ӨДӨР ТУТМЫН МЭДЭЭ-ний гол тойм – 2026 оны 7-р сарын 12

АНУ, Иран хоорондоо дахин цохилт өгч, АНУ-ын санал болгосон Оманы усан нутгаар дайрч буй замын ойролцоо гурван танкерт халдсаны дараа Ормузын хоолойгоор өнгөрөх хөлөг онгоцны хөдөлгөөн огцом буурчээ. Далайн тээврийн тагнуулын Kpler компанийн мэдээлснээр, 7-р сарын 8-нд тус хоолойгоор ердөө 23 танкер, ачааны хөлөг онгоц гарсан нь долоо хоногийн өмнөх 47 гарснаас буурсан үзүүлэлт бөгөөд Иран улс хөлөг онгоцнуудыг өөрийн тогтоосон замаар явахыг шаардсанаас хурцадмал байдал өсөж, тухайн өдөр Оманы замыг нэг ч хөлөг ашиглаагүй байна. (BBC)

АНУ-ын Төв командлал [CENTCOM]-ын мэдээлснээр АНУ-ын хүчин Ираны эргийн дагуу агаарын довтолгооноос хамгаалах систем, эргийн тандалтын хэрэгсэл, пуужин, дроны агуулах, тэнгисийн цэргийн чадавх, логистикийн дэд бүтэц зэрэг Ираны цэргийн 90 орчим байнд цохилт өгсөн байна. АНУ-ын CENTCOM уг ажиллагаа нь Ормузын хоолойд худалдааны хөлөг онгоц, энгийн далайчдад халдах Ираны чадавхыг цаашид сулруулах зорилготой бөгөөд өмнөх өдөр АНУ-аас Ираны 80 орчим байнд цохилт үзүүлсний дараах ажиллагаа гэж мэдэгджээ. (Фокс Ньюс)

АНУ-ын Ерөнхийлөгч Трамп АНУ-ын цохилтын дараа Иран улс хэлэлцээр хийхээр холбоо барьсан ч тус улс тохиролцоог биелүүлнэ гэдэгт итгэж болох эсэхэд эргэлзэж байна гэж мэдэгджээ. Ноён Трамп уг цохилтууд нь Ормузын хоолойд худалдааны хөлгүүдэд хийсэн Ираны халдлагад үзүүлсэн хариу арга хэмжээ байсан бөгөөд Иран улс дахин халдлага үйлдвэл АНУ илүү хатуу хариу өгнө гэж мэдэгдсэн байна. (Фокс Ньюс)

АНУ-ын Тэнгисийн цэргийн алба Арабын тэнгист АНУ-ын Тэнгисийн цэргийн болон дэмжлэгийн 20-иод хөлөг онгоц, 20,000 орчим далайчин, тэнгисийн явган цэрэг байрлаж байна гэж мэдэгджээ. (Фокс Ньюс)

CENTCOM Ираны төрийн хэвлэлүүдийн “худалдааны хөлөг онгоцнууд Ормузын хоолойгоор зөвхөн Ираны тогтоосон замаар нэвтэрч болно” гэсэн мэдэгдлийг няцааж, Иран улс энэ усан замыг хянадаггүй гэж мэдэгджээ. CENTCOM 5-р сарын эхнээс хойш АНУ-ын цэргийн хүчин 380 сая орчим баррель [60.4 тэрбум орчим литр] түүхий нефть тээвэрлэсэн 800 гаруй худалдааны хөлөг онгоцыг хоолойгоор нэвтрүүлэхэд тусалсан гэж мэдэгдсэн байна. (Фокс Ньюс)

АНУ-ын нэг албан тушаалтан тус улс болон түнш орнуудын хүчин 2026 оны 7-р сарын 8-наас 9-нд шилжих шөнө Ираны олон арван дрон, пуужинг замаас нь устгасан гэж мэдэгджээ. Түүний хэлснээр эдгээр саатуулах ажиллагаа нь бүс нутаг даяарх Ираны агаарын халдлагын эсрэг АНУ болон холбоотнуудын хамгаалах ажиллагаа үргэлжилж байгааг харуулж байна. (Фокс Ньюс)

