай сүүлийн үед санваартнууд хүүхэд хүчирхийлсэн хэргээр ар араасаа дуудагдсаар байгаа энэ үед дэлхийн Христийн хуврагуудын асуудлаар нааштай өөрчлөлтүүд гарсан тухай ярилцлаа.
Би мэдээнээс үүнийг уншлаа. Одоо бага зэрэг сайжирч байна. Тэгэхээр би өчигдөр бас уржигдар Английн Сүмийн тэргүүн Хүндэт Уэлби (За, Багш аа.) Английн Сүмээс үйлдэгдсэн хүчирхийллийн зарим хохирогчдоос уучлал гуйсан. (Өө, хөөх.) Магадгүй та нар үзсэн байх. Үзсэн хүн байна уу? Та нар харав уу? (Тийм ээ, Багш аа.) Сайн байна. Сайн байна.
Тэгээд бас Германы Католик Сүмийн тэргүүн албан тушаалаа өгөхийг хүсэн Пап ламд захидал илгээжээ. (Тийм ээ.) Учир нь тэрээр болсон явдлыг зөвтгөж байгаа аятай чимээгүй байж, юу ч хийгээгүйдээ дэндүү ичиж буруутай юм шиг санагдсан учраас тэр. Мөн тэрээр сүмийн хүлээх ёстой хүндлэл болон сүмийн нэр төрийг хамгаалахыг хичээж байснаас болоод энэ асуудлыг үл хайхарч байсан ба, хамтын буруутан болсон мэт мэдэрч байгаагаа ухаарсан аж. (Тийм ээ, Багш аа.) Та нарын зарим нь үүнийг уншсан байх. (Тийм ээ.)
(Original Language in German Cardinal Marx: Миний хувьд гол нь сүмд, сүмийн орон зайд, тайтгарал авах ёстой итгэл найдвар өгөх, өөрөө итгэх итгэл олох тийм орон зайд болсон зүйлийн төлөө хамтын хариуцлага хүлээж байна. Гол санаа нь олон нийтэд үйлчлэгч албан тушаалтны хувь хүний нэгэн алдааны тухай юм. Гэвч албан тушаалтныг засаж залруулах төдий хангалтгүй. Ингэх нь зайлшгүй шаардлагатай бөгөөд бусад хамба лам нарт, мөн бидэнд, байгууллын хариуцлагын хувьд ч, тухайн байгууллагын хариуцлагын хувьд ч хамаатай юм. Христийн шашинтнуудын хувьд шинэ эрин үе ирнэ гэдэгт би бат итгэж байна. Надад эргэлзээ алга. Гэвч энэ нь зөвхөн Сүм өөрөө шинэчлэгдэж, мөн энэ хямралаас суралцсан үед л биелэх юм уу дээрдэх болно. Энэ нийгэмд номлогчийн дуу хоолой хэрэгтэй хэдий ч бас Сүм өөрөө үргэлж шинэчлэгдэж, бас хичээсээр байх хэрэгтэй...)
Бидний зүтгэл үнэхээр үр өгөөж өгчээ. Миний хүссэн хэмжээнд биш ч тодорхой хэмжээнд нөлөөлсөн. Ямар нэг хэмжээнд өдөөж өглөө. (За. Багш аа.)
Английн Сүм бол маш том. Ватикантай бараг дүйцнэ. (Тийм ээ, Багш аа.) Католик юм уу аль нэгд нь харьяалагддаггүй. Дангаараа бие даасан тусгаар байдаг.