Ираны Гадаад хэргийн сайд Оман, Туркийн Гадаад хэргийн сайд нартай тус тус утсаар ярьж, Ормузын хоолойн нөхцөл байдал болон дипломат аргаар цаашид хурцатахаас сэргийлэх хүчин чармайлт зэрэг бүс нутгийн хурцадмал байдлыг хэлэлцжээ. Иран улс мөн тус улсын Гадаад хэргийн сайд Пакистаны армийн тэргүүнтэй бүс нутгийн сүүлийн үеийн нөхцөл байдлын талаар хэлэлцсэн гэж мэдэгджээ. (Фокс Ньюс)

Иракийн ерөнхий сайд Али аль-Заиди энэ сарын сүүлээр [АНУ-ын] Вашингтон хотод айлчлахаас өмнө Ирак улс АНУ-тай улс төрийн хамтын ажиллагаа, эдийн засгийн шинэ түншлэл зарлахаа гэж мэдэгджээ. Ерөнхий сайд Аль-Заиди Ирак улс АНУ, Иран улсыг ойртуулах чиглэлээр мөн ажиллаж байна гэжээ. Ирак улс АНУ-тай харилцаагаа гүнзгийрүүлэхийн зэрэгцээ Иран улстай бүс нутгийн зуучлагчийн үүргээ хадгалахыг зорьж байна. (Фокс Ньюс)

НАТО [Умард Атлантын Гэрээний Байгууллага] 2026 онд Украин (Урейн) улсад 70 тэрбум еврогийн цэргийн тоног төхөөрөмж олгож, тусламж, сургалт үзүүлэхээ амлажээ. Холбоотнууд 2027 онд багадаа үүнтэй дүйцэх хэмжээний дэмжлэг үргэлжлүүлэн үзүүлэх зорилготой байгаагаа мэдэгджээ. АНУ-ын Ерөнхийлөгч Трамп Украин (Урейн)-ы ерөнхийлөгч Володимир Зеленськийтэй Туркийн Анкара хотод болсон НАТО-гийн дээд хэмжээний уулзалт дээр уулзах үедээ уг амлалтыг өгчээ. Ноён Трамп Украин (Урейн), Орос улсуудын хооронд энхийн хэлэлцээрт хүрэх хүчин чармайлт ахицтай байна гэж мэдэгдсэн байна. (Аль Жазира)

Украин (Урейн) улс Нисгэгчгүй системийн хүчнийхэн нь 7-р сарын 7-нд шилжих шөнө Азовын тэнгист эзлэгдсэн [Украин (Урейн)-ы] Крым рүү нийлүүлэх түлшний хангамжийг онилсон ажиллагааны үеэр хоригт орсон Оросын сүүдрийн флотын 8 танкерт цохилт өгсөн гэж мэдэгджээ. Командлагч Роберт “Мадяр” Бровди Украин (Урейн)-ы дроны хүчин тус улсын Орост эзлэгдсэн нутагт Оросын шугамын ар талд нэг ачааны хөлөг, нэг гатлага онгоц, цэргийн 58 байнд мөн цохилт өгсөн гэж мэдэгджээ. (Укринформ)

АНУ-ын албан тушаалтан Израил-Ливаны хэлэлцээр хэрэгжилтийн шатанд шилжсэн бөгөөд Ливаны арми Израилын хүчнээс хяналтыг авах бүсэд анхны туршилтын бүс хэдхэн хоногийн дотор эхлэх төлөвтэй байна гэж мэдэгджээ. [Италийн] Ром хот дахь хэлэлцүүлгийн дараа ажил техникийн багууд руу шилжих төлөвтэй байгаа бол АНУ-ын Төв командлал зохицуулж, АНУ бүсүүдэд Ливаны засгийн газрын хяналтыг дэмжүүлэхээр олон улсын түншүүдэд хандахаар бэлтгэж байна. (Фокс Ньюс)

Финландын ерөнхийлөгч Александр Стубб, Хятадын Гадаад хэргийн сайд Ван И нар Финландын Турку хотод уулзаж, дэлхийн сорилтуудын үед Хятад, Финланд улсууд хамтын ажиллагаа, уялдаа холбоогоо бэхжүүлнэ гэж мэдэгджээ. Хоёр тал өндөр түвшний солилцоог өргөжүүлэх, ногоон эдийн засаг, хиймэл оюун ухаан салбарын хамтын ажиллагаа, олон талт зохицуулалтыг гүнзгийрүүлэх талаар хэлэлцсэн байна. (Синьхуа)

Суданы ерөнхий сайд Камил Идрис [Суданы] Хартум хотод Африкийн Холбооны тусгай төлөөлөгч Мохамед Белайштай уулзаж, энх тайванд хүрэх хүчин чармайлт болон Суданы арми, хагас цэрэгжүүлсэн Шуурхай дэмжлэгийн хүчний хоорондох дайныг зогсоох санаачилгуудыг уялдуулах талаар хэлэлцжээ. Ноён Белайш Судан улс дэлхийн хамгийн ноцтой хүмүүнлэгийн хямралуудын нэгтэй нүүр тулсаар байгаа энэ үед Африкийн Холбоо ойрын өдрүүдэд Суданд айлчилж, энхийн нэгдсэн алсын харааг боловсруулахад туслахаар төлөвлөж байна гэж мэдэгджээ. (Анадолу)

[Их Британийн] Кембрижийн Их Сургуулийн судлаачид авсаархан, зүүхэд тохиромжтой төхөөрөмжид лабораторийн түвшний нарийвчлал үзүүлэх 10 ам.долларын өртөгтэй конволюцийн спектрометрийн чипийг танилцууллаа. Энэхүү нээлтийн технологи нь ухаалаг цаг болон зөөврийн төхөөрөмжүүдээр цусан дахь глюкоз, арьсны чийгээр шингэний дутагдал болон бусад биомаркерыг өндөр нарийвчлалтайгаар тасралтгүй, арьс нэвтлэхгүйгээр хянах боломж олгоно. Ирээдүйд энэ нь өдөр тутмын төхөөрөмжүүдийг бодит цагт нь хэмжих оношилгооны хувийн эрүүл мэндийн лаборатори болгож өөрчилж магадгүй юм. (СкайТех Дэйли)

Легионерийн өвчин нь хөргөлтийн цамхаг, шүршүүрийн толгой, халуун усны ванн, гоёлын усан оргилуур зэрэг системээс Legionella нянгаар бохирдсон усны дуслаар амьсгалах үед үүсдэг хүнд хэлбэрийн хатгаа юм. Урьдчилан сэргийлэх боломжтой энэ өвчин хүнээс хүнд халдварладаггүй. Өвчний шинж тэмдэгт ханиах, халуурах, толгой өвдөх, булчин өвдөх, амьсгаадах шинж тэмдэг илэрдэг. Уг өвчний өндөр эрсдэлтэй бүлэгт ахмад настнууд, тамхи татдаг хүмүүс, дархлаа суларсан хүмүүс багтана. Үүнийг антибиотикоор эрт эмчлэх нь эдгэрэлтэд тусалдаг бол усны системийг зохистой засаж арчлах нь өвчин дэгдэхээс сэргийлнэ. (Сан)

Баруун Австралийн алслагдмал бүс нутгууд дахь явуулын угаалгын чиргүүлүүд Абориген иргэдийн сууринд ариун цэврийг сайжруулж, өвчний эрсдэлийг бууруулж байна. Эрүүл мэндийн ажилтнууд угаагч-хатаагч төхөөрөмжүүд ашиглан, айл өрхүүдэд ор дэрний хэрэглэл, алчуур, хувцсаа цэвэрлэхэд нь тусалж, трахом [хараагүй болгоход хүргэж болзошгүй нүдний нянгийн халдвар] болон бусад урьдчилан сэргийлэх боломжтой халдварт өвчний тархалтыг амжилттай хязгаарлаж байна. (Нгаарда Медиа)

Хятадын Ганьсу мужид хөрсний гулгалтын улмаас наад зах нь 21 хүн амиа алджээ. Аврах ажиллагааг дуусгасан байна. Энэ гамшиг 7-р сарын 7-ны мягмар гарагийн өглөө эрт Таньчан хошууны нэгэн хөндийд болж, улсын ойн аж ахуйд ажиллаж байсан голдуу орон нутгийн 33 түр ажилтныг даржээ. Уулархаг энэ бүс нутаг нь борооны улиралд байгалийн гамшигт үзэгдэлд байнга өртдөг байна. (Ройтерс)