Тэгэхээр хоёр томоохон сүмийн тэргүүнүүд уучлал гуйлаа. Мөн энэ ичгэвтэр асар их, маш их хүчирхийллээс болж Их Лам сэнтийгээсээ буухыг хүслээ. (Тийм ээ, Багш аа.) Ганц хоёрхон улс л энэ талаар мэдээлсэн. Бусад олон улс оронд мэдээлээгүй нь ийм зүйл болоогүй гэсэн үг биш. (Тийм ээ, Багш аа.) Энэ бол Эзэний орон гэрт шүглэсэн чөтгөрөөс өөрцгүй зүйл юм. Тэд ямар нэг юм хийж байна. Ядаж л тэд тодорхой хэмжээнд ичиж байгаагаа харуулж, ямар нэг зохистой зүйлийг хийж, чадах зүйлээ хийх ёстой гэдгийг ядаж хүлээн зөвшөөрч байна. Гэхдээ дэндүү бага, хэтэрхий орой. Тэрээр бүр сүм “мухардалд орлоо” гэсэн, итгэж байна уу? (Хөөх.)
Герман хүмүүс тойруулж булзааруулдаггүй учраас энэ. Тэд хэлэх зүйлээ шуудхан хэлдэг. Иймээс Католик Сүм хамтын хариуцлага болон гэм буруутай, түүнчлэн сүм “мухардалд орлоо” хэмээн тэрээр Пап руу бичсэн байна. Олон нийтэд энэ бүхэн яаж ил болсон юм бол гэж би гайхаж байна. Магадгүй тэр үүнийг сошиал медиад тавьсан юм уу эсвэл зөвхөн Пап руу ганцхан илгээгээгүй байх.
Түүний нэрийг Их Лам Рейнхард (Маркс) гэдэг бөгөөд Английн Сүмийн тэргүүн Хамба нь (Жастим) Уэлби юм. Хүчирхийлүүлсэн хохирогчдоос тэр уучлал гуйсан.
Зөвхөн уучлал гуйх нь ямар хэрэгтэй гэж? Тэд энэ бүх хугацаанд үүнийг тэтгэж, үл хайхарч зөвтгөн, дуугүй байж, эсвэл... Дуугүй байна гэдэг бол үүнийг бараг зөвшөөрсөн гэсэн үг. (Тийм ээ, Багш аа.) Тэд цөөн их ламтай, цөөн санваартантай бол хүч нөлөө багатай. Үүнээсээ л болсон хэрэг. Тийм болохоор тэд энэ бүхэнтэй зууралдан сүмийнхээ нэр төрийг хамгаалж тийм байдалд дахин дахин орж маш их айж түгшсэн сул дорой, жаахан хүүхдүүдийн зовлон шаналлыг тэд үл хайхарсан. Энэ нь ганц хоёрхон удаа биш. Хэдэн удаа гэдэг нь хамаагүй. Энэ бол ой гутам (Тийм ээ, Багш аа.) бузар зүйл, бузар зүйл.
Тэд ердөө л жаахан хүүхдүүд, зарим нь 13-тай ч юм уу бүр тийм жаахан! Бурхан минь гэж, яаж ийм бузар байдаг юм! Энэ олон арван жилд сүм оршсоор, ийм бузар муу зүйлийг Эзний орон гэрт бугшуулсаар л байсан байна. Байж боломгүй явдал! (Тийм ээ, Багш аа.) Хүүхдүүдийг хохирогч болгоход хялбар болохоор тэд хүүхдийг хүчирхийлдэг. Яг л араатан шиг, тэд сул дорой, даруухан, өөрийгөө хамгаалах чадваргүй, гэм зэмгүй нэгнийг хүчиндэж байна. Хүүхдүүд гэртээ хариад ямар нэг юм болсныг эцэг эхдээ хэллээ ч тэд нь итгэлгүй хүүхдээ шийтгэх юм уу эсвэл тэд юу ч хэлэхгүй.
Эсвэл тэд (санваартнууд) хүүхдүүдийг дуугүй байлгаж, (Тийм ээ, Багш аа.) эсвэл бүр асрамжийн газрын хөвгүүдийг хүчирхийлдэг. Ээ! Яаж ийм муухай байна вэ, Бурхан минь! Үүнийг Бурханы Сүм, Христийн Сүм, Католикийн Сүм гэхчлэн энэ бүх ариун нэрсээр нэрлэдэг. Яаж доройтохоороо адгийн ёроолд унадаг байна аа! (Тийм ээ.) Энэ бол аймшигтай, бас өсөн дээшилж, хөгжин бизнес хийж бүх төрлийн давуу тал, давуу эрхийг хүртэн хүндлэгдэж байна гэдэг. Ямар ичгүүртэй юм бэ!
Тэгсэн хэр нь гудамжны шударга охидыг зовоож, дарамталж, элдэв нэр хоч зүүн дорд үздэг. (Тийм ээ, Багш аа.) Учир нь зарим охид яахаа мэддэггүй. Тэдний гэр орон ядуу болохоор тэд байгаа ганц зүйлээ л худалдах болдог байх. Би зөвтгөж байгаа юм биш. Энэ бол сайн үйл гэж би хэлэх гээгүй. Харин тэд болон Эзэний орон гэрт бузар зүйл хийгчид хооронд ямар ялгаа байна вэ? Биеэ үнэлэгч гэгдэх эдгээр шударга хүмүүсийг юунд буруутгана вэ? Тэд үүнийг амин зуулгаа олох гэж хийдэг бөгөөд зарим хүнд тэд хэрэгтэй байдаг. (Тийм ээ, Багш аа.) Харин сүмийн санваартнууд ийм зүйл хийх хэрэг байхгүй. (Огт үгүй.) Бас хүүхдүүдэд үүнийг хийх хэрэг байхгүй. (Байхгүй.) Ойлгов уу? (Тийм ээ, Багш аа.) Тэгэхээр энэ талаас нь харвал, гудамжныхан, гудамжны охид миний бодлоор, миний даруу бодлоор бол илүү хүндтэй санагдаж байна. (Тийм ээ, Багш аа.)
Зорилгынхоо төлөө үйлчилдэггүй хоосон сүмийн нэр төрийг хамгаалах хичээхийн хэрэг юу байна вэ? Сүм хүний төлөө байдгаас биш хүмүүс сүмийн төлөө байдаггүй. (Тийм ээ, Багш аа.) Сүм хүмүүсийн ёс суртахуун, ариун журам, итгэлийг хамгаалдаг. Нийгэмд амьдрах, бусад төрөлтнүүдтэй нийцтэй аж төрөх ёс суртахуун, ариун журам болон Бурханыг шүтэх итгэлийг нь сануулдаг. Бага балчир, гэм зэмгүй, хөөрхийлөлтэй, өөрийгөө хамгаалж чадахгүй хүүхдүүдийг хохироож ийм бузар зүйл хийсээр байгаа хэнд ч болов үйлчилдэггүй. Юу гэж байгааг минь дуулав уу? (Тийм ээ, Багш аа.)
Хийх ёстойгоо хийхгүй юм бол сүм тэгээд юуны төлөө орших ёстой гэж? Зүгээр л Библийг давтан уншаад, магтуу дуулаад өдөр бүр ингэж л байх юм бол юунд хэрэгтэй гэж? (Тийм ээ.) Аяга бохир байхад үүнд ариун идээ эсвэл сайхан унд хийхийг юунд хүснэ гэж? Тэгээд үүнийгээ яаж уух юм бэ? Бохир л байна шүү дээ. (Тийм ээ, Багш аа.)
Эдгээр хоёр сүмийн тэргүүнүүдийг би маш их хүндэтгэж байна. Английн Сүмийн тэргүүн Хамба болон Германы Католик Сүмийн тэргүүн Хамба. Тэднийг би ихэд хүндэтгэж байна. Тэд ядаж л уучлалт гуйх хэмжээний ёс зүйтэй юм. Гэхдээ энэ надад хангалтгүй. Энэ нь энэ бүх мянга мянган, эсвэл бүр хэдэн арван мянган, илрээгүй илүү ч олон хүүхдүүдийг гэмтээн хохироосон, зовоосон хэргүүдийг залруулахад хангалтгүй юм. Үүнийг хэзээ ч нөхөж чадахгүй. (Тийм ээ, Багш аа.)