Францы Альпийн нуруун дахь Савой мужид дэгдсэн хээрийн түймрийг унтраахаар тэмцэж байсан, 22 настай сайн дурын гал сөнөөгч амиа алджээ. Хэт халалт, түймрийн улмаас өмнөд Европ даяар олон мянган хүнийг нүүлгэн шилжүүлэхэд хүрээд байна. Европын Холбоо энэ улиралд Газар дундын тэнгисийн өндөр эрсдэлтэй зургаан оронд түүхэн дээд хэмжээгээр буюу 14 улсын 777 гал сөнөөгчийг урьдчилан байршуулжээ. (Ройтерс)

Дэлхийн далайн гадаргын температур түүхэн дээд хэмжээнд хүрснээр Их Британийн усанд далайн хэт халалтын үзэгдэл болж, далайн амьтад олноороо үхэх эрсдэл нэмэгдэж байна. Их Британийн зарим эргийн усны температур хэвийн хэмжээнээс 4–5°C-аар өндөр байна. (Гардиан)

Mr. Charlie’s веган түргэн хоолны сүлжээ 7-р сарын 11-нд [АНУ-ын] Сан Диего хотод шинэ салбараа нээж, үнэгүй веган бургер болон бусад бүтээгдэхүүн санал болгохын зэрэгцээ алдарт Blink 182 рок хамтлагийн бөмбөрчин, хувь эзэмшигч түнш Трэвис Баркер (веган) тусгайлан оролцож байна. (Плант Бэйсэд Ньюс)

Ау Лак (Вьетнам)-ын шар буурцгийн сүү үйлдвэрлэгч Vinasoy экспортын орлого огцом өсөхийн хэрээр дэлхийн тэлэлтээ хурдасгаж, бүтээгдэхүүний түгээлтээ АНУ болон Ази-Номхон далайн зах зээлд өргөжүүлж байна. Мөн одоогоор дотоодын тогтвортой шар буурцгийн тариалалтад хөрөнгө оруулж байна. (Вежкономист)

Швейцарын Givaudan компани [амт, үнэртэн, гоо сайхны бүтээгдэхүүний идэвхт найрлага үйлдвэрлэгч] дэлхийн гоо сайхны бүтээгдэхүүний цэвэр брэндүүдэд зориулан арьсны толигор байдал, уян хатан чанарыг нэмэгдүүлэхэд зориулагдсан ургамлын гаралтай веган гоо сайхны орц найрлага Vetalite-ыг гаргажээ. (Ад Хок Ньюс)

АНУ-ын 69 настай залуухан иргэн Дэн Райан 1980 онд цусаа өгч эхэлснээс хойш Америкийн Улаан Загалмайн нийгэмлэгт 113 гаруй литр бүтэн цус хандивласнаар Гиннесийн дэлхийн дээд амжилт тогтоожээ. Тэрээр 2025 оны 6-р сард энэ босгыг давсан бөгөөд Гиннесийн байгууллага 2026 оны 7-р сард энэ амжилтыг зарласан байна. Тэрээр хүний амь аврах үйлсээ үргэлжлүүлэхээ амлажээ. (Түөй Трэ/Гиннес Уорлд Рекордс)

[АНУ-ын] Мичиганы Верслуис паркт хажуугаар өнгөрч явсан хүн 2 настай охиныг живэхээс аварчээ. Ухаан алдсан бяцхан охиныг уснаас гаргасны татан гаргасны дараа сайн санаат Мариза Мохика зүрх, уушгины сэхээн амьдруулах тусламж [CPR] үзүүлэн, амжилттай сэхээн амьдруулж, улмаар яаралтай тусламжийн баг эмнэлэгт хүргэсэн байна. (Пийпл)

[АНУ-ын Орегон мужийн] Асториягийн гал сөнөөгчид барилгын дээвэр дээр гацсан илийг аварчээ. Аврах багийнхан шат ашиглан залуу бугыг газарт аюулгүй буулгасан бөгөөд тэрээр тэнд эхтэйгээ амжилттай эргэн уулзжээ. (Cleveland.com)