Дэндүү бага, дэндүү оройтож. Гэхдээ тэд ядаж л ухамсрынхаа хүрээнд өөрсдийнхөө хэмжээнд ямар нэг юм хийлээ. Ядаж л бузар зүйлийг цаашид өөгшүүлэхгүй нь. Ядаж л хаацайлах гэж хичээхгүй нь. Хэрэв хорт хавдар биед гарч ирсэн л бол ямар ч сайхан хувцас өмсөж халхалсан ч хавдар дотор нь байсаар л байна. (Тийм. Тийм ээ, Багш аа.) Зөвхөн биед байгаад зогсохгүй арьсан дээр нь хэдийн гараад ирчхэж. Бас үнэр нь ч маш... Юу гэмээр юм бэ? Маш заваан. (Тийм ээ, Багш аа.) Хэдийн маш жигшим болчихсон. Гоёмсог мөнгөн, торгон, сатин, шифон зэрэг байж болох үнэтэй өмсгөл сэлтэн доороо нуух гэж хичээсэн хэвээрээ байна. Ямар хэрэгтэй юм бэ? (Тийм ээ, Багш аа.) Ямар ч энгийн хүн, тэр байтугай хамгийн ухаан муутай, ухаалаг чанар багатай нэгэн байлаа ч үүнийг байж боломгүй, өршөөж боломгүй гэдгийг ойлгоно. (Тийм ээ.) Жаахан хүүхдүүдийн үнэ цэнээр цаашид ч, одоо ч, ирээдүйд ч уучлаад үргэлжлүүлээд байж болшгүй юм.
Би их бухимдаж байна. Амьтад, хүүхдүүдийг ингэх үед би маш их ууртай Их Багш гэж та нарт хэлсэн дээ. Учир нь тэд бол хамгийн хөөрхийлөлтэй, эмзэг. (Тийм ээ, Багш аа.) Би өнөөдөр дүрстэйгээр холбогдож чадсангүй. Утсаар байсан ч бараг чадахааргүй байсан ч холбогдох хэрэгтэй байлаа. Та нартай энэ талаар ярих хэрэгтэй байсан, та нар ч намайг яагаад ууртай байгааг ойлгоно. (Тийм ээ, Багш аа.) Бас энэ бүх зүйл нийгмийн, дэлхийн, бүхий л дэлхийн том хорт хавдар болж, томоос том, тайрч хаях ёстой муухай, заваан хорт хавдар болох тухай ярих хэрэгтэй байлаа. Үгүй бол дэлхий даяар халдварлах болно.
Энэ янзаараа байсаар байвал хэн ч Есүсийн сургаалд итгэхгүй. Илүү хор хөнөөл учруулна. Ойлгов уу? (Тийм ээ, Багш аа.)
Хорт хавдрыг үгүйсгэн эдгээх арга хайхгүй, эдгээхийг хичээхгүй байна. Тэгэхээр тэд үүнээс илүү тодорхой зүйл, энэ тэрхэн жаахан зүйлс хийж, хэдэн арван жилийн турш зүгээр л амлах зэрэг энд тэнд жаахан зүйлс хийхээс илүү тодорхой юм хийх ёстой. Тэднийг ам нээж ямар нэг юм хийх хүртэл дахин хэчнээн олон арван мянган хүүхэд, бяцхан хөвгүүд охид зовж шаналах ёстой юм бэ?