Өдрийн гэгээрүүлэх эшлэл: “Гашуудан шаналсан хүнд тусламж үзүүлж, зовлон бэрхшээлд тайтгарал өгөх нь их нүглийг цайруулах арга замуудын нэг юм.” – Зөнч Мухаммедын (Тэрээр Амгалан Оршиг) Шавь, Хүндэт Гэгээрсэн Их Багш Хазрат Имам Али ибн Аби Талиб (цагаан хоолтон) (Al-Islam.org)

Грег Жонсоны клиник үхэлд орсон тохиолдлын тухай энэхүү цувралын өмнөх хэсэгт Грег хүүхэд ахуйд нь эхэлсэн олон жилийн сүнслэг зовлон, мөн хожим нь эмийн тун хэтрүүлэн хэрэглэсний улмаас зүрх нь хүнд гэмтсэн тухай өгүүлсэн. Олон жилийн дараа тэрээр нууцлаг хавцлын голын дэргэд хадан дээр ганцаараа сууж байхад гэмтсэн зүрх нь цохилж, бараг зогсоод, дахин цохилохыг сонсож, өөрийгөө үхэл рүү аажмаар ойртож буйг мэдэрчээ.

Харанхуй зам руу орох нэгэн хаалга нээгдэв. Грег харанхуйгаар урагшилж, бие нь алга болохыг харж, тэр түүнийг оддын дундуур авч явсаар Дэлхий хол ард үлджээ. Түүнийг төрөхөөс өмнө хүлээж байсан гэж хэлсэн оршихуйнуудын зөвлөлд хүрсний дараа Грег нэгэн хаалгаар алхаж орсон бөгөөд БУРХАН-тай бүх Суу алдар дор нь уулзсан гэж ярьсан юм.

Нэг үед би хүүхэд байхдаа ТҮҮНД залбирч, тусламж гуйдаг байхад яагаад надад туслаагүйг нь асуусан. ТЭР: “За, Би тэнд байсан.” гэж хэлэхэд би үнэхээр цочирдсон. Тэгээд ТЭР хүүхэд байхад минь намайг харж хамгаалж байсан дүр зургуудыг надад үзүүлсэн. Би: “Яагаад ТА энэ өвдөлтөөс минь намайг аварч туслаагүй юм бэ?” гэж асууж байлаа. ТЭР: “Би үүнийг зөвшөөрсөн.” гэж хэлсэн. Үүнд би цочирдсон. Учир нь би: “ТА юу яриад байгаа юм бэ? ТА үүнийг зөвшөөрсөн гэнэ. Би ТАНААС үүнийг зогсооход туслаач гэж гуйж байсан. Гэтэл ТА үүнийг зөвшөөрсөн гэж хэлж байна гэж үү?” гэсэн. Гэвч би маш их будилсан. Учир нь: “ТЭР үүнийг үүсгээгүй. ТЭР зөвшөөрсөн.” гэж бодож байлаа. Тэгээд би: “Тэгвэл үүнийг хэн үүсгэсэн юм бэ?” гэсэн. Тэгээд мэдээж би төрөхөөсөө өмнө тодорхой нэг замыг өөрөө сонгосноо ойлгож, харсан.

Хүн туулдаг зовлон нь үнэхээр юу чухал болохыг ухаарах хаалгыг нээдэг учраас би үүнийг сонгосон байсан. Хэрэв та үргэлж эрүүл саруул, үргэлж аз жаргалтай байж, энэ амьдралд оршвол амьдралдаа татагдаж, “За тийм ээ, би гэр бүлтэй болж, байшин барьж, ажилтай болж, зээл авч, дуртай гоё машинаа худалдан авч, найзуудтайгаа цагийг өнгөрөөмөөр байна.” гэх болно. Та амьдралдаа төөрнө, харин зовлон л энэ бүхэн үнэндээ тийм ч чухал биш гэдгийг харуулж эхэлдэг. Түүнээс хавьгүй илүү агуу зүйл байдаг. Тиймээс сударт: “Амьдралаа тавьж явуулсан хүн түүнийгээ олно. Амьдралтайгаа зууралдсан хүн түүнийгээ алдана” гэсэн эшлэл байдаг. Учир нь бид амьдралд юу чухал, үнэхээр юу чухал болохыг мартдаг. Зовлон намайг ТҮҮН рүү хөтлөх хаалгыг нээнэ гэдгийг би ойлгоогүй байсан. ТЭР надад тэгж хэлсэн. ТЭР: “БИ үүнийг зөвшөөрсөн. Учир нь хэрэв зөвшөөрөөгүй бол чи НАМАЙГ хэзээ ч олохгүй байсан.” гэж хэлсэн. Зовлон л намайг ТҮҮН рүү хөтөлсөн.