Тэдний юу хийдгийг хар даа, хаалттай хаалганы ард, сул дорой бяцхан хүүхдүүдийг хүчилж, тэдний дээрээс дүнхийж, тэднийг бяцалж, бүр жаахан хүүхдүүдийн нэр төр болоод энх тайвныг бяцалж байдаг. Тэдгээр бяцхан хүүхдүүд бүхий л амьдралынхаа турш сэтгэлийн гүн цочролд орно. Хэрэв тэд бүр гэмт хэрэгтнүүд боллоо гэхэд гайхах зүйлгүй. (Тийм.) тэдний амьдралыг сүйрүүлж, тэдний итгэл гэнэн цайлган сэтгэлээс урвасан тэр “ариун” системийг үзэн ядсан учраас. Та нар намайг сонсож байна уу? (Тийм, Багш аа.) Өө, би маш их давчдаж байна, би зүгээр л маш их ууртай байна. Энэ бол нэг талт дарангуйлал, дээрэлхэж буй үйлдэл. Нэг талт. Учир нь хүүхдүүд үүнд юу ч хэлэх эрхгүй байдаг. (Тийм ээ, үнэн.) Тэд бүр хүүхдүүдийн зөвшөөрөл, эсвэл саналыг ч асуухгүй, юу ч асуухгүй. Үүнийг шулуухан хэлэхэд... (Хүчирхийлэл.) мэдээж хүчирхийлэл, гэхдээ энэ үг миний хувьд хангалтгүй байна. Би илүү дээр үг олж чадахгүй байна. “хүчирхийлэх” “хүчиндэх” юу ч биш. Энэ бол чөтгөрийн муу ёр. Намайг ойлгож байна уу? (Тийм, Багш аа.) Энэ бол гэмт хэрэг!
Иймд би жаахан дээрдлээ. Ядаж л ямар нэг зүйл болж байна. Үүнийг би та нарт хэлэхийг хүссэн юм. (Тийм, Багш аа.) Та нар энэ мэдээг уншаагүй байж магад гээд. Би удаан хугацааны турш юм уншаагүй, гэхдээ хаяа нэг бага зэрэг л уншдаг. Утсан дээрээ зөвхөн гарчигуудыг нь.
Бас “Ирландын засгийн газар мөрдлөгийн дараа уучлал гуйсан...” Тэр сүмийн нийтлэл дээр энэ байсан ба надад энэ бүхнийг унших цаг байгаагүй.
Мэдээж, дээр үед Америкт зарим сүмүүд бас уучлал гуйж, ямар нэг зүйл хийсэн. Гэвч дэндүү бага байна. (Тийм, Багш аа.) Хэтэрхий бага. Би яагаад хууль юу ч хийдэггүйг бас гайхдаг. Учир нь хэрэв гаднах энгийн хүмүүс хүүхэд хүчирхийлбэл, тэд тэднийг шоронд хорьдог. (Тийм.) Гэтэл энд, сүмд, бүхий л санваартнуудын санваартнууд, бүхий л ариунаас ариун хүмүүс, сүрлэг алхаж, том ярьж, мөнгө олж, тухтай амьдардаг байж хүүхдүүдэд ийм зүйл хийж байдаг! Хууль бас л юу ч хийдэггүй!
Та нарт энэ нь хачин жигтэй санагдахгүй байна уу? (Тийм.) (Байж боломгүй зүйл, Багш аа.) Байж боломжгүй зүйл! Яаж тэд сүртэй алхаж, том ярьсан хэвээр байж чаддаг байна аа? Толгойгоо өндөрт өргөөд шүү? бусад хүмүүсээр хүндлүүлээд? Би энэ нийгмийн ойлгодоггүй, харин та нар? (Үгүй, Багш аа.) Засгийн газрууд юу хийдэг байна аа? Сүмүүд юуны төлөө юм бэ? Ийм муухай, бузар, мунхаг үлгэр дуурайлал! Үргэлжилсээр! Хэн ч юу ч хийдэггүй! Ердөө хаа нэг бага зэрэг, тэгээд хивсний доогуур шүүрдээд нуучихдаг. (Тийм.) Тиймээс хууль огтхон ч шударга биш байна. Олон иргэд хуулийг сахиж мөрддөггүйд гайхах зүйл алга. Учир нь энэ шударга ёсонд үйлчлэхгүй байна!
Олон хүн сүмийг орхисонд гайхах зүйл алга, учир нь тэд сүмийн төлөөлөгч нар дахин итгэхээ больсон. Гэвч тэд Бурханыг орхихгүй гэж би найдаж байна. тэд зүрх сэтгэлдээ Бурханыг орхих бус, зөвхөн сүмийг орхидог гэж найдаж байна. (Тийм, Багш аа.) Учир нь санваартан хүн сайн үлгэр жишээ байх ёстой.
Яагаад ингэж бяцхан гэм зэмгүй хүүхдүүдийг хүчиндэж, бузарлаж, дарангуйлж, хүчирхийлж байгаа юм бэ?
Би хаа нэгтэйгээс тэд үй олон булш нэг газарт байхыг олсон гэж уншсан санагдаж байна. (Канад улсад, Багш аа.) Тийм зүйл болсон, тийм үү? (Тийм, Багш аа.) Өө Бурхан минь. Тэгвэл энэ нь хүчирхийлээд алдаг байсан гэсэн үг. (Тийм.) Заримдаа хүүхдүүд ор сураггүй алга болдог, хэн ч тэднийг олж чаддаггүй. Энэ бүх хуулийн өмнө! Шударга ёсны дарь эхүүд сохорчээ. Шударга ёсны жинлүүр зөвхөн нэг тал руу зааж байна. Сул дорой, номхон дөлгөөн, хүч чадалгүй, өөрийгөө хамгаалах чадваргүй, гэм зэмгүй хүүхдүүдийн төлөө ямар ч хууль алга. Харин хүчирхэг сүмийн талд хууль тэдний ТАЛД байна! Энэ бол миний харж буй зүйл, энэ нь хүлээн зөвшөөрч боломгүй зүйл. Хэзээ ч! Хэзээ ч үгүй! Өө, би энэ бүхнийг үзэн ядаж байна! Би үүнээс болж заримдаа нойргүй хонодог, хүүхдүүд хэчнээн их айсан бол гэдэг тухай боддог. Энэ төрлийн тохиолдол гарцаагүй айж таарна, айх болно. Буланд, хаа нэгтээ харанхуйд, тэд тэднээр хүссэн бүхнээ хийсэн, тэнд тэднийг хамгаалах, тэдний төлөө ямар нэг зүйл хийх хэн ч байгаагүй. Та өөрөө байсан бол гээд төсөөл дөө. (Тийм, Багш аа.) Чи өөрөө байна гээд төсөөл дөө.
Би үүний тухай үүрд ярьж чадах боловч би хангалттай ярилаа гэж бодож байна. Нэмэх зүйл байна уу?
(Багш аа,) За. (хүмүүс юу хийж чадах вэ… учир нь энэ нь маш удаан хугацааны турш болсоор ирсэн ба, хаяа нэг уучлал гуйдаг, гэвч тэд юу ч хийдэггүй. Үүнийг зогсоохын тулд хүмүүсийн хийж чадах ямар нэг зүйл байгаа эсэхийг би мэдэхийг хүсэж байна.)
Тэд ёстой. Тэд хуульд гомдол мэдүүлэх баримтууд өргөх хэрэгтэй. Хүмүүс өөрсдийн хүүхдүүдийн төлөө зогсох ёстой. Эсвэл хүүхдүүд өөрсдөө үүнийг хэлэх ёстой. Гэвч энэ нь тэдний хувьд эрсдэлтэй. Хүүхдүүд айсан байгаа. (Тийм, Багш аа.) Учир нь хүүхдүүд тэдгээр хүмүүс маш хүчирхэг гэдгийг мэднэ; тэд тэднийг алж магадгүй. Тэд тэднийг дуугүй бай гэж айлган сүрдүүлсэн байж таарна. Хэрэв зарим хүүхдүүд хашхирвал, эсвэл эцэг эхдээ хэлнэ гэж айлгавал, тэд тэдгээр хүүхдийг дуугүй болгодог, тэднийг алдаг. (Тийм, Багш аа.) (Хөөх.)