Тэр байдалд нэг, хоёр цаг болсон мэт санагдсан ч дараа нь Грегийн ах түүнийг хадан дээр олон цаг суусан гэдгийг баталжээ. Грег нүдээ аажмаар нээв. Тэр биеийн мэдрэхүйдээ эргэн ирэхдээ харсан зүйлдээ гайхаж орхижээ. Нүдээ маш аажмаар нээхэд би анх удаа БУРХАНЫ Хаанчлалыг харсан. Учир нь БУРХАНЫ Хаанчлал таны дотор байдаг ч бас таны эргэн тойронд бүхэлдээ байдаг. Энэ бол шууд утгаараа амьд зүйл юм. Би нүдээ нээхэд ямар нэг байдлаар харж чадсан. Энэ бүхэн хэрхэн болсныг нь би мэдэхгүй ч бүх зүйл доторх БУРХАНЫ Гэрлийг харсан. Би түүнийг чулуу бүрээс харсан. Би түүнийг голын дотор харсан. Би түүнийг салхинд харсан. Би түүнийг өчүүхэн шавж, мод, шувуу бүрээс харсан. Энэ бол туйлын гоо үзэсгэлэн байлаа. Зүрх сэтгэлдээ би зүгээр л мэдэж байсан. “Энэ бол Дэлхий дээрх Диваажин. Энэ бол тэр. Тэр энд байна.” гэж бодсон.

Бидний мэлмий үнэхээр хаалттай байдгийг би маш хурдан ойлгосон. Бид одоо сэрээгүй байна. Хүн төрөлхтөн гарцаагүй унтаж байна. Тиймээс л тэд үнэхээр төөрч, будилдаг. Учир нь тэд Диваажин дахь Эцгээ мэддэггүй. Тэд үнэнийг мэддэггүй. Би нүдээ нээж, энэ туйлын гоо үзэсгэлэнг харсан ч бас БУРХАНЫ Дуу хоолойг сонсож чадсан. Энэ бол авиа. Тэр хаа сайгүй байсан. Шууд утгаараа хаа сайгүй байсан. Түүнийг хаана байгааг яг зааж хэлэх боломжгүй. Тэр амьтай бүхнээс гарч байлаа. Мод бүр, навч бүр, ус, салхи, миний доорх бүх зүйл, миний дээрх бүх зүйл, тэр хаа сайгүй байсан.

Грег ахыгаа гараараа дуудав. Ах нь ойртон ирэхэд Грег ахынхаа бодлыг мэдэрч, тэдгээр нь өөрийнх нь нам гүмийг алдагдуулж болохыг мэдэрсэн гэж хэлсэн юм. Ах нь хадан дээр түүний хажууд сууж, сонсохыг хичээв. 20, 30 минутын дараа тэр юу ч сонсож чадалгүй босож явахаар болжээ. Тэр үед ямар нэгэн зүйл хяналтаа тогтоов. 7-р хэсэгт, Грегийн ах явахаар босох яг тэр мөчид ахынх нь сонсож чадаагүй дуу гэнэт үл тоомсорлохын аргагүй болно. Би маш хүчтэй хоолойгоор: “Чи үүнийг сонсохгүй байна уу?” гэж хэлсэн. Грег Жонсоны клиник үхлийн тохиолдлын тухай энэхүү цувралын 7-р хэсэгт маргааш бидэнтэй хамт байгаарай. (Үхлээс буцсан аялал)