Тиймээс олон хэрэг хэзээ ч ил болж байгаагүй. Дэлхийн олон алслагдмал өнцөг буланд хэдэн арван мянга эсвэл хэдэн зуун мянган хүүхдүүд бий гэдэгт би итгэлтэй байна. Дэлхийн олон өнцөг буланд хаа сайгүй сүмүүд бий, хаа сайгүй санваартнууд бий.
Хүмүүсийн хувьд санваартнууд их чухал, учир нь тэд тэднийг хүндэлж дээдэлдэг. Ялангуяа хүүхдүүд, тэд эмзэг, сэтгэлийн дархлаагүй. Тэдэнд заахад амар - сайн мууг ялгаагүй.
ОК, за. Ядаж л ямар нэг зүйл хөдөлж байна. Маш ухаан боловч ямар нэг зүйл эхэлж байна. Тэр Германы санваартан таалагдаж байна. Ядаж л тэр шударга байна. (Тийм, Багш аа.) Тэр үүнийг одоо ухаарсан. Тэр Сүмийн нэр төрийг хамгаалах гэж хичээснээр, тэр энэ нийтийн гэм буруутай үйлд оролцож буй хэрэг гэдгийг ойлгосон байна, энэ нь сайн биш гэдгийг ойлгожээ.
Өөр нэг мэдээ байна. Энэ нэг мэдээ байлаа, өөр нэг мэдээ нь ноён Куомогийн тухай. Нью Иорк хотын захирагч. Куомо, санаж байна уу? (Тийм.) Тэрээр бэлгийн хүчирхийлэлд буруутгагдаад байсан, (Тийм.) бүр КОВИД-ыг нуун дарагдуулсан гэж байсан. (Тийм, Багш аа.) Гэхдээ би та нарт энэ бүхэн санагдаж байгаа шигээ биш гэдгийг тайлбарласан. Би хэдийнээ та нарт тайлбарласан, (Тийм, Багш аа.) эхэн үед хэн ч КОВИД-19 тахлын тухай мэддэггүй байсан. Бүр Др. Фауси зэрэг мэргэжилтнүүд хүртэл энэ нь юу ч биш, зүгээр л хорхой юм, ханиад бол илүү санаа зовоох зүйл гэж хэлж байсан. Амны хаалт зүүх шаардлагагүй гэх мэт. Бүр үүнийгээ олон нийтэд хэлж байв. Дараа нь хэлэхдээ, өө, амны хаалтыг заавал зүүх ёстой, давхар амны хаалтыг зөвлөсөн. Маш олон хүмүүс, олон сенатор одоо түүнийг огцрохыг хүсэж байна. Тэр тийм ч нэр хүндтэй байхаа больсон. Энэ бол өөр түүх. (Тийм, Багш аа.) Тэгэхээр ноён Куомо, бүр түүний өөрийн намын гишүүд, олон Ардчилсан намынхан өмнө нь түүнийг буруутгаж байсан түүнийг огцрохыг шаардаж байсан. Одоо тэр эргэж, түүнийг огцрохыг шаардахгүй харин түүнийг дэмжиж, хэвлэл мэдээлэл, хурал дээр магтаж байгаа.
Тэд одоо илүү тодорхой ойлгосон байх гэж би таамаглаж байна. Эсвэл магадгүй тэд Шуурхай Мэдээ, Бурханы-тааллыг үзсэн байх. Тэд миний яриаг үзсэн байх. Магадгүй. Тэгэхээр олон хүмүүс биднийг үздэг, магадгүй тэд үзэгчдийн нэг байж болно шүү дээ.
Манай телевиз их үзүүштэй, -маш үнэн, маш өнгөлөг, маш үзэсгэлэнтэй. Маш хэрэгтэй, маш их ач тустай. (Тийм, Багш аа.) Тэгэхээр, хэрэв хэн нэгэн тэдгээр нэвтрүүлгүүдийг үздэг бол, тэд өөрсдөдөө агуу тус хүргэж буй юм. (Тийм.) Илүү их мэдлэгтэй болохоос гадна, тэд зарим зарим адислал хүртдэг, тэдэнд өөрсдөд нь тустай байдаг. (Тийм, Багш аа.) Тэгэхээр ноён Куомо бас одоо зарим ач тус хүртсэнийг та нар харж байна. (Тийм.) Тэд эргэж, түүнийг одоо нээлттэй магтдаг болсон, үнэхээр тэс өөр болсон.
Та нар Калифорниа мужийн захирагч Ньюсомын тухай ямар нэг сураг сонсов уу? Түүний хувьд ямар нэг шинэ дэвшил байна уу? (Үгүй, Багшаа) Хүмүүс түүнийг хараахан огцруулаагүй биз дээ? Тэд тэгэх ёсгүй. Энэ нь хор нөлөөтэй, шударга бус байх болно. Бид дахин юм дуулаагүй, түүний талаар их шуугиан сонсоогүй. Түүний хувьд хэрэг сайнаар эргэсэн гэж найдъя, яг л Нью Иоркийн (Тийм, Багш аа.) ноён Куомо шиг.
Ямартай ч, та нарт энэ бүхний талаар хэлэхийг хүссэн юм. (Баярлалаа, Багш аа.) Тэгснээр та нарын ажил үр дүнгээ магадгүй өгчээ гэдгийг мэдэх юм. (Тийм, Багш аа.) Хэрэв тэгээгүй байлаа ч хамаагүй, ядаж л бид хамгийн сайнаараа хичээж байгаа. (Тийм, Багш аа.)
Аливаа ажлын буян амжилтаар хэмжигддэггүй. Энэ нь хичээл зүтгэлээр хэмжигддэг. Таны чин сэтгэл, эрхэм зорилгын төлөө үүнийг сайн хийх юм сан гэсэн жинхэнэ хүсэл. Тэгээд хэрэв бид үүнд ямар нэг гавьяа хүртэхгүй байлаа ч хамаагүй. Гэхдээ энэ нь надад илт ойлгомжтой санагдаж байна. Өнгөрсөн удаад, би Израйл болон Палетинийн тухай та нарт хэлсэн зүйлтэй адил. Дэлхий магадгүй бага багаар эмх цэгцдээ орж, илүү гэгээрч, илүү ухамсарлаж байгаа нь маш сайн хэрэг. (Тийм, Багш аа.)
(Багш аа, сүмийн олон хүмүүс эсвэл бүр улс төрчид Суприм Мастер Телевизийг үзэж, Таны үгийг сонсдог гэж санагддаг.) Магадгүй. (Үздэг хүмүүс, өөрсдийн арга байдлаа өөрчлөх, нөхцөл байдлыг сайжруулах хүч тэнхээтэй хүмүүс олон байдаг уу?)
Тэдний зарим нь. Тэдний зарим нь тэгэх болно. Зарим нь тэгдэг. Илүү олон болно гэж найдъя. (Тийм Багш аа.)
Бид Хамгаас Өршөөнгүй, Зоримог Их Багш Тандаа бидний дундах хамгаас эмзэг сул дорой нэгний өмнөөс хөдөлшгүй үнэний тухай айлддагт Тань чин сэтгэлээсээ талархаж байна. Хүн төрөлхтөн, тэр дундаа үүрэг хүлээсэн удирдагч хүмүүс шалгууртайгаа нүүр тулж Бурханы дэмжлэгээр даван туулж гэм зэмгүй хүүхдүүд болон амьтдыг хайрлах болтугай гэж бид гүнээ найдаж байна. Хайрт Их Багшийн маань лагшин тунгалаг байж Огторгуйн Нигүүлсэнгүй Төрөлтнүүдийн Хамгаалалд орших болтугай.
Төгс Гэгээрсэн Их Багш Чин Хай Багштай хийсэн энэхүү конференцийг бүрэн эхээр үзэхийг хүсвэл, дараа нэг өдөр Багш Шавийн Шүтэлцээ нэвтрүүлгээр хүлээн авч үзээрэй.